ნოდარ ხადური: ჩვენი მთავარი ამოცანაა, სტაბილურად მოხდეს ლარის გამყარება
ჩვენი მთავარი ამოცანაა, რომ სტაბილურად მოხდეს ლარის გამყარება და იყოს სტაბილური ფინანსური გარემო ქვეყანაში, - ამის შესახებ ჟურნალისტებს ფინანსთა მინისტრმა ნოდარ ხადურმა ბოლო დღეებში ლარის კურსის გამყარების ფაქტის კომენტირებისას განუცხადა. "ჯერ კიდევ მაშინ, როდესაც დღეში 5-6 თეთრით გაუფასურდა ლარი, მე მაშინაც ვთქვი, რომ ეკონომიკური ფაქტორები ამოწურული იყო და ეს უფრო ალბათ, აჟიოტაჟური სიტუაცია იყო. ეს დადასტურდა იმით, რომ მნიშვნელოვნად დაიწია კურსმა უკან. ჩვენი მთავარი ამოცანაა, რომ სტაბილურად მოხდეს ლარის გამყარება და იყოს სტაბილური ფინანსური გარემო ქვეყანაში", - განაცხადა ხადურმა.