საპენსიო ასაკს მიღწევა აღარ იქნება დასაქმებულის გათავისუფლების საფუძველი
საპენსიო ასაკს მიღწევა აღარ იქნება დასაქმებულის გათავისუფლების საფუძველი
28 იანვარი / 2016
საჯარო სამსახურის შესახებ კანონში შესული ცვლილების შესაბამისად, 2017 წლის პირველი იანვრიდან ასაკი აღარ იქნება იმის საფუძველი, რომ დასაქმებული სამსახურიდან გათავისუფლდეს.
აღნიშნული ინიციატივა პარლამენტის ჯანდაცვის კომიტეტის თავმჯდომარეს დიმიტრი ხუნდაძეს ეკუთვნის.
როგორც დიმიტრი ხუნდაძემ "ბიზნესპრესნიუსთან" საუბრისას აღნიშნა, ადამიანის სამსახურიდან გათავისუფლება საპენსიო ასაკის გამო, ასაკობრივი დისკრიმინაციაა, რის გამოც კანონში ცვლილება აუცილებლობას წარმოადგენდა.
"პარლამენტმა უკვე მიიღო საჯარო სამსახურის შესახებ კანონი, რომელიც 2017 წლის პირველი იანვრიდან ამოქმედდება. ჟურნალისტების და საზოგადოების მხრიდან ინიციატივის ინტერპრეტაცია იყო ორაზროვანი, თითქოს ასაკობრივი ზედა ზღვარი წესდებოდა. ეს არ შეესაბამება სიმართლეს. საუბარია მხოლოდ იმაზე, რომ საპენსიო ასაკს მიღწევა არ იქნება დასაქმებულის გათავისუფლების საფუძველი", - აღნიშნავს დიმიტრი ხუნდაძე.
ჯანდაცვის კომიტეტის თავმჯდომარე განმარტავს, რომ 2016 წლის 20 აგვისტომდე საჯარო სამსახურის შესახებ კანონი ითვალისწინებდა ასაკის გამო პირის სამსახურიდან გაშვებას. მთავრობამ აღნიშნული ნორმა შეაჩერა, მაგრამ ახალ კანონში, რომელიც 2017 წლიდან უნდა ამოქმედებულიყო, ეს ჩანაწერი ისევ გაჩნდა.
,,ჩემი პოზიცია იყო, რომ ეს ნორმა ასაკობრივი დისკრიმინაციაა, მთავრობამ შენიშვნა გაითვალისწინა და შესაბამისი ცვლილებაც მივიღეთ", - აღნიშნავს დიმიტრი ხუნდაძე.
გაერთიანებული პროფკავშირების თავმჯდომარის მოადგილე გოჩა ალექსანდრია ინიციატივას მიესალმება. მისი თქმით, ასაკის მიხედვით ადამიანის დისკიმინაცია გამორიცხული უნდა იყოს შრომით ურთიერთობებში. ალექსანდრია აცხადებს, რომ ამ ტიპის დისკრიმინაციის შემთხვევები დღესაც გრძელდება როგორც საჯარო, ისე კერძო სექტორში, თუმცა ამის შესახებ გაცხადებულად არავინ საუბრობს და არც გათავისუფლების ბრძანებაში არავინ წერს.
გოჩა ალექსანდრია ერთ-ერთ მაგალითად ასახელებს გორის წისქვილკომბინატ ,,კარმენს," საიდანაც მისი თქმით, 7 ადამიანი სწორედ იმ მოტივით გაათავისუფლეს, რომ საპენსიო ასაკს მიახლოებულები არიან.
"ზეპირსიტყვიერად პირდაპირ უთხრეს - ასაკში ხართ და რამდენ ხანს უნდა იმუშაოთო. ბრძანებაში კი ჩაწერეს, რომ უშვებენ რეორგანიზაციისა და შრომის კონტრაქტის ვადის ამოწურვის გამო. თუმცა ყველამ ვიცით, რომ რეალურ მიზეზს საპენსიო ასაკს მიღწევა წარმოადგენდა", - აცხადებს გოჩა ალექსანდრია.
მისი თქმით, ამ ინიციატივას ჰყავდა გარკვეული მოწინააღმდეგეები, რომელთა ძირითადი არგუმენტი იყო ის, რომ მაგალითად 70 წლის ადამიანი ვერ შეძლებს დაკისრებული ფუნქციების შესრულებას.
