საქართველოში გაზსაცავი უცხოურმა კომპანიამ არ უნდა ააშენოს
საქართველოში გაზსაცავი უცხოურმა კომპანიამ არ უნდა ააშენოს
22 იანვარი / 2016
გაზსაცავის მშენებლობაზე კომპანია "ჯეოსტოკი" დასკვნას უახლოეს მომავალში გამოაქვეყნებს. გაზსაცავისთვის ადგილი უკვე შერჩეულია - სამგორის სამხრეთი თაღის საბადო. ახლა სახელმწიფო ინვესტორის ძიებაშია. როგორც "რეზონანსი" წერს, ცოტა ხნის წინ პროექტში მონაწილეობაზე ინტერესი უკვე გამოთქვა აზერბაიჯანულმა სახელმწიფო კომპანია "სოკარმა". ენერგეტიკოსები პროექტში კერძო კომპანიების მონაწილეობას კატეგორიულად ეწინააღმდეგებიან და აცხადებენ, რომ გაზსაცავის ასაშენებლად სახელმწიფომ სახსრები თავად უნდა გამონახოს.

წინასწარი გათვლით გაზსაცავის მშენელობა ყოველ 1 მილიონ კბ/მ-ზე 1 მილიონი დოლარი ჯდება. საერთო ჯამში, გაზსაცავი 230-250 მლნ კბ/მ აირზეა გათვლილი და პროექტის ღირებულებაც სწორედ 230-250 მილიონი დოლარია. რამდენიმე დღის წინ თბილისში ვიზიტად მყოფმა "სოკარის" დელეგაციამ პროექტში მონაწილეობის სურვილი დააფიქსირა.

"აზერბაიჯანის სახელმწიფო სანავთობო კომპანია "სოკარი" მონაწილეობას მიიღებს საქართველოში მიწისქვეშა გაზსაცავის მშენებლობის პროექტში", - განაცხადა "სოკარ ენერჯი ჯორჯიას" ხელმძღვანელმა მაიარ მამედოვმა.

აზერბაიჯანული კომპანიის პროექტში მონაწილეობის სურვილი დაადასტურა ენერგეტიკის მინისტრმა კახა კალაძემაც. "სოკარი დაინტერესებულია ამ პროექტში მონაწილეობით. მე ვფიქრობ, პროექტის რეალიზაცია ძალიან მნიშვნელოვანია ჩვენი ქვეყნისათვის", - აღნიშნა მინისტრმა.

სპეციალისტები პროექტში კერძო კომპანიების მონაწილეობას ეწინააღმდეგებიან. ენერგეტიკოს მურმან მარგველაშვილის აზრით, გაზსაცავი სახელმწიფომ უნდა ააშენოს, ხოლო თუკი მას სახსრები არ ჰყოფნის, კერძო კომპანია პროექტში მინიმალური წილით უნდა შემოიყვანოს.

"კერძო კომპანია არავითარ შემთხვევაში უპირატეს მდგომარეობაში არ უნდა ჩავაყენოთ. გაზსაცავი უნდა ააშენოს სახელმწიფომ და თუ მას საკმარისი სახსრები არ აქვს, მაშინ კერძო კომპანია მინიმალური პროცენტით უნდა შეიყვანოს წილში", - აცხადებს მურმან მარგველაშვილი.

იგი პროექტში "სოკარის" მონაწილეობას დაუშვებლად მიიჩნევს და ამბობს, რომ უმჯობესია სახელმწიფოს პარტნიორი რომელიმე დასავლური კომპანია იყოს.

"სახელმწიფოს თანამონაწილე არ უნდა გახდეს ის კომპანია, რომელსაც უკვე ძლიერი პოზიციები უკავია საქართველოს გაზის სექტორში - განაწილება, დისტრიბუცია, ტრანზიტი. დარგი უნდა იყოს დივერსიფიცირებული. უმჯობესია შემოვიდეს დასავლური კომპანია და კომერციული სარგებელი სწორედ მასთან განაწილდეს", - აღნიშნავს მარგველაშვილი.

ენერგეტიკოს დავით ელიაშვილის გათვლით, კერძო კომპანიის მფლობელობაში ქართველ მომხმარებელს გაზსაცავის ბუნებრივი აირი დაახლოებით 30%-ით გაუძვირდება.

