ბრიტანული ნავთობკომპანია BP ჩინეთში უმსხვილეს აქტივს გაყიდის.
საუბარია კომპანიის 50%-იან წილზე ჩინეთის ნავთობგადამამუშავებელ საწარმო SECCO-ში.
გარიგება 2-3 მილიარდ აშშ დოლარად ფასდება.
წილის გაყიდვის მიზნით BP-მ უკვე დაიქირავა საინვესტიციო ბანკი.
"როიტერის" ცნობით, კომპანიამ აღნიშნული გადაწყვეტილება იმის გამო მიიღო, რომ საკუთარ აქტივებს ჩინურ საწარმოში სრულად ვერ აკონტროლებს.
გარიგების წარმატების შემთხვევაში, ეს იქნება BP-ის მნიშვნელოვანი სიგნალი ჩინური ბაზრის დატოვების შესახებ.
SECCO ჩინეთის ერთ-ერთი უმსხვილესი ნავთობგადამამუშავებელი ქარხანაა, რომლის მშენებლობაზეც 2,7 მილიარდი აშშ დოლარი დაიხარჯა.