"ზაფხულში ტურისტების ზრდას მეზობელი სახელმწიფოებიდან ველოდებით"
"ზაფხულში ტურისტების ზრდას მეზობელი სახელმწიფოებიდან ველოდებით"
20 იანვარი / 2016
2015 წელს ჩვენი ქვეყნის საჰაერო სივრცით მგზავრთა რეკორდულმა რაოდენობამ ისარგებლა.
საქართველოს ეკონომიკისა და მდგრადი განვითარების სამინისტროს სსიპ სამოქალაქო ავიაციის სააგენტოს მონაცემებით, 2015 წლის განმავლობაში, საქართველოს აეროპორტები 2 261 006 მგზავრს მოემსახურნენ, რაც სააგენტოს ინფორმაციით, მგზავრთა რეკორდული რაოდენობაა. 2014 წელთან შედარებით, ეს მაჩვენებელი 12, 57%-ით არის გაზრდილი. ამასთანავე, გაზრდილია საქართველოს საჰაერო სივრცის გამოყენება და რეგულარული, თუ ჩარტერული რეისების რაოდენობაც. 2015 წელს მოიმატა ცალკეულ აეროპორტებში მგზავრთა რიცხვმაც. ქართულ ავიაციაში დღეს არსებულ სიტუაციაზე და სამომავლო პერსპექტივებზე „ბიზნესპრესნიუსი“ სამოქალაქო ავიაციის სააგენტოს დირექტორს გურამ ჯალაღონიას ესაუბრა:

- ბატონო გურამ, თქვენი სააგენტოს ინფორმაციით, 2015 წელს მგზავრთა გადაყვანის რეკორდული მაჩვენებელი დაფიქსირდა. რამ გამოიწვია ეს ზრდა?

- 2015 წელს საქართველოს აეროპორტები მოემსახურნენ 2 261 006 მგზავრს, ასეთი ციფრი ბოლო წლების განმავლობაში მართლაც პირველად დაფიქსირდა. მგზავრთნაკადის ზრდა გამოწვეულია რამდენიმე ძირითადი მიზეზით: უპირველეს ყოვლისა აღსანიშნავია, რომ მგზავრთნაკადმა საგრძნობლად მოიმატა საქართველოსა და რუსეთს შორის რეგულარული საჰაერო მიმოსვლის აღდგენის შემდეგ. აღსანიშნავია ისიც, რომ თურქეთის ავიაკომპანიები უცვლელად და შეფერხების გარეშე ახორციელებდნენ საჰაერო მიმოსვლას საქართველოს ტერიტორიაზე, ერთ-ერთმა თურქულმა ავიაკომპანიამ - "პეგასუსმა" - ერთი ახალი მიმართულებაც კი დაამატა - სტამბოლი-ქუთაისი-სტამბოლის მიმართულებით. აუცილებლად უნდა შევეხო ისრაელიდან საქართველოში ჩამოსული მგზავრთნაკადის 44%-იან ზრდასაც - ყოველივე ამას საბოლოო ჯამში დადებითი შედეგი მოჰყვა.

- ყველაზე დატვირთული რომელი აეროპორტები იყო?
- 2015 წელს ყველაზე მეტად იყო დატვირთული თბილისის საერთაშორისო აეროპორტი, რომელიც 1 847 111 მგზავრს მოემსახურა, რაც 17.25%-ით მეტია 2014 წლის მაჩვენებელზე. ბათუმის საერთაშორისო აეროპორტი 226 476 მგზავრს მოემსახურა - ეს 5.91%-ით მეტია წინა წლის მგზავრთნაკადზე. 2-ჯერ და მეტად არის გაზრდილი მესტიის აეროპორტის მიერ მიღებული მგზავრთა რაოდენობაც. 2015 წლის აპრილიდან დროებით შეფერხდა საჰაერო მიმოსვლა უკრაინის ქალაქების მიმართულებით, რის გამოც ქუთაისის საერთაშორისო აეროპორტმა 35 049 მგზავრით ნაკლები გადაიყვანა, მაგრამ აღნიშნული კლების შესამცირებლად ერთობლივად მუშაობენ სამოქალაქო ავიაციის სააგენტოც და აეროპორტებიც.

- რა პერსპექტივები აქვს ჩვენს საავიაციო ბაზარს უახლოეს წლებში?

- მნიშვნელოვანია ის ფაქტი, რომ ბოლო წლების განმავლობაში საქართველოს აეროპორტებით გადაყვანილ მგზავრთა რაოდენობა ყოველწლიურად იზრდება. ამასთან უნდა აღინიშნოს, რომ საქართველოს ავიაბაზარზე
You must have Flash Player installed in order to see this player.
მოქმედი ავიაკომპანიების რიცხვიც მატულობს. ამ ტენდენციებიდან გამომდინარე, მგზავრთნაკადი მომავალშიც გაიზრდება, თუმცა რამდენად - ამის დაზუსტებით თქმა ცოტა ძნელია.