"თუკი გაზსაცავის ოპერირებას კერძო კომპანია განახორციელებს, გაზის ტარიფი გაცილებით მაღალი იქნება. მე ეს დავთვალე და დაახლოებით 30%-ით იზრდება ფასი", - ამბობს დავით ელიაშვილი.

"რეზონანსი" უკვე წერდა, რომ თავის დროზე ყოფილმა პრემიერმა ლადო გურგენიძემ 500 მილიონიანი ევროობლიგაციის გამოშვება სწორედ გაზსაცავების მშენებლობის დაფინანსებით ახსნა. პროექტის განხორციელებისთვის ამ თანხის
You must have Flash Player installed in order to see this player.
ნაწილი საკმარისი იყო, თუმცა საბოლოოდ, ობლიგაციების ემისიიდან აღებული ვალი სოციალური ხარჯების დაფინანსებას მოხმარდა.

ამჟამად გაზსაცავის პროექტის ეკონომიკურ დასაბუთებაზე ფრანგული კომპანია "ჯეოსტოკი" მუშაობს, რომელმაც დასკვნა უახლოეს მომავალში უნდა გამოაქვეყნოს. პარალელურად ნავთობისა და გაზის კორპორაცია დაფინანსების წყაროს ეძებს. მოლაპარაკება მიმდინარეობს კომერციულ ბანკებთან, საერთაშორისო საფინანსო ინსტიტუტებთან და კერძო კომპანიებთან.

ჩატარებული ანალიზის შედეგებმა აჩვენა, რომ სამგორის სამხრეთი თაღის საბადოს შუა ვოცენის ჰორიზონტი გაზსაცავის მშენებლობის თვალსაზრისით ყველაზე ოპტიმალური სტრუქტურაა. გაზსაცავის მშენებლობის დასრულების შემდეგ იქ 230-250 მილიონი კუბური მეტრი ბუნებრივი აირის შენახვა იქნება შესაძლებელი, რაც მთლიანი წლიური მოხმარების დაახლოებით 15%-ია.

"გაზსაცავის მშენებლობით ქვეყანა მიიღებს სტრატეგიული მნიშვნელობის ობიექტს, რომელიც აამაღლებს ქვეყნის ენერგეტიკულ უსაფრთხოებას, უზრუნველყოფს საქართველოს მომხმარებლებისთვის გაზის მიწოდებას კრიტიკულ სიტუაციებში და შეამცირებს გაზის მოწოდება-მოხმარებას შორის არსებულ სეზონურ დისბალანსს", - აღნიშნავენ კორპორაციაში.

ნავთობისა და გაზის კორპორაციის სტრატეგიული დაგეგმვისა და პროექტების დეპარტამენტის უფროსის თემურ გოჩიტაშვილის ინფორმაციით, აქტიურად მიმდინარეობს მოსამზადებელი და შესწავლითი სამუშაოები, რომელთა დასრულების შემდეგ შესაძლებელი გახდება პროექტის განხორციელების მიზანშეწონილობისა და დეტალების დადგენა. რაც შეეხება გაზსაცავის სავარაუდო ღირებულებას, ჯერ ეს დეტალები უცნობია.

"ევროკავშირთან ასოცირების ხელშეკრულების ფარგლებში გათვალისწინებულია საკანონმდებლო საფუძვლების ჰარმონიზაციის ვალდებულება. ქვეყნის ენერგეტიკული უსაფრთხოების მიმართულებით გასატარებელი საქმიანობა, გაზსაცავის მოცულობისა და სხვა პარამეტრების ხელახალ გადაანგარიშებას მოითხოვს. შესაბამისად, ინფორმაცია როგორც ოპტიმალური მოცულობის, ისე ღირებულების შესახებ, პროექტის ტექნიკურ-ეკონომიკური დასაბუთების მომზადების შემდეგ გაირკვევა", - აღნიშნა თემურ გოჩიტაშვილმა "რეზონანსთან" საუბრისას.

სპეციალისტების განცხადებით, მიწისქვეშა გაზსაცავი მსოფლიოს მრავალი ქვეყნის გაზმომარაგების სისტემის ერთ-ერთ განუყოფელ ნაწილს შეადგენს. მოქმედი მსხვილი მიწისქვეშა გაზსაცავების რაოდენობამ მსოფლიოში უკვე 600-ს გადააჭარბა.

