10 ყველაზე დიდი კოოპერატივი საქართველოში
10 ყველაზე დიდი კოოპერატივი საქართველოში
22 მარტი / 2016
1990-იანი წლების შემდეგ საქართველოში სოფლის მეურნეობამ რეგრესი განიცადა.
მნიშვნელოვნად შემცირდა მესაქონლეობა, ხილის, ჩაის და ციტრუსების წარმოება, ზოგიერთი წამყვანი დარგი კი განადგურების პირას მივიდა. ამ სიტუაციაში ეკონომიკის ექსპერტების და ევროკავშირის ერთ-ერთი რეკომენდაცია ფერმერული მეურნეობების განვითარება და კოოპერატივების შექმნაა. სწორედ ამ მიზნით მიიღეს კანონი „სასოფლო-სამეურნეო კოოპერატივების შესახებ“, რომელიც კოოპერატივების შექმნის წესებს განსაზღვრავს და შეიქმნა სსიპ. სასოფლო-სამეურნეო კოოპერატივების განვითარების სააგენტო, რომელსაც ამ პროცესის წარმართვა ევალება. კანონის მიხედვით, სასოფლო-სამეურნეო კოოპერატივის წევრთა მინიმალური რაოდენობა 5-ით განისაზღვრა, ხოლო მაღალმთიან რაიონებში - 3-ით. როგორც სასოფლო-სამეურნეო კოოპერატივების განვითარების სააგენტოში ამბობენ, 2016 წლის 17 მარტის მდგომარეობით სასოფლო-სამეურნეო კოოპერატივის სტატუსი მინიჭებული აქვს 1 378 კოოპერატივს.

გთავაზობთ ყველაზე მრავალრიცხოვანი და წარმატებული კოოპერატივების ათეულს საქართველოში. ათეული „სასოფლო-სამეურნეო კოოპერატივების განვითარების სააგენტოს“ მიერ მოწოდებულ ინფორმაციაზე დაყრდნობით არის შედგენილი.

„დარჩელის თხილი“
კოოპერატივი ზუგდიდის მუნიციპალიტეტის სოფელ დარჩელში შეიქმნა. დარჩელი საკმაოდ დიდი სოფელია - მისი მოსახლეობა 6400 ადამიანს აჭარბებს, ალბათ ამიტომაც დაარსდა აქ საქართველოში ყველაზე დიდი კოოპერატივი, რომელსაც სასოფლო-სამეურნეო კოოპერატივის სტატუსი 2015 წლის აგვისტოში მიენიჭა. კოოპერატივში გაერთიანებულია 599 მეპაიე, მათი ძირითადი საქმიანობა მეთხილეობაა.
კოოპერატივი „ჭარნალი“
ხელვაჩაურის მუნიციპალიტეტში, მდინარე ჭოროხის მარცხენა ნაპირზე მდებარეობს უძველესი სოფელი ჭარნალი. აქ აჭარლების გვერდით ცხოვრობენ XIX საუკუნეში აფხაზეთიდან გადმოსახლებული მუჰაჯირების შთამომავლები. სწორედ ამ ლამაზ სოფელში შეიქმნა კოოპერატივი „ჭარნალი“, რომელშიც გაერთიანებულია 157 მეპაიე. მათი ძირითადი საქმიანობა მეციტრუსეობაა.
„გურიის თხილი“
აჭარლებს არც გურულები ჩამორჩნენ და საქართველოს პირობებში საკმაოდ დიდი კოოპერატივი ჩამოაყალიბეს, რომელშიც 134 მეპაიე გაერთიანდა. კოოპერატივი „გურიის თხილი“ ლანჩხუთის მუნიციპალიტეტში მდებარეობს. მისი საქმიანობის სფერო მეთხილეობაა.
კოოპერატივი „ლაზი“
კოოპერატივი „ლაზი“ ზუგდიდის მუნიციპალიტეტში მდებარეობს. მისი
You must have Flash Player installed in order to see this player.
სახელი ძველი ლაზეთის სახელწოდებიდან მოდის. სასოფლო-სამეურნეო კოოპერატივის სტატუსი 2015 წლის ივლისში მიენიჭა. კოოპერატივში გაერთიანებულია 90 მეპაიე და მათი მთავარი საქმიანობა მეთხილეობაა.
კოოპერატივი „ხალა“
ეს კოოპერატივი ქობულეთში შეიქმნა. სასოფლო-სამეურნეო კოოპერატივის სტატუსი 2014 წლის ოქტომბერში მიენიჭა. კოოპერატივში 73 მეპაიეა გაერთიანებული. „ხალას“ ძირითადი საქმიანობა მეციტრუსეობა და მეხილეობაა.
„მასაური“
აჭარის ულამაზეს ადგილას, ხელვაჩაურის მუნიციპალიტეტში მოქმედებს კოოპერატივი „მასაური“, რომელსაც სასოფლო-სამეურნეო კოოპერატივის სტატუსი 2014 წლის ოქტომბერში მიენიჭა. კოოპერატივში გაერთიანებულია 64 მეპაიე. მათი საქმიანობის სფერო მეფუტკრეობა და მეციტრუსეობაა.
კოოპერატივი „ქესალო“
გარდაბნის მუნიციპალიტეტში მდებარეობს. სასოფლო-სამეურნეო კოოპერატივის სტატუსი 2015 წლის აპრილში მიანიჭეს. გაერთიანებულია 53 მეპაიე. „ქესალოს“ ძირითადი საქმიანობაა მესაქონლეობა.
„ღორჯომი“
კოოპერატივი „ღორჯომი“ წალკის მუნიციპალიტეტში მდებარეობს. სასოფლო-სამეურნეო კოოპერატივის სტატუსი მიენიჭა 2015 წლის მაისში. ამ კოოპერატივში 38 მეპაიეა გაერთიანებული. მათი საქმიანობის სფერო მებოსტნეობა, მემარცვლეობა, მესაქონლეობა და მეფუტკრეობაა.
„თრიალეთი 2015“
წალკის მუნიციპალიტეტში კიდევ ერთი მოზრდილი კოოპერატივი მოქმედებს, რომელსაც „თრიალეთი 2015“ ეწოდება. სასოფლო-სამეურნეო კოოპერატივის სტატუსი 2015 წლის მაისში მიენიჭა. მასში გაერთიანებულია 34 მეპაიე. კოოპერატივის წევრების ძირითადი საქმიანობა მემარცვლეობა, მებოსტნეობა და მესაქონლეობაა.
„ადიგენის ნობათი“
ალბათ სახელწოდების მიხედვითაც მიხვდით, რომ ეს კოოპერატივი ადიგენის მუნიციპალიტეტში მდებარეობს. „ადიგენის ნობათს“ სასოფლო-სამეურნეო კოოპერატივის სტატუსი 2015 წლის დეკემბერში მიენიჭა. მასში 47 მეპაიეა გაერთიანებული, მეპაიეების მთავარი საქმიანობა მესაქონლეობა და რძის პროდუქტების წარმოებაა.

