Mitsubishi Motors-ის პროგნოზით, წლევანდელ ფინანსურ წელს კომპანიის სუფთა წაგება 1,4 მილიარდ აშშ დოლარს შეადგენს.
Mitsubishi Motors-ში აცხადებენ, რომ თანხის რეკორდული ოდენობა კომპენსაციის სახით გაცემულ ხარჯებსა და გაყიდვების მკვეთრ შემცირებას უკავშირდება.
მიმდინარე წლის აპრილში იაპონურმა ავტომწარმოებელმა ოფიციალურად აღიარა, რომ წლების განმავლობაში Mitsubishi Motors-ის ოთხი მოდელის საწვავის ხარჯის სატესტო მონაცემებს აყალბებდა, რასაც საერთაშორისო სკანდალი მოჰყვა.
იაპონურ ავტოკონცერნში აცხადებენ, რომ აღნიშნული ავტომობილების ყველა მფლობელი კომპენსაციის სახით 960 აშშ დოლარს მიიღებს.