ანაკლიის პორტის ირგვლივ სკანდალი მწიფდება
ანაკლიის პორტის ირგვლივ სკანდალი მწიფდება
5 თებერვალი / 2016
ანაკლიის პორტის პროექტთან დაკავშირებით ვითარება დაიძაბა. სახელმწიფოს მიერ შეთავაზებული პირობები მიუღებელია უმსხვილესი ჩინური კონსორციუმისთვის "ფაუერ ჩაინასთვის". "რეზონანსთან" ინტერვიუში "ანაკლია პორტი და ინდუსტრიულ ეკო პარკის" ერთ-ერთი დამფუძნებელი თემურ ქარჩავა ამბობს, რომ თუ სახელმწიფო პირობებს არ შეცვლის, მისი კონსორციუმისთვის ამ პროექტში მონაწილეობა მიუღებელი იქნება. ამ შემთხვევაში სახელმწიფოს მხოლოდ ერთი ინვესტორი რჩება - "თიბისი ჯგუფი" ამერიკული კომპანია "კონტი ჯგუფთან" ერთად.

კონკრეტულად რა საკითხზე ვერ რიგდება მთავრობა ჩინელ ინვესტორებთან? ეკონომიკის სამინისტროში კონფიდენციალურობის მოტივით დეტალებზე არ საუბრობენ. თემურ ქარჩავა კი ამბობს, რომ მთავრობასა და ინვესტორებს შორის სახელშეკრულებო პირობების გარჩევა მიმდინარეობს.

"რეზონანსი": მთავრობამ გამარჯვებული ინვესტორის გამოცხადების ვადა რამდენჯერმე გადადო, რაზე ვერ თანხმდებით?

თემურ ქარჩავა: საუბარია საინვესტიციო ხელშეკრულების დეტალებზე სახელმწიფოსა და ინვესტორებს შორის. ინტერესთა გამოხატვაში ორი კონსორციუმი იღებს მონაწილეობას. ერთმა შესთავაზა მთავრობას, რომ გარკვეული პუნქტები საერთაშორისო ფინანსურ სტანდარტებთან მიმართებაში მოწესრიგდეს. ამ შემთხვევაში ჩინური კომპანია, ანაკლიის პორტის კონსორციუმთან ერთად, მზად არის დააფინანსოს, ააშენოს და ექსპლოატაცია გაუწიოს ამ დიდ პროექტს, რასაც ანაკლიის პორტი ჰქვია. განსახილველია რამდენიმე საკითხი საინვესტიციო ხელშეკრულების პირობებთან დაკავშირებით. ეს არის ჩვეულებრივი მოვლენა. შეიძლება შევთანხმდეთ ან ვერ შევთანხმდეთ. ინვესტორთა ერთ ჯგუფს ეს პირობები ხელს არ აძლევს, შეიძლება აწყობდეს მეორე ჯგუფს, ხაზარაძის კონსორციუმს - "თიბისი" და "კონტი ჯგუფი".

"რ": თქვენი ჯგუფი ინტერესთა გამოხატვის პროცესში მონაწილეობას აგრძელებს?
თ.ქ.: რა თქმა უნდა, ვმონაწილეობთ. დავაკვირდებით რა პირობებს მისცემენ მეორე კონსორციუმს. ჩინეთის გიგანტი კომპანია "ფაუერ ჩაინა" მიიჩნევს, რომ ტენდერის პირობები გადასახედია. თუ მას შევასწორებთ და მოვიყვანთ საერთაშორისო ფინანსურ სტანდარტებთან შესაბამისობაში, იგი მზად არის ქართულ და ამერიკულ კომპანიებთან ერთად დააფინანსოს ეს პროექტი.

კონკურსი არავის დაუტოვებია, თავის შეკავება და შეთავაზება არ ნიშნავს პროცესიდან გამოთიშვას. ეს არის შეთავაზება, რომლის მიხედვითაც პროექტი განხორციელებადია. დავუშვათ "თიბისიმ" და "კონტიმ" ვერ შეასრულეს პირობები, მაშინ უკიდურესად მძიმე მდგომარეობა შეიქმნება. ამიტომ მთავრობამ უნდა განიხილოს ის საკითხები, რომელიც პირობების წესრიგში მოყვანას გულისხმობს.

ჩვენი დოკუმენტები რეგისტრაციაში გატარებულია, წინადადებებთან დაკავშირებით მთავრობა, ეკონომიკის სამინისტრო, კომისია საქმის კურსშია. თუ მისაღები იქნება მათთვის, ხომ კარგი, თუ არადა, ვინც უნდა ის გამოაცხადონ გამარჯვებულად. ჩვენ არაფერს ვტოვებთ უყურადღებოდ.