მაკა ხარაზიშვილი
გაზეთი "რეზონანსი"

კომენტარები (4)
24.01.2016
პაპარაცს
რა სწორად ჩამოაყალიბე ყველაფერი. სად მოთხარა ბიძინამ ეს ნაყიდი დიპლომებიანი შტერი მინისტრები. ქმარი მყავდა ფეხბურთელი. მაგათზე გაუნათლებელი და თავის-თავზე დიდი წარმოდგენის ხალხი არ არსებობს. გონიათ ყველაფერი იციან, სინამდვილეში ორ ბატს არ მიაბარებს კაცი და ბიძინამ რა იფიქრა ამხელა თანამდებობაზე რომ შესვა კალაძე. რომელი განათლებული და ნაკითხი ეგ მყავს, ბურთით იშოვნა ფულები და ეს გონია ბიძინას ყველაფერი. მართლა მცოდნე და განათლებული ხალხი სახლში ზის და ამნაირი ფულის სვავები რომლებსაც ფული გონიათ ცოდნა და განათლება სავარძლებში ზიან.,ცოლიც კარგი გოიმი ყოლია,ნუთუ სანათესაოში არავინ ყავსგაჭირვებული რომ დაეხმაროს. ბავშვებს ახლავე რყვნიან და ზრდიან არაკაცებად. გოიმები ბიძინა გამოფხხიზლდი. ხომ ხედავ ქვეყანა დაღმართში მიგყავს.
24.01.2016
პაპარაცი-ს
რამდენი ბოღმა გადმოაფრქვიე ამ ახალგაზრდა კაცზე! როგორ უნდა დაიტიო გულში ამდენი ბოღმა!
მსგავსი სიახლეები
გამოცემა „ფორბსმა“ მსოფლიოს ყველაზე ინოვაციური კომპანიების რეიტინგი გამოაქვეყნა.
”საერთაშორისო გამჭვირვალობა-საქართველოში” მიიჩნევენ, რომ სახელმწიფო კომპანიის ხელმძღვანელად დეპუტატ სოსო ჯაჭვლიანის წარდგენა კორუფციის ნიშნებს შეიცავს.
ყატარის სუვერენულმა ფონდმა Qatar Investment Authority-მ „ემპაია სტეიტ ბილდინგის“ მფლობელი კომპანიის 9,9%-იანი წილის აქციები შეიძინა.
კურორტ თეთნულდის განვითარების ახალი ფაზა იწყება, - ამის შესახებ პრემიერ-მინისტრმა გიორგი კვირიკაშვილმა მთავრობის სხდომაზე განაცხადა.
მთის კურორტების განვითარების კომპანიაში სახელმწიფო შპს შეიქმნება, რომელსაც სოსო ჯაჭვლიანი უხელმძღვანელებს.
კომპანია შპს „რეზონი“ პროდუქციის ასორტიმენტის გაფართოებას და ქართული ბაზრისთვის ინოვაციური, მაღალი ხარისხის 5 ფერიანი ციფრული საბეჭდი დანადგარის ამოქმედებას შეძლებს.
საკონსულტაციო კომპანიამ Challenger-მა და Gray & Christmas-მა ამერიკულ ტექნოლოგიურ კომპანიებში მომუშავეთა შემცირების პროგნოზი 330 ათასიდან 370 ათას ადამიანამდე გაზარდა.
კომპანია ,,ჯორჯიან უოთერ ენდ ფაუერმა“ ახალი ჰიდროელექტროსადგურის, საგურამოჰესის, ექსპლუატაციაში გასაშვებად მოსამზადებელი სამუშაოები დაიწყო.
კომპანია "ცენტრ პოინტმა" მუშაობა შეწყვიტა. ამის შესახებ განცხადება "ცენტრ პოინტის" დამფუძნებლის, მაია რჩეულიშვილის მეუღლემ, ვახტანგ რჩეულიშვილმა გააკეთა.

