როგორ აისახება აზერბაიჯანის სავალუტო კრიზისი საქართველოზე
როგორ აისახება აზერბაიჯანის სავალუტო კრიზისი საქართველოზე
14 იანვარი / 2016
2015 წელს აზერბაიჯანულმა მანათმა დოლართან მიმართებაში დევალვაცია ორჯერ განიცადა.
პირველად აზერბაიჯანული მანათის დევალვაცია 2015 წლის თებერვალში მოხდა, 21 დეკემბერს კი აზერბაიჯანის ცენტრალური ბანკი ვალუტის ფიქსირებული კურსიდან ე.წ. მცურავ კურსზე გადავიდა.
ექსპერტთა ნაწილის შეფასებით, აზერბაიჯანში შექმნილი სავალუტო კრიზისი მალე ქართული ეროვნული ვალუტის კურსზე დამატებით ზეწოლას მოახდენს.
ლევან კალანდაძის განცხადებით, ერთი მხრივ აზერბაიჯანის სავალუტო კრიზისი და მეორე მხრივ, აზერბაიჯანული ბიზნესის დოლარზე გაზრდილი მოთხოვნა საქართველოში, ქვეყნისთვის გარკვეულ რისკ ფაქტორს წარმოადგენს.
"იმის გათვალისწინებით, რომ აზერბაიჯანი მხოლოდ ფორმალურად გადავიდა მცურავ კურსზე და სინამდვილეში მკაცრი სავალუტო რეგულაციები დააწესა, აზერბაიჯანიც და ზოგადად იქაური ბიზნესიც დაინტერესებულია საზღვარგარეთ მაქსიმალურად დოლარის მასის გაზრდაზე ორიენტირებული ოპერაციები განახორციელონ. ეს არ არის კატასტროფული ტენდენცია, თუმცა გასათვალისწინებელი და ანგარიშგასაწევი ფაქტორია, ამიტომ სამომავლო მოქმედებების და მონეტარული პოლიტიკის კორექტირების კუთხით უახლოესი სამი-ოთხი თვის განმავლობაში მაინც ხელისუფლებამ ეს რისკ ფაქტორი, როგორც დამატებითი რისკ ფაქტორი ლართან მიმართებაში, აუცილებლად უნდა გაითვალისწინოს“, - აღნიშნავს ლევან კალანდაძე. მისი აზრით, საქართველოს ეროვნული ბანკისა და მთავრობის ადეკვატური, შედეგზე ორიენტირებული პოლიტიკის პირობებში, არსებული სიტუაცია შესაძლებელია მეტნაკლებად დაბალანსდეს.

ექსპერტი მიიჩნევს, რომ მნიშვნელოვანია ეფექტური პრევენციული ღონისძიებების გატარება. მისი თქმით, ქვეყანას გარკვეული პერიოდის განმავლობაში ეროვნული ბანკის მხრიდან მონეტარული პოლიტიკის განაკვეთის მაღალ ნიშნულზე შენარჩუნება და მკაცრი მონეტარული პოლიტიკის გატარება მოუწევს. კალანდაძის აზრით, მეორე მნიშვნელოვანი მიმართულება ბიუჯეტის მაქსიმალურად თანმიმდევრული ხარჯვითი პოლიტიკის უზრუნველყოფა და ამ მიმართულებით გარკვეული გადაცდომების გამორიცხვაა, რათა თავად ბიუჯეტი არ გახდეს ლარის კურსის გაუფასურების მაპროვოცირებელი. მისი თქმით, ერთ-ერთი მნიშვნელოვანი საკითხი პირდაპირი უცხოური ინვესტიციების თემას უკავშირდება.
,,ამ მხრივ მთავრობის ეკონომიკური გუნდის ჰიპერაქტიური პოლიტიკის განხორციელებაა საჭირო, ქვეყანაში ალტერნატიული სავალუტო ნაკადების შემოდინების მაქსიმალური ზრდა და უზრუნველყოფა საბოლოო ჯამში დააბალანსებს იმ რისკ ფაქტორებს, რაც დღესდღეობით აქტუალურია ჩვენთვის“, - აღნიშნავს ლევან კალანდაძე.