"რ": საერთაშორისო სტანდარტებთან შეუსაბამობაში კონკრეტულად რას გულისხმობთ?
თ.ქ.: ამაზე ეკონომიკის
You must have Flash Player installed in order to see this player.
სამინისტრო გაგცემთ პასუხს. ძალიან კარგად იციან ხელშეკრულების პირობები.

"რ": ეკონომიკის სამინისტრო სულაც არ ფიქრობს, რომ მათი პირობები საერთაშორისო სტანდარტებთან შეუსაბამოა, ამიტომაც გეკითხებით თქვენ.
თ.ქ.: რამდენიმე პუნქტია, რომელიც მისაღები არ არის ინვესტორისთვის. ამის შესახებ ვისაუბრებთ მაშინ, როდესაც გამარჯვებულს გამოაცხადებენ ან მანამდე, თუკი საჭიროდ ჩავთვლით. ჩვენთვის მთავარია ის, რომ ეს პროექტი განხორციელდეს.

ვფიქრობთ, ეკონომიკის სამინისტროს მიერ დაქირავებულმა საკონსულტაციო ჯგუფმა არასწორი პირობები წამოაყენა. თუ შეიცვლება მოთხოვნა, მაშინ უნდა განახლდეს პირობები სახელმწიფოსთან. მეორე კონსორციუმი თუ ამ პირობებით აიღებს პროექტს, ეს მათი ნებაა. აქ არ არის საუბარი გრანტებით დაფინანსებაზე, სახელმწიფო გარანტიაზე. თუ ამ ყველაფრის გარეშე თანახმაა მეორე კონსორციუმი, გამარჯვებას ვუსურვებ.

ჩინეთის გიგანტური კომპანია "ფაუერ ჩაინა", ამერიკული კომპანია და ქართული "ანაკლია პორტი და ინდუსტრიული ეკო პარკი", რომლებსაც ერთმანეთთან პარტნიორული ხელშეკრულება აკავშირებთ, მზად არიან მისაღები პირობებით დაიწყონ პორტის მშენებლობა. არსებული პირობებით ეს პროექტი თავშივე განწირულია და დიდი რისკის ქვეშ დგას.

"რ": საქართველოში რამდენიმე პორტია, რომელიც სრული დატვირთვით მუშაობას ვერ ახერხებს. ანაკლიის პორტის რენტაბელობა რა გათვლებს ემყარება?

თ.ქ.: ამ პორტის მშენებლობა ითვალისწინებს ახალი მარშრუტის გაჭრას - ჩინეთი-საქართველო-ევროპა. ახალ მარშრუტს ვერ გაჭრის "თიბისი" და "კონტი ჯგუფი" დიდი ჩინური კომპანიის გარეშე.

ფოთისა და ბათუმის პორტები მოძველებულია. თუ არ აშენდება ახალი ტექნოლოგიური პორტი, მათი ინფრასტრუქტურა ვერ დააკმაყოფილებს იმ ტვირთბრუნვას, რომელიც დასაბუთებულია. ამიტომ ანაკლიის პორტის მშენებლობას ძალიან დიდი მნიშვნელობა ენიჭება.

მაკა ხარაზიშვილი
გაზეთი "რეზონანსი"

კომენტარები (9)
08.02.2016
sss
ნავსადგურელს,გააფართოვეთ,რას ელოდებით, ან ადრე სადიყავით ეხლა რო დაიწყეთ ყაყანი
06.02.2016
ალექს
არც 100 მილიონი ტონა ტვირთი არსებობს ბუნებაში,მაგრამ ეგე ანაკლიის პორტი "სკანდალურად " გუგუნებს უკვე. ტვრთი სატრანსპორტო ცნებაა,საქონელია სავაჭრო კატეგორია,ისაა ფულად რომ იქცევა ,თორემ ტვირთი ტვირთია მხოლოდ,ვის სჭირდება ,არავის,ფულია საჭირო,ფული,ისააა ყველაზე ძვირი საქონელი,ჰოდა მოიჭრება უტვირთოდ ! ჰოოო... 100 მილიონს რომ იწონის მასეთი საქონელი ბუნებაში არ არსებობს ! მაგრამ აი იმ 5 ტრილიონი კუბმეტრი გაზისაგან აი ის 100 მილიონი ტონა საქონელი დამზადდება. არც გაზი სჭირდება არავის,ფულია საჭირო,ჰოდა ამოქაჩავენ ფულს,არ ამოვა -დაბეჭდავენ !
მსგავსი სიახლეები
სამების ტაძრისა და მახათას მთის დამაკავშირებელი 2-კილომეტრიანი გზის მშენებლობაზე მილიონ 800 ათასი ლარი დაიხარჯა.
საქართველოში მე-19 საუკუნის მეორე