ხათუნა ჩიგოგიძე
კომენტარები (0)
კომენტარები არ გაკეთებულა
მსგავსი სიახლეები
ხელვაჩაურში მეწყრული პროცესები წუხელ ღამით ექვს სოფელში განვითარდა, თუმცა გადაადგილების პრობლემა არც ავტომობილს და არც ქვეითად მოსიარულეებს არ შექმნია
აჭარის მთავრობის განცხადებით, ხელვაჩაურის მუნიციპალიტეტის რამდენიმე სოფელში წუხელ ღამით მეწყრული პროცესები განვითარდა.
ქართველ ფერმერებს, რომლებიც აკვაკულტურის დარგში ოპერირებენ, ბევრი პრობლემა დაუგროვდათ.
საქართველო შეძლებს მოსახლეობის მოთხოვნილება ხორბალზე 70-80%-ით დააკმაყოფილოს
სექტემბრის ბოლოს მცხეთაში ცხოველთა საკვების გადამამუშავებელი ქარხანა ,,ინვეტ ფიდი” გაიხსნება.
დამოუკიდებელი საქართველოს ისტორიაში არასოდეს ყოფილა ამდენი სხვადასხვაგვარი ინსტრუმენტი საქმიანი, ინიციატივიანი ადამიანის დასახმარებლად, რომელსაც სურს, წამოიწყოს თუ გააფართოოს თავისი ბიზნესი
15 სასოფლო-სამეურნეო კოოპერატივს სხვადასხვა სიმძლავრის რძის მიმღებ-გადამამუშავებელი მცირე საწარმოები გადაეცემა, რომლებიც აღჭურვილი იქნება ნედლი რძის კონტროლის საველე ლაბორატორიული ხელსაწყოებით.
15 აგვისტოდან 23 აგვისტოს ჩათვლით მიკროსაფინანსო ორგანიზაცია ბიაიჯიმ, რომელიც წარმოადგენს ერთ-ერთ წამყვან მიკროსაფინანსო კომპანიას, ფერმერებისთვის მოაწყო ტრენინგი „აგრო-ბიზნესის თანამედროვე ტექნოლოგიები“.
სამეგრელოში თხილის მოსავლის აღება პრობლემების ფონზე მიმდინარეობს.
შსს-ს აჭარის პოლიციის დეპარტამენტის ხელვაჩაურის რაიონული სამმართველოს თანამშრომლებმა, 1978 წელს დაბადებული ნ. შ., განსაკუთრებით დიდი ოდენობით ნარკოტიკული საშუალების უკანონო შეძენა-შენახვის ბრალდებით, სარფის სასაზღვრო გამტარი პუნქტის მიმდებარე ტერიტორიაზე დააკავეს.
რუბრიკის სხვა სიახლეები
01.10.2016
2017 წლის მეორე ნახევრიდან „ქართული სოკო“ პროდუქციას ექსპორტზე გაიტანს.
სრულად
30.09.2016
პაშა ბანკის ექსკლუზიური მხარდაჭერით გრძელდება საკონსულტაციო კომპანია „ინსორსის“ მიერ ორგანიზებული „ბიზნეს კაფეს“ შეხვედრები.
სრულად
30.09.2016
ბიზნესისა და ტექნოლოგიების უნივერსიტეტში დასაქმების საერთაშორისო პლატფორმა გაიხსნა.
სრულად
30.09.2016
პირველი ვიცე-პრემიერი, ეკონომიკისა და მდგრადი განვითარების მინისტრი დიმიტრი ქუმსიშვილი სს „საპარტნიორო ფონდსა“ და კანადურ საინვესტიციო “გაზელ ფონდს” (Gazelle Fund) შორის შეთანხმების ხელმოწერის ცერემონიას დაესწრო
სრულად
30.09.2016
ლელა შაბურიშვილსა და სალომე ლომიძეს თითქმის ერთი წელია საკუთარი ბიზნესი აქვთ.
სრულად
TOP
რეკომენდებული
მნიშვნელოვანი
ოფიციალური კურსი
კონვერტორი
ბირჟა
01.10.2016
02.10.2016
USD
1
USD
2.3297
2.3297
EUR
1
EUR
2.6037
2.6037
GBP
1
GBP
3.0226
3.0226
RUB
100
RUB
3.6790
3.6790