რეგიონში შექმნილ სიტუაციას საგანგაშოდ მიიჩნევს ექსპერტი ეკონომიკურ საკითხებში ემზარ ჯგერენაია. მისი შეფასებით, აზერბაიჯანში გაჩენილი პანიკა და დოლარზე გაზრდილი მოთხოვნა საქართველოს აუცილებლად შეეხება.
„აზერბაიჯანის ბიზნესი ეცდება საქართველოში გადაახურდავოს მანათი მყარ ვალუტაზე და ეს გაზრდის დოლარზე მოთხოვნას. ასევე, რუსეთის ვალუტის დოლართან
You must have Flash Player installed in order to see this player.
გაცვლითი კურსი 76-ის მიდამოებში დაფიქსირდა, რაც ძალზე დაბალია ბოლო სამი თვის მანძილზე. რუსეთი ყველა საქაონელს ყიდის რუსულ რუბლებში, რაც ძალზე იაფს, დემპინგურს ხდის რუსეთიდან იმპორტირებულ საქონელზე ფასს.
იაფი იმპორტირებული საქონლის ტალღის ზრდით, იზრდება დოლარზე მოთხოვნილება საქართველოში და კონკურენციის პირობები ირღვევა საქართველოს მეწარმეებისათვის ჩვენს ბაზარზე, რაც ემუქრება ეკონომიკურ ზრდასაც და ინვესტიციების მოზიდვასაც“, - აღნიშნავს ჯგერენაია.
ექსპერტის აზრით, აუცილებელია სასწრაფოდ შეიქმნას არსებული სიტუაციის კონტრნაბიჯების შემსწავლელი და სამოქმედო სქემის შემქმნელი საგანგებო საბჭო ხელისუფლების სხვადასახვა შტოების, ბიზნესწრეების და საექსპერტო წრეების მონაწილეობით, რათა თავიდან იქნას აცილებული საფინანსო ზვავი, რომლის საშიშროებაც რეგიონში დღითიდღე იზრდება.
კოლეგებს არ ეთანხმება ეკონომისტი ნოდარ კაპანაძე. მისი შეფასებით, აზერბაიჯანში შექმნილი კრიზისი ქართული ეროვნული ვალუტის კურსზე დიდ გავლენას ვერ მოახდენს. კაპანაძის თქმით, აზერბაიჯანი მართალია არის საქართველოს მნიშვნელოვანი სავაჭრო პარტნიორი, მაგრამ არა იმდენად მნიშვნელოვანი, რომ ქვეყანაზე რაიმე მკვეთრად ნეგატიური გავლენის მოხდენა შეეძლოს.
,,აზერბაიჯანთან გვაქვს ეკონომიკური ურთიერთობები და შესაბამისად, იქ მიმდინარე კრიზისს საქართველოსთან მიმართებაშიც რაღაც ზეგავლენა ექნება, მაგრამ არა იმდენად მასშტაბური, როგორიც, მაგალითად რუსეთში მიმდინარე მოვლენებს აქვს ჩვენს ქვეყანაზე, ვინაიდან აზერბაიჯანიდან საქართველოში ნაკლებია ფულადი გზავნილების შემოდინება და არც სავაჭრო-ეკონომიკური ურთიერთობები არ არის ძალიან დიდი მასშტაბის. საქართველოში მეზობლებთან შედარებით ვალუტის გაუფასურება ისეთი მნიშვნელოვანი არ ყოფილა, ვინაიდან მათგან განსხვავებით, შედარებით ნაკლებად იყო მიბმული ეგრეთ წოდებულ ნავთობზე დამოკიდებულ ქვენებზე. აზერბაიჯანის კრიზისის მთავარი მაპროვოცირებელი კი სწორედ ნავთობის ფასების შემცირებაა“, - აღნიშნავს ნოდარ კაპანაძე.