"ადამიანის გათავისუფლება არც ერთ ქვეყანაში არ არის დაშვებული ასაკის გამო", - აცხადებს ალექსანდრია.
პროფკავშირების თავმჯდომარის მოადგილე აღნიშნავს, რომ გათავისუფლების მიზეზი
You must have Flash Player installed in order to see this player.
შეიძლება იყოს მხოლოდ არასაკმარისი კვალიფიკაცია.
,,თუ ვერ მუშაობს ნაყოფიერად, ავიწყდება რაღაცეები, ან ჯანმრთელობასთან დაკავშირებით პრობლემები აქვს, ეს ყველაფერი აუცილებლად აისახება მის დისციპლინაზე, ან მისი შრომის კვალიფიკაციაზე, რაც შესაძლოა გახდეს მისი სამსახურიდან გათავისუფლების საფუძველი. ეს შრომის კოდექსშიც წერია და საჯარო სამსახურის შესახებ კანონშიც. ხომ ვერავინ დაამტკიცებს იმას, რომ მაინცდამაინც 70 წელს გადაცილებული ადამიანი ხდება გულმავიწყი, ან დაგვიანებებს იწყებს?! აგვიანებს ახალგაზრდაც და ხანდაზმულიც. ასაკი არაფერ შუაშია", -აცხადებს პროფკავშირების თავმჯდომარის მოადგილე.
გოჩა ალექსანდრიას თქმით, დასაქმებულს 2017 წლიდან უნდა ჰქონდეს შესაძლებლობა მიმართოს შრომის ინსპექციას.
,,ჩვენ ვმუშაობთ იმაზე, რომ შრომით ინსპექტორებს მიეცეთ სანქციის გაცემის საშუალება, დაჯარიმების უფლება შრომითი უფლებების დარღვევის შემთხვევებში. ამისთვის სერიოზული ბრძოლა გვაქვს ხელისუფლებასთან. ბიზნესი ლობირებს, რომ შრომის ინსპექტორები ან არ არსებობდნენ, ან არ ჰქონდეთ სანქციების დაწესების შესაძლებლობა", - აღნიშნავს გოჩა ალექსანდრია.

დამსაქმებელთა ასოციაციის აღმასრულებელი დირექტორი მიხეილ კორძახია კი აცხადებს, რომ ქართული კანონმდებლობით პრობლემა ასაკის გამო გათავისუფლებასთან დაკავშირებით მხოლოდ და მხოლოდ საჯარო სექტორშია.
,,ჩვენს შემთხვევაში, კერძო კომპანიებთან დაკავშირებით არავითარი პრობლემა არ გვქონია და არც გვექნება, რადგან სამართლებრივად საპენსიო ასაკის გამო გათავისუფლების მითითებას კანონი არ ითვალისწინებს. ეს შეზღუდვა იყო საჯარო სამსახურში", - აცხადებს კორძახია. მისი თქმით, შესაძლოა ერთეული შემთხვევები დაფიქსირებულა, მაგრამ ბიზნესი განვითარებაზეა ორიენტირებული და მისთვის მნიშვნელოვანი კვალიფიკაციაა და არა - ასაკი.

ქრისტინე გამთენაძე

კომენტარები (8)
01.02.2016
კაალი
ამ პაქტსს მივესალმები . საჯირო კადრები ტუ არ გყავსს მაშინ გამოცდილმა პერსონალმა რომ განაგრდზოსს მუშაობა ეს კარგია ,მეორე მხრივ საქარტველოში ისედაც ცოტა სამსახურებიაა და ახალგაზრდობისტვის სამუშაოო ადგილები მოძებნა პრობლემად რჩება . გამოცდილი პერსონალი მაშინ უნდა გაანტავისუპლონ როცა მისი შემცვლელი მასზეუკეტესია ან მასავიტ კარგიაა. ბებერი ხარისა რქებიცა ხნავენ და ვისწავლოტ და დავეუპლოტ უპროსებისგან
29.01.2016
თინა
იგივე ხდება დღეს ''ჯორჯიან უოთერენდ პაუერში''გაერთიანებულ წყალმომარაგებაში,რუსთავში უცერემონიოდ უშვებენ პენსიონერებს სამუშაოდან.ამ ხალხს 1 თებერვლიდან ანთავისუფლებენ.სირცხვილია ბოლოსდაბოლოს სირცხვილი.წლობიტ ნამუშევარ პროფესიონალებს გარეთ უშვებენ და უვიცებით გაავსეს რუსთავის წყალმომარაგების სამმართველო ნათესავ ახლობლებით.