როგორც რჩეულიშვილმა აღნიშნა, მაია რჩეულიშვილის პატიმრობაში ყოფნის გამო, "ცენტრ პოინტს" არ გააჩნია არავითარი სახსრები იმისთვის, რომ თანამშრომლებს ხელფასები გადაუხადოს, ან დაზარალებულებს კომპენსაციები მისცეს და მშენებლობები გააგრძელოს.

თუმცა, კომპანიის დამფუძნებელი აქვე განმარტავს, რომ კომპანიის მუშაობის შეჩერება დროებითია და ფუნქციონირებას სავარაუდოდ, არჩევნების შემდეგ გააგრძელებს.
გუშინ თბილისის საქალაქო სასამართლოში "ცენტრ პოინტის" დამფუძნებლის, მაია რჩეულიშვილის, სამეთვალყურეო საბჭოს თავმჯდომარის გურამ რჩეულიშვილისა და აჭარის საინვესტიციო პროექტების ხელმძღვანელის ირაკლი მინდელის აღკვეთის ღონისძიების გადასინჯვის პროცესის შემდეგ, სასამართლომ სამივე ბრალდებულის პატიმრობაში დატოვების გადაწყვეტილება მიიღო.

მაია რჩეულიშვილის ადვოკატმა, მარინე ცუცქირიძემ, რჩეულიშვილისთვის 250 000-ლარიანი გირაოს შეფარდების შუამდგომლობა დააყენა, მან ასევე აღნიშნა, რომ ინვესტორი თანახმაა, აღნიშნული გირაო დაფაროს, ასევე დაცვის მხარემ სასამართლოს წინაშე იშუამდგომლა, რომ ბრალდებულ ირაკლი მინდელს აღვეთის ღონისძიების სახით შეფარდებული პატიმრობა 50 ათას ლარიანი გირაოთი შეცვლოდა, თუმცა, სასამართლომ უარი განაცხადა.

პროცესზე გირაოს შეფარდების თხოვნით მოსამართლეს თავად გუკა რჩეულიშვილმაც მიმართა - "ჩემი მეუღლე არის ორსულად, ასევე ჰყავს სამი მცირეწლოვანი შვილი, მარტოა მათთან და ზრდის. ამიტომ, გთხოვთ, ეს გარემოებაც გაითვალისწინოთ გადაწყვეტილების მიღებისას. კიდევ ერთს დავამატებ, თუ ეს გადაწყვეტილება რაიმე სახით შეაფერხებს დედაჩემის, მაია რჩეულიშვილის პროცესს, რა თქმა უნდა, მირჩევნია, რომ ციხეში ვიჯდე", - აღნიშნა მან.

აღსანიშნავია, რომ დეველოპერული კომპანია "ცენტრ პოინტის" დამფუძნებელი, მაია რჩეულიშვილი პროკურატურაში დაკითხვაზე 2016 წლის 7 ივლისს დაიბარეს. მაია რჩეულიშვილი პირდაპირ სასამართლო დარბაზში დააპატიმრეს, სასჯელაღსრულების დაწერებულებაში მოათავსეს მოგვიანებით "ცენტრ პოინტ ჯგუფის" სამეთვალყურეო საბჭოს თავმჯდომარე გუკა რჩეულიშვილიც.

პროკურატურა "ცენტრ პოინტსა" და მასთან ურთიერთდამოკიდებულ კომპანიებს ბრალს დიდი რაოდენობით თანხის გაფლანგვაში სდებს. კომპანიის დამფუძნებლები აღნიშნულ ბრალდებას უარყოფენ და მასში პოლიტიკურ სარჩულს ხედავენ.

ოჯახის ადვოკატი, მარინე ცუცქირიძე აღნიშნავს, რომ მაია რჩეულიშვილის დაკავება არასწორი ნაბიჯი იყო, რადგან კომპანიას საშუალება უნდა მიეცეს, საცხოვრებელი ბინები დაასრულოს.

საქართველოს ფინანსთა სამინისტროს განცხადებით, აღნიშნული კომპანიების ჯამური საგადასახადო დავალიანება სახელმწიფოს მიმართ 61 მილიონ ლარს შეადგენს, მათ შორის, 2016 წლის ივლისის მდგომარეობით, შპს "ცენტრ პოინტ ჯგუფის" დავალიანება შეადგენს 29 398 541,42 ლარს, შპს "მარიჯანის" დავალიანება - 10 317 577,94 ლარს, შპს "ცენტრ პოინტ სიტის" დავალიანება - 2 311 595,39 ლარს, შპს "დიდი დიღმის ოაზისის" დავალიანება - 10 542 208,31 ლარს, სხვა დანარჩენი 8 740 000 ლარია.

