კასპის მუნიციპალიტეტში სარწყავი სისტემის რეაბილიტაცია მიმდინარეობს
საქართველოს გაერთიანებული სამელიორაციო სისტემების კომპანია კასპის მუნიციპალიტეტში შუა უბნის და კოდის სარწყავი სისტემის რეაბილიტაციას ახორციელებს.
პროექტის ფარგლებში, მდინარეებზე - კავთურასა და გუდალურაზე წყალმიმღები ნაგებობები მოეწყობა (3 ერთეული); გაიწმინდება მაგისტრალური არხები, ნაწილობრივ მოპირკეთდება მონოლითური ბეტონითა და ანაკრები რკინაბეტონით (მართკუთხა კვეთის ღარებით); დაგეგმილია წყალგამშვები კვანძების, ახალი მილხიდების და ახალი ნაგებობების მოწყობა.
სამუშაოებს შპს "დაგი" ახორციელებს. პროექტის მიხედვით, აღნიშნული სამუშაოები მიმდინარე წლის ნოემბრის შუა რიცხვებში დასრულდება და მისი ღირებულებაა 612 620 ლარი.
სარეაბილიტაციო სამუშაოების დასრულების შემდეგ, კასპის მუნიციპალიტეტის 508 ჰა სასოფლო-სამეურნეო მიწის ფართობი გახდება წყალუზრუნველყოფილი.