ავთანდილის მეორე ხაზის პროდუქცია მსოფლიო ბაზარზე გავა
უახლოეს მომავალში ავთანდილი ბათუმში მაღაზიას გახსნის.
თბილისში უკვე არსებული სამი მაღაზიის მსგავსად, ბათუმშიც დიზაინერის მეორე ხაზის პროდუქცია ”ავთანდილ73” იქნება წარმოდგენილი. აღნიშნული პროდუქცია, როგორც ქართველი დიზაინერი bpn.ge-სთან საუბრისას განმარტავს, მალე მსოფლიო ბაზარზეც გავა: ”ავთანდილ 73” მალე მსოფლიო ბაზარზე გავა, რადგან მისაღებფასიანი მოდური ტანსაცმელი არის ყველაზე კონკურენტუნარიანი როგორც საქართველოს, ასევე მსოფლიო ბაზარზე”.
”ავთანდილ 73”-ის პროდუქცია ამ ეტაპზე, თბილისში სამ მაღაზიაშია წარმოდგენილი. დიზაინერის თქმით, ბრენდი საკმაოდ აქტუალურია და ერთგული მომხმარებელიც ჰყავს: ”2 წელია, რაც ”ავთანდილ73” არსებობს. ჩვენ რომ არ გვყავდეს ჩვენი მომხმარებელი, ვერ განვვითარდებოდით”.