- ბატონო გურამ, ბოლო ხანებში რუსეთსა და თურქეთს შორის ურთიერთობა დაიძაბა. როგორ აისახება ეს ჩვენი ქვეყნის საავიაციო ბაზარზე?
- ზუსტი პროგნოზის გაკეთება ამ შემთხვევაშიც რთულია, თუმცა, რუსეთსა და თურქეთს შორის არსებული პოლიტიკური მდგომარეობიდან გამომდინარე, ჩვენ ვვარაუდობთ, რომ ზაფხულის სეზონზე საქართველოსკენ მომავალი ტურისტული ნაკადები პირიქით, მოიმატებს; როგორც მოგეხსენებათ, ტურიზმი საქართველოსათვის ერთ-ერთი ყველაზე მნიშვნელოვანი და პრიორიტეტული სფეროა, ამიტომ ძალზე მნიშვნელოვანია მიმზიდველი გარემოს შექმნა, რათა საქართველოში უფრო მეტი ტურისტი ჩამოფრინდეს. ყველაზე მეტად, მათი რიცხვის ზრდას ისევ და ისევ ჩვენი მეზობელი სახელმწიფოებიდან ველოდებით, კერძოდ - რუსეთიდან, თურქეთიდან, აზერბაიჯანიდან, სომხეთიდან... აღსანიშნავია ისრაელიც, საიდანაც საქართველოში მომავალი ტურისტების რაოდენობა ყოველწლიურად მატულობს. ჩვენი უწყება მზად არის ითანამშრომლოს ჩვენს ქვეყანაში მოქმედ ყველა ავიაკომპანიასთან და ხელი შეუწყოს მგზავრთა რაოდენობის ზრდას. ვცდილობთ, უკვე არსებულ ავიარეისებს ახალი მიმართულებებიც დავუმატოთ. ასევე, მზადყოფნას გამოვთქვამთ ვითანამშრომლოთ სხვა ქვეყნების ავიაკომპანიებთანაც, მათი საქართველოს ავიაბაზარზე შემოსვლის მიზნით. დიდი იმედი მაქვს, რომ ჩვენი მცდელობები სასიკეთო ნაყოფს გამოიღებს.

ხათუნა ჩიგოგიძე

კომენტარები (1)
20.01.2016
დიტო
ელოდეთ ელოდეთ :)
მსგავსი სიახლეები
სიღნაღი ტურისტების რაოდენობას არ უჩივის, თუმცა სასტუმროები თითქმის ცარიელია.
რკინიგზის სადგურებში ტურისტებს ახალი სერვისი ხვდება
შვეიცარული კომპანია Stadler Bussnang AG-ის 2-სართულიანმა ელექტრომატარებელმა თბილისი-ბათუმის მიმართულებით დღეს პირველი რეისი შეასრულა.
ბათუმის სეზონის გახსნასთან ერთად უამრავი ახალი კაფე გაიხსნა, ძველი კი ჩვეულ რეჟიმს დაუბრუნდა.
ბოლო პერიოდში თურქეთში მიმდინარე პროცესებმა თვალსაჩინო გახადა, თუ რა სახელმწიფოებრივ პრობლემას წარმოადგენს საქართველოსთვის, ის ფაქტი, რომ საქართველოდან საერთაშორისო ფრენები სტამბოლის აეროპორტების ფუნქციონირებაზეა დამოკიდებული.
2017 წლის 1 მარტიდან აეროპორტის მოსაკრებელი იზრდება.
ბიზნესმენ თემურ ჭყონიას ხელისუფლების მიმართ რამდენიმე მოთხოვნა აქვს.
აჭარის ტურიზმის დეპარტამენტის აეროპორტის ტურისტული საინფორმაციო ცენტრი დღეიდან 24-საათიან სამუშაო რეჟიმზე გადადის.
თურქეთში განვითარებული მოვლენების გამო, საქართველოდან თურქეთის კურორტებზე დასვენების მსურველთა რაოდენობამ მნიშვნელოვნად იკლო.
რესტორატორთა ასოციაცია თბილისში ”ტურისტული პატრულის” დაარსების ინიციატივით გამოდის.
რუბრიკის სხვა სიახლეები
28.07.2016
რეგიონებში ხორბლის აღების პროცესი აქტიურად მიმდინარეობს. ამ დროისთვის უკვე აღებულია თავთავიანი კულტურების მოსავლის ნახევარი.
სრულად
28.07.2016
მიმდინარე წელს, სატრანსპორტო დერეფნით გადაზიდული ტვირთების მოცულობების კლების ტენდენციამ შარშანდელთან შედარებით შეუქცევადი ხასიათი მიიღო.
სრულად
28.07.2016
მსურს გაგაცნოთ საქართველოს ყველაზე გამოცდილი ელჩი, ყველაზე კარგი მომლაპარაკებელი და ელჩებს შორის უხუცესი - ქართული ღვინო
სრულად
28.07.2016
ივნისში ძალაში შევიდა ეროვნული ბანკის მიერ მიღებული ცვლილებათა პაკეტი, რომლის მიხედვითაც კომერციულ ბანკებს ლარში სახსრების მოზიდვა 10%-დან 7%-მდე გაუიაფდათ, უცხოურ ვალუტაში კი 15%-დან 20%-მდე გაუძვირდათ.
სრულად
28.07.2016
„ამბასადორიალი 2016“ -ის ფარგლებში, საქართველოს ტექნოლოგიურ პარკში, ეკონომიკური დიპლომატიის საკითხებზე სამუშაო სესია გაიმართა.
სრულად
TOP
რეკომენდებული
მნიშვნელოვანი
ოფიციალური კურსი
კონვერტორი
ბირჟა
28.07.2016
29.07.2016
USD
1
USD
2.3453
2.3460
EUR
1
EUR
2.5794
2.6008
GBP
1
GBP
3.0716
3.0885
RUB
100
RUB
3.5513
3.5353