რუსეთმა და უკრაინამ გაზის მიწოდების საკითხთან დაკავშირებით შეთანხმებას მიაღწიეს, რაც იმას ნიშნავს, რომ რუსული ბუნებრივი აირის მიწოდება ევროკავშირის ქვეყნებშიც არ შეფერხდება.
ამის შესახებ "ბიბისი" ევროკომისიის ვიცე-პრეზიდენტ მაროშ შევჩოვიჩზე დაყრდნობით იტყობინება. "მოხარული ვარ, რომ მიღწეული იქნება შეთანხმება უკრაინისათვის გაზის მიწოდების საკითხთან დაკავშირებით, შედეგად ბუნებრივი აირის მიწოდება არ შეფერხდება ევროპულ ბაზარზეც" , - განაცხადა შევჩოვიჩმა.
გუშინ გამართული მოლაპარაკებების შედეგად, უკრაინა და რუსეთი შეთანხმდნენ, რომ მარტის თვის განმავლობაში "გაზპრომი" კიევს ყოველდღიურად 114 მილიონი კუბური მეტრის მოცულობის გაზს მიაწვდის წინასწარი გადახდის შემთხვევაში.