მსგავსი სიახლეები
იტალიის ყველა მოქალაქეს, რომელსაც 18 წელი შეუსრულდება, დაბადების დღეზე ქვეყნის ხელისუფლება „კულტურული ბონუსის“ სახით 500 ევროს აჩუქებს.
„ერთიანი ნაციონალური მოძრაობის“ წარმომადგენელი ირაკლი აბესაძე პრემიერის გადაწყვეტილებას ეხმაურება, რომელიც სოსო ჯაჭვლიანის საზოგადოებისთვის ახალი პოზიციით წარდგენას შეეხება.
საკრებულოს დამოუკიდებელი დეპუტატი ალეკო ელისაშვილი ყაზბეგის გამზირზე ხეების მოჭრასთან დაკავშირებით მთავარი პროკურატურისადმი მიმართვას აპირებს.
ყველაფერს გავაკეთებთ იმისათვის, რომ ინფექციურმა საავადმყოფომ არსებულ თუ სხვა მისამართზე შეფერხების გარეშე იფუნქციონიროს
მთაში მუდმივად მცხოვრები, პენსიისა და სოციალური პაკეტის მიმღები პირებისთვის დანამატის დანიშვნის პროცედურა მნიშვნელოვნად გამარტივდება
ჯანდაცვის მინისტრის მოადგილე ნინო ბერძული ელექტრონული რეცეპტის სისტემის მოქმედების პირველ ფაზას საოჯახო მედიცინის ცენტრ „მედსიში” გაეცნო.
თბილისში, დაუსრულებელი მშენებლობების დასრულების მიზნით, კომპანია/ამხანაგობების წარმომადგენლებისთვის, შესაძლოა ახალი საშეღავათო პირობების შეთავაზება მოხდეს.
"მაიკროსოფტის" დაფუძნებლის ბილ გეითსის საინვესტიციო ფონდმა მულტიმილიონ დოლარიანი ინვესტიცია განახორციელა ავსტრალიურ ბიოტექნოლოგიურ სტარტაპში.
საქართველოს შრომის, ჯანმრთელობისა და სოციალური დაცვის სამინისტრო ელექტრონული რეცეპტების სისტემაში ჩართვის პროცედურებს განმარტავს.
ჯანდაცვის უწყება ელექტრონული რეცეპტის ახალ სისტემაზე გადადის.
რუბრიკის სხვა სიახლეები
25.08.2016
შპს “რუსთველი ფროფერთი”, Hyatt Regency Tbilisi-სთან დაკავშირებით, “საერთაშორისო გამჭვირვალობა-საქართველოს” მიერ გავრცელებულ ინფორმაციას უარყოფს და მზადყოფნას გამოთქვამს, ყველა დასმულ კითხვაზე პასუხი გასცეს.
სრულად
25.08.2016
სებ-ი ეროვნული ბანკის სავალუტო აუქციონის შედეგის შესახებ ინფორმაციას აქვეყნებს.
სრულად
25.08.2016
აჭარის ტურიზმის დეპარტამენტმა უცხოელ ვიზიტორთა კვლევის მესამე ეტაპის შედეგები გამოაქვეყნა.
სრულად
25.08.2016
ერთი ამერიკული დოლარის ოფიციალური ღირებულება 2.2857 ლარი გახდა.
სრულად
25.08.2016
საბაჟო გამშვებ პუნქტში ’’სადახლო-საავტომობილო’’, მებაჟე ოფიცრებმა, ეჭვის საფუძველზე, სომხეთიდან შემოსული საქართველოს მოქალაქის მართვის ქვეშ არსებული ავტომობილის დათვალიერების შედეგად, ძრავის განყოფილებაში და სავარძლების ქვეშ არადეკლარირებული პარფიუმერული ნაწარმი (28 კგ) აღმოაჩინეს.
სრულად
TOP
რეკომენდებული
მნიშვნელოვანი
ოფიციალური კურსი
კონვერტორი
ბირჟა
25.08.2016
26.08.2016
USD
1
USD
2.2976
2.2857
EUR
1
EUR
2.5915
2.5817
GBP
1
GBP
3.0418
3.0228
RUB
100
RUB
3.5471
3.5239