კომერციული ფართები და ბინები გაიაფდება
კომერციული ფართები და ბინები გაიაფდება
15 იანვარი / 2016
სამშენებლო კომპანიები წელს ბინებზე მოთხოვნის შემცირებასა და ფასების ვარდნას ელოდებიან. როგორც გაზეთი "რეზონანსი" წერს, სამშენებლო კომპანიები, უძრავი ქონების სააგენტოები ამის მიზეზად მსოფლიო ბაზარზე, საქართველოში სავალუტო რყევებს, ეკონომიკურ კრიზისს და ფინანსურად არასტაბილურ მდგომარეობას ასახელებენ.

2015 წელს 2014 წელთან შედარებით ბინების და კომერციული ფართების რეალიზაციამ იკლო. კერძო სექტორს უკეთესის იმედი არც 2016 წელს აქვს. როგორც "რეზონანსს" უძრავი ქონების სააგენტოებსა და სამშენებლო კომპანიებში განუცხადეს, მყიდველები ძირითაად საზღვარგარეთ მცხოვრები ქართველები არიან. ვალუტის გაუფასურებამ კი გავლენა მათ შემოსავალზეც მოახდინა, შესაბამისად იკლო ტრანზაქციების რაოდენობამ და ბინების ყიდვა-გაყიდვამაც. "შემცირება საკმაოდ დიდი იყო. შეიძლება ითქვას, რომ 2014 წელთან შედარებით 2015-ში გაყიდვები თითქმის განახევრდა. ეკონომიკა, არასტაბილური შემოსავალი, ინვესტიციების შემცირება, ეროვნული ვალუტის გაუფასურება, ამ ყველაფერმა მოახდინა გავლენა უძრავი ქონების ბაზარზე", - აცხადებს უძრავი ქონების სააგენტო "კიბეს" დირექტორი ნელი გოგუაძე და დასძენს, რომ ამ კუთხით 2016 წელსაც არაფერი შეიცვლება.

მაგალითად, ცენტრალურ უბნებში, საბურთალოზე ბინებზე კვადრატული მინიმუმ 800 დოლარიდან იწყება. ვაკეში შესაბამისად, უფრო მაღალია ფასი. კარგი კომერციული ფართებიც უკვე ნაკლებად არის და მისი ყიდვა-გაყიდვის ღირებულება საბურთალოზე მინიმუმ 1000-2000 დოლარია. "დიდი მოლოდინი არ მაქვს 2016 წელს. თუ ასე გაგრძელდა და დადებითი ძვრები არ მოხდა, უძრავი ქონების ბაზარზე კრიზისული მდგომარეობა შენარჩუნდება",- მიიჩნევს ნელი გოგუაძე.

უძრავი ქონების სააგენტოების ნაწილში აცხადებენ, რომ 2015 წელს რეალიზაციის შემცირება მიწოდების ზრდით და მოთხოვნის კლებით არის გამოწვეული. გარდა ამისა, მათ ბინების ჩაწოლის მიზეზად მსოფლიო კრიზისი მოიყვანეს.

"მოთხოვნა შემცირდა. იმდენი ახალი მშენებლობებია. რაოდენობით ბინები უფრო მეტია, ვიდრე მყიდველი, შესაბამისად, ამიტომ შემცირდა რეალიზაცია. მყიდველი არ არის იმდენი, რამდენიც შენდება. ლარის გაუფასურება გაყიდვების შემცირებასთან არაფერ შუაშია. კრიზისი არის ყველგან. თანხები უცხოეთიდანაც შემოდიოდა. პლუს ბანკების სესხი, ალბათ ლარის გამო სესხიც უფრო რთული ასაღებია, ან ხელფასიდან გამომდინარე, ეს სულ სხვა მხარეა", - აცხადებს უძრავი ქონების სააგენტო "გალაგას" წარმომადგენელი ირინა ჩეკავინა.

იგი ამბობს, რომ თავისუფალი ფული ძირითადად საზღვარგარეთიდან შემოდიოდა. მომხმარებელთა ნაწილი, ბინას ბანკის სესხით ყიდულობდა. "აგერ ევრო გაუფასურდა, გაუტოლდა დოლარს, ანუ მსოფლიო კრიზისია, ეს მხოლოდ ჩვენი პრობლემებიდან არ გამომდინარეობს. ძალიან ბევრი მოდიოდა, იყვნენ ევროპიდან, ამერიკიდან, რუსეთიდან, ახლაც რუსები ჩამოვიდნენ. 2016 წელს შემცირდება რეალიზაცია, იკლებს ბინებზე ფასიც, რადგან ღირებულების კლებას მოთხოვნის შემცირება იწვევს. პრინციპში, ჩემი აზრით, გაბერილიც იყო ფასები", - განაცხადა ირინა ჩეკავინამ.

ბინებზე, კომერციულ ფართებზე მოთხოვნის შემცირებასთან ერთად სამშენებლო სექტორს 2015 წელს ბანკებთან კომუნიკაციაც გაუძნელდათ. "პროკრედიტ ბანკი საქართველოს" გენერალური დირექტორი ასმუს როტნე "ფაინენშალთან" აცხადებს, რომ სამშენებლო ბიზნესი ერთ-ერთია, რომლის დაფინანსებასაც ბანკში სიფრთხილით უყურებენ.

თანხის სიმცირეზე საუბრობს სამშენებლო კომპანია "არქი დეეს"-ის ხელმძღვანელიც. დაფინანსებასთან ერთად მათ ასევე შეუმცირდათ მოთხოვნაც.

