ერაყის პარლამენტმა ქვეყანაში ალკოჰოლის გაყიდვა, იმპორტი და წარმოება აკრძალა.
საკანონმდებლო ინიციატივის მომხრეთა განმარტებით, აღნიშნული გადაწყვეტილება ქვეყნის კონსტიტუციას სრულად შეესაბამება, რომლის მიხედვითაც, ისლამის საწინააღმდეგო ნებისმიერი კანონის მიღება აკრძალულია.
„ბიბისი“-ს ცნობით, მოწინაღმდეგეთა განცხადებით, კანონი კონსტიტუციით დადგენილ უმცირესობების რწმენისა და ღვთისმსახურების თავისუფლებას ზღუდავს, მათ შორის ერაყში მცხოვრები ქრისტიანების. ისინი კანონის გასაჩივრებას გეგმავენ.