ერთ-ერთი დაზარალებულის, მალხაზ გოგაძის თქმით, მან 56 კვადრატული მეტრი ფართობის ბინა "ცენტრ პოინტის" მშენებარე სახლში შეიძინა, მაგრამ როგორც კი აღმოაჩინა, რომ მისი ფართობი საერთოდ არ არსებობდა, თანხის გადახდა შეწყვიტა, - " ცენტრ პოინტმა" ექვს ოჯახს ჰაერი მოგვყიდა ანუ ჩვენი ბინები საერთოდ არ არსებობდა. ეს იყო თაღლითობა და რჩეულიშვილების ოჯახს ვუჩივლეთ," - განაცხადა მან.

"ცენტრ პოინტის" საქმიანობასთან დაკავშირებით კვლევა გამოაქვეყნა არასამთავრობო ორგანიზაცია "საერთაშორისო გამჭვირვალობა - საქართველომ." კვლევის თანახმად, "ცენტრ პოინტი" 70 სხვადასხვა კომპანიის გაერთიანებას წარმოადგენს. დეველოპერული კომპანია ყოფილმა პარლამენტარებმა გურამ რჩეულიშვილმა და რუსუდან კერვალიშვილმა დააარსეს.

"საერთაშორისო გამჭვირვალობაში" აღნიშნავენ, რომ "დახვეწილი სქემის მეშვეობით, "ცენტრ პოინტ ჯგუფმა" დაარწმუნა ათასობით კლიენტი, ჯერ კიდევ არაშენებული ბინები შეესყიდათ, შემდეგ კი, მათ მიერ მშენებლობაში გადახდილი 310 მილიონი დოლარი არამიზნობრივად გამოიყენა. შედეგად თითქმის 6 200-მა ოჯახმა (დაახლოებით 30 000 ადამიანი) დაკარგა მათ მიერ გადახდილი აღნიშნული თანხა და ასევე ბინები, რომლის უმეტესობაც ჯერ კიდევ აუშენებელი ან დაუსრულებელია."


აღსანიშნავია, რომ 2010 წლის 10 სექტემბერს მაია და ვახტანგ რჩეულიშვილებმა საჯაროდ განაცხადეს, რომ "ცენტრ პოინტი ჯგუფი" ვერ შეძლებდა მძიმე ფინანსური კრიზისიდან გამოსვლას გარე ჩარევის გარეშე. ამიტომ, მათ "ცენტრ პოინტი ჯგუფის" კომპანიებისა და სამშენებლო პროექტების მმართველობის უფლება კომპანია "დექსუსს" გადასცეს. ოფიციალური სარეგისტრაციო მონაცემების თანახმად, კომპანიის საწყისი კაპიტალი მხოლოდ 100 ლარს შეადგენდა. "დექსუსი" სათავეში ჩაუდგა "ცენტრ პოინტი ჯგუფის" ქონების მართვას, სამშენებლო კომპანიებს კლიენტებისადმი დიდი ოდენობით დავალიანება ჰქონდათ დაგროვილი.

"დექსუსმა" უარი განაცხადა ამ დავალიანების დაფარვაზე და ამის ნაცვლად კლიენტებს დღგ-ს გადახდა მოსთხოვა, რაც თითოეული ასაშენებლი ბინის საერთო ღირებულების 18 პროცენტს შეადგენდა. ეს ნიშნავდა იმას, რომ მაგალითად ადამიანმა, რომელმაც 50 000 დოლარი გადაიხადა ბინაში, დამატებით კიდევ 9 ათასი დოლარი უნდა გაეღო საკუთარი ბინის მშენებლობის დასამთავრებლად. არ არსებობდა გარანტია, რომ მისი სახლის მშენებლობას "დექსუსი" მაინც დაამთავრებდა,"- წერია კვლევაში.

