ბაკურიანი დსთ-ის მასშტაბით ყველაზე საუკეთესო დაბალფასიანი კურორტების ათეულში მოხვდა
ბაკურიანი რუსეთისა და დსთ-ის ყველაზე დაბალფასიანი სამთო-სათხილამური კურორტების ტოპ-ათეულში მოხვდა.
რუსული ტურისტული პორტალის www.travel.ru-სა და ჟურნალ "ფორბსის" რეიტინგის თანახმად, ბაკურიანში დასვენება საშუალოდ 4 100 რუბლი ჯდება. აღნიშნული თანხა გათვალისწინებულია ორ ადამიანზე და მოიცავს დაბალფასიან სასტუმროში ერთი დღის გატარებას, ერთი დღის სქი-ფასსა და კაფეში სადილს.
რეიტინგის შედგენის დროს გათვალისწინებული იქნა ისეთი მაჩვენებლები, როგორიცაა კურორტის პოპულარობა, ასევე მისი სატრანსპორტო ინფრასტრუქტურისა და საფასურის ხელმისაწვდომობა.
რეიტინგის თანახმად, ლიდერად დაბალფასიან სამთო-სათხილამურო კურორტებს შორის ყაზახური "შიმბულაკი" დასახელდა.
იხილეთ ვიდეო PALITRANEWS-ზე