„ევრო 2016“-ზე იტალიის ნაკრები ”აჭარა ტექსტილის” მიერ დამზადებული ფორმებით ითამაშებს
ევროპის ჩემპიონატზე - "ევრო 2016", იტალიის ნაკრები საქართველოში დამზადებული ფორმებით ითამაშებს. ამის შესახებ ”ბიზნესპრესნიუსს” საერთაშორისო ინვესტორთა ასოციაციის გენერალურმა მდივანმა, ოსმან ჩალიშქანი-მჟავანაძემ განუცხადა. მისივე თქმით, საფეხბურთო ნაკრების ფორმები აჭარაში, კომპანია ”აჭარა ტექსტილის” მიერ მზადდება. ფორმებს, რომლითაც იტალიის ნაკრები გამოვა, დატანილი აქვს წარწერა Made in Georgia.
”აჭარა ტექსტილი” საერთაშორისო ინვესტორთა ასოციაციის წევრი კომპანიაა და ის 2008 წელს გაიხსნა. მისი ქარხნები ბათუმსა და ქობულეთში ფუნქცინირებს და ამჟამად 3000 თანამშრომელია დასაქმებული,” - განაცხადა ოსმან ჩალიშქანი-მჟავანაძემ და დასძინა, რომ მესამე ქარხნის გახსნა ფოთში იგეგმება, სადაც ასევე 3000 ადამიანი დასაქმდება.
როგორც ოსმან ჩალიშქანი-მჟავანაძემ ”ბიზნესპრესნიუსთან” საუბრისას აღნიშნა, ”აჭარა ტექსტილის” მესამე ქარხნის გახსნისთვის 10 მილიონი დოლარის ინვესტიცია განხორციელდება.
”აჭარა ტექსტილი” ფორმებით მსოფლიო მასშტაბით, 33 გუნდს ამარაგებს.
თამარ კოკროტაშვილი
წაიკითხეთ ინგლისურ ენაზე Georgian Jorunal-ზე
იხილეთ ვიდეო PALITRANEWS-ზე