ქრისტინე გამთენაძე

კომენტარები (0)
კომენტარები არ გაკეთებულა
მსგავსი სიახლეები
საზოგადოება "2030"-ის წევრი მიხეილ დუნდუა "ფეისბუქის" საკუთარ გვერდზე ლარის კურსის ცვლილებასთან დაკავშირებით პოსტს აქვეყნებს, რომელსაც "ბიზნესპრესნიუსი" უცვლელად გთავაზობთ:
ერთი ამერიკული დოლარის ოფიციალური ღირებულება 2.2941 ლარი გახდა.
საბანკო სფერო სულ უფრო მეტად ვითარდება საქართველოში.
ინგლისის ბანკმა პირობა დადო, რომ ყველა აუცილებელ ზომას მიიღებს, რათა დიდ ბრიტანეთში ევროკავშირიდან გასვლის შემდეგ მონეტარული და ფინანსური სტაბილურობა უზრუნველყოს.
საქართველოს ეროვნული ბანკის შიდა აუდიტორული სამსახურის საქმიანობა შესაბამისობაშია შიდა აუდიტის პროფესიული პრაქტიკის საერთაშორისო სტანდარტებთან
საქართველოს მოსახლეობა სოციალურ დეფოლტს უახლოვდება.
საზოგადოება "2030"-ის წევრი მიხეილ დუნდუა "ფეისბუქის" საკუთარ გვერდზე ლარის კურსის ცვლილებასთან დაკავშირებით პოსტს აქვეყნებს, რომელსაც "ბიზნესპრესნიუსი" უცვლელად გთავაზობთ:
თუკი მოსახლეობამდე სწორად მივიტანთ, რომ კურსის ცვლილებას ვიღაც არ იწვევს და ეს არის ბუნებრივი, ისე როგორც სხვა ქვეყნებში ხდება, მაშინ კურსზე დამოკიდებულება შემცირდება
ერთი ამერიკული დოლარის ოფიციალური ღირებულება 2.2431 ლარი გახდა.
ფინანსთა სამინისტროს საგამოძიებო სამსახურმა, შემოსავლების სამსახურის საბაჟო დეპარტამენტთან ერთად,
რუბრიკის სხვა სიახლეები
25.06.2016
ევროკავშირიდან გასვლის გამო დიდი ბრიტანეთის საკრედიტო რეიტინგმა, შესაძლოა, დაიწიოს.
ამის შესახებ საერთაშორისო სარეიტინგო სააგენტოები Moody's და S&P აცხადებენ.
სრულად
25.06.2016
სენაკში 120 მილიონი დოლარის ღირებულების ქართულ-ჩინური საინვესტიციო პროექტის განხორციელება დაიწყო.
სრულად
25.06.2016
საქართველოს ვიცე-პრემიერმა, ეკონომიკისა და მდგრადი განვითარების მინისტრმა დიმიტრი ქუმსიშვილმა ბათუმის საზღვაო აკადემიის სტუდენტებსა და კურსანტებს მეზღვაურთა საერთაშორისო დღე მიულოცა.
სრულად
25.06.2016
ბათუმი-ხულო-ახალციხის დამაკავშირებელი გზის რეაბილიტაციის პროექტი მომავალ წელს, თოვლის დადნობისთანავე დაიწყება
სრულად
24.06.2016
სამშენებლო კომპანია "საბა კონსტრაქშენმა" ლისის ტბის მიმდებარე ტერიტორიაზე ახალი სტუდენტური საერთო საცხოვრებლის მშენებლობა დაასრულა.
სრულად
TOP
რეკომენდებული
მნიშვნელოვანი
ოფიციალური კურსი
კონვერტორი
ბირჟა
26.06.2016
27.06.2016
USD
1
USD
2.2941
2.2941
EUR
1
EUR
2.5377
2.5377
GBP
1
GBP
3.1443
3.1443
RUB
100
RUB
3.5037
3.5037