რამდენს გამოიმუშავებენ წლიურად Apple-ის თანამშრომლები
ყველაზე დიდი ხელფასი კომპანიაში ინჟინრებსა და დიზაინერებს აქვთ.
მსოფლიოს გარშემო, მათ შორის საქართველოშიც, უამრავი ადამიანი ოცნებობს ამერიკულ კომპიუტერულ კომპანია Apple-ში მუშაობაზე.
ლეგენდარული სტივ ჯობსის მიერ დაარსებული კომპანია უკვე წლებია რეგულარულად ხვდება ყველაზე საყვარელი ბრენდებისა და სასურველი სამუშაო ადგილის რეიტინგში.
ასობით ათასი ადამიანი Apple-ში მუშაობაზე არა მხოლოდ პრესტიჟის გამო, არამედ მაღალი ანაზღაურების გამოც ოცნებობს. ანალიტიკურმა კომპანია Glass Door-მა გაარკვია, თუ რამდენია პრესტიჟული ამერიკული კომპანიის თანამშრომლის საშუალო წლიური ხელფასი. როგორც აღმოჩნდა, Apple-ში თანამშრომლების საშუალო წლიური ანაზღაურება 97 031 დოლარია.
Glass Door-ის მონაცემებით, სტივ ჯობსის დაარსებული კორპორაცია აშშ-ში ერთ-ერთი ყველაზე მაღალანაზღაურებადი კომპანიაა. გარდა ამისა, Apple ქვეყნის მასშტაბით მაღალი ბონუსებითაც გამოირჩევა. ყველაზე დიდი ხელფასი კი კომპანიაში ინჟინრებსა და პროდუქტების დიზაინერებს აქვთ.
Apple-ის თანამშრომელთა საშუალო წლიური ხელფასი შემდეგნაირად გამოიყურება:
Apple Store-ის Genius-ის სპეციალისტი - 41 824 დოლარი
Apple Store-ის მენეჯერის თანაშემწე - 51 287 დოლარი
Genius-ის უფროსი - 52 206 დოლარი
კლიენტებთან ურთიერთობის მენეჯერი - 74 457 დოლარი
ბიზნეს-ანალიტიკოსი - 85 865 დოლარი
ფინანსური ანალიტიკოსი - 89 728 დოლარი
სისტემური ინჟინერი - 95 713 დოლარი
პროექტების მენეჯერი - 101 716 დოლარი
უფროსი სისტემური ინჟინერი - 107 740 დოლარი
პროგრამული უზრუნველყოფის სპეციალისტი - 110 784 დოლარი
ინჟინერ-მექანიკოსი - 119 150 დოლარი
პროდუქტების დიზაინის ინჟინერი - 119 742 დოლარი
პროდუქტების მენეჯერი - 120 182 დოლარი
უფროსი ინჟინერ-პროგრამისტი - 130 130 დოლარი
დიზაინერი - 167 260 დოლარი