"დექსუსის" საქმიანობასთან დაკავშირებით პროკურატურა გამოძიებას როგორც 2016, ისე 2013 წელსაც აწარმოებდა. "დექსუსის" მმართველმა პარტნიორმა, ირაკლი კილაურიძემ მაშინდელ მთავარ პროკურორს, არჩილ კბილაშვილს წერილით მიმართა და აუხსნა, რომ "დექსუსი" ქონებას მიზნობრივად განკარგავდა და მზად იყო გამოძიებასთან ეთანამშრომლა. მიუხედავად იმისა, რომ აღნიშნული საქმის შესწავლა სამი წლის წინ დაიწყო, "მაგნოლიას" კომერციული ფართებით დაკმაყოფილებულ პირებს კუთვნილი ბინები კომპანიის მიერ არ გადაეცათ.

გამოძიება წელს, ამხანაგობა "თაბუკაშვილი-88"-ის საქმიანობითაც დაინტერესდა და მისი თავმჯდომარე, ზურაბ თაბუკაშვილიც დააკავა.

"პირადი გამორჩენის მიღების განზრახვით, ამხანაგობის ინტერესების საწინააღმდეგოდ, "ცენტრ პოინტ ჯგუფთან" გააფორმა ხელშეკრულება, რომლის მიხედვითაც, ამხანაგობის დამფუძნებელ წევრთა საცხოვრებელი ბინებით დასაკმაყოფილებლად გაიცემოდა 7250 კვ.მ. საცხოვრებელი და 100 კვ.მ. არასაცხოვრებელი ფართი," - ნათქვამია პროკურატურის განცხადებაში.

აქვე აღნიშნავენ, რომ ამხანაგობა "თაბუკაშვილი 88"-ს თავმჯდომარე ზურაბ თაბუკაშვილმა არათუ არ უზრუნველყო ამხანაგობის წინაშე დასახული მიზნის - სამშენებლო კომპლექსის მშენებლობის დასრულება და ექსპლუატაციაში მიღება, არამედ მისთვის მინიჭებული, ამხანაგობის ხელმძღვანელობითი უფლებამოსილება გამოიყენა ამხანაგობის წევრთა კუთვნილი ქონების მითვისებისა და გაფლანგვისთვის."

ამჟამად, "ცენტრ პოინტ ჯგუფის" საქმეზე სამივე ბრლდებული, მაია და გუკა რჩეულიშვილები და ირაკლი მინდელი ისევ პატიმრობაში იმყოფებიან.

წყარო ALLNEWS
გლდანის მე-5 მიკრორაიონის მოსახლეობა სტადიონის ტერიტორიაზე კორპუსების მშენებლობას აპროტესტებს.
რუბრიკის სხვა სიახლეები
25.08.2016
ეგვიპტეში ტურისტული ნაკადის შემცირების გამო 220 სასტუმრო დაიხურა.
სრულად
25.08.2016
ასტანაში საქართველოს, აზერბაიჯანისა და ყაზახეთის რკინიგზის ხელმძღვანელები ყაზახეთის უმსხვილეს ოპერატორ და სატვირთო კომპანიების წარმომადგენლებს შეხვდნენ.
სრულად
25.08.2016
ყაზბეგის მუნიციპალიტეტში სოფელ გერგეთში მისასვლელ გზასა და გერგეთის სამებასთან მისასვლელ საფეხმავლო გზას რეაბილიტაცია ჩაუტარდება.
სრულად
25.08.2016
თეთნულდის განვითარების ახალი ფაზა არის ძალიან მნიშვნელოვანი პროექტი, რომელიც, კურორტის ადგილობრივი მოსახლეობის ჩართულობით განვითარებას ითვალისწინებს
სრულად
24.08.2016
კურორტ თეთნულდის განვითარების ახალი ფაზა იწყება, - ამის შესახებ პრემიერ-მინისტრმა გიორგი კვირიკაშვილმა მთავრობის სხდომაზე განაცხადა.
სრულად
TOP
რეკომენდებული
მნიშვნელოვანი
ოფიციალური კურსი
კონვერტორი
ბირჟა
25.08.2016
26.08.2016
USD
1
USD
2.2976
2.2857
EUR
1
EUR
2.5915
2.5817
GBP
1
GBP
3.0418
3.0228
RUB
100
RUB
3.5471
3.5239