ჯანდაცვის მინისტრს ახალი მოადგილე ჰყავს. დავით სერგეენკოს კიდევ ერთ მოადგილედ ნინო ბერძული დაინიშნა. შრომის, ჯანმრთელობისა და სოციალური დაცვის მინისტრის მოადგილედ ნინო ბერძულის დანიშვნის ბრძანება საქართველოს მთავრობის ოფიციალურ ვებ-გვერდზეა განთავსებული. ბრძანება 19 ნოემბრით თარიღდება.
ამ დროისთვის დავით სერგეენკოს, ნინო ბერძულის ჩათვლით, 3 მოადგილე ჰყავს. ნინო ბერძული პროფესიით ექიმია. მას განათლება საზღვარგარეთ აქვს მიღებული. აქვს უცხოეთში მუშაობის მრავალწლიანი გამოცდილებაც.