"დიდი არ იყო აქტიურობა. ამის ერთ-ერთი მიზეზი ლარის გაუფასურებაა. რეალიზაცია 2014 წელთან შედარებით 2015 წელს 70%-ით იყო შემცირებული. ჩვენ წლებია საპროექტო და სამშენებლო სამუშაოებს ვასრულებთ. 2014 წელს გაცილებით მეტ სამუშაოებს ვახორციელებდით. 2015 წელს მხოლოდ ერთი ობიექტი გვქონდა აღებული. 2014 წელს იყო 3-4 ობიექტი. იმედი გვაქვს, რომ მომავალი უკეთესი იქნება. თუმცა, იმ შემთხვევაში, თუკი კურსი მცირედით მაინც არ გამყარდება, ეს ჩვენზე 2016 წელს უარყოფით გავლენას იქონიებს. რყევები მოქმედებს დაფინანსებაზე, გაყიდვებზეც და ზოგადად ყველაფერზე", - აცხადებს სამშენებლო კომპანია "არქი დეეს"-ის ხელმძღვანელი დავით სვანიძე.

მარიამ აფციაური
გაზეთი "რეზონანსი"

კომენტარები (18)
16.01.2016
realisti
ძნელია ასადს არ დაეთანხმო...
16.01.2016
გულა!
დიახ, ნამდვილად გვეგონა რომ ახალი მთავრობა მიხედავდა ამ თავზე ხელაღებულ მშენებლებს და რაც დაწყილი იყო იმას მაინც დაამთავრებდა.მაგრამ მე-4-ე წელია ამ მხრივ არაფერი არ გაკეთებულა. ალბად არასდროს არაფერი გვეშველება................
მსგავსი სიახლეები
სახელმწიფო ქონების ეროვნულმა სააგენტომ აუქციონზე გასაყიდად გამოიტანა ქალაქ თბილისში, ლილოს  სადგურზე, კასტელის მიმდებარედ არსებული  3 630 კვ.მ. არასასოფლო-სამეურნეო  დანიშნულების  მიწის  ნაკვეთი
პრემიერ-მინისტრმა გიორგი კვირიკაშვილმა მოსახლეობას განახლებული აღმაშენებლის გამზირის გახსნა მიულოცა.
Apple-ის პროდუქციის ქართველ რეალიზატორებს შორის დაპირისპირება მძაფრდება.
"ქართული ოცნების" საარჩევნო სიის მეორე ნომერი, კახა კალაძე ენერგეტიკის მინისტრისა და ვიცე-პრემიერის პოსტს 4 წლის განმავლობაში, 2012-16 წლებში იკავებდა.
ბოლო 4-5 წელიწადში კომერციული ფართის გაქირავების ფასი 25-30%-ით შემცირდა.
დიდი ხანია არავინ დავობს, რომ კონკურენცია საბაზრო ეკონომიკის ფუნქციონირების მთავარი ელემენტია
ბინების გაყიდვის კუთხით, თბილისში ძირითადად ორი უბანი ლიდერობს - ცენტრალური უბნებიდან საბურთალო, გარეუბნებში კი ვარკეთილი.
ამერიკელი ანალიტიკოსის პროგნოზით, წლის ბოლოსთვის ოქროს ფასი შესაძლოა 44%-ით გაიზარდოს.
განათლების მინისტრის ალექსანდრე ჯეჯელავას წლიურმა შემოსავალმა შარშან 215 740 ლარზე მეტი შეადგინა.
ბრედ პიტის და ანჯელინა ჯოლის განქორწინების ამბავი მსახიობების გულშემატკივრებისთვის მოულოდნელი და შოკისმომგვრელი აღმოჩნდა.
რუბრიკის სხვა სიახლეები
26.09.2016
დევნილთა საკითხებში გაერო-ს სპეციალური მომხსენებლის, ჩალოკა ბეიანის განცხადებით, საქართველომ იძულებით გადაადგილებულ პირთა საცხოვრებელი პირობების გაუმჯობესების კუთხით პროგრესს მიაღწია.
სრულად
26.09.2016
ავტობუსებისთვის და მიკროავტობუსებისთვის სპეციალური საგზაო ზოლი დღეს ღამით დაიხაზება.
სრულად
26.09.2016
ეროვნული ბანკის მიერ გამოქვეყნებული ლარის ოფიციალური გაცვლითი კურსის მიხედვით, ეროვნული ვალუტა დოლართან მიმართებაში გაუფასურდა.
სრულად
26.09.2016
ჯანდაცვის სამინისტრო 100 000-მდე სარეიტინგო ქულის მქონე, სოციალურად დაუცველი ოჯახების 6-23 თვის ასაკის ბავშვებისათვის საკვები მიკროელემენტების გაცემას იწყებს.
სრულად
26.09.2016
სოფლის მეურნეობის სამინისტროს წარმომადგნლები ხორცისა და ხორცპროდუქტების მწარმოებლებს შეხვდნენ.
სრულად
TOP
რეკომენდებული
მნიშვნელოვანი
ოფიციალური კურსი
კონვერტორი
ბირჟა
26.09.2016
27.09.2016
USD
1
USD
2.3132
2.3345
EUR
1
EUR
2.5947
2.6247
GBP
1
GBP
3.0032
3.0206
RUB
100
RUB
3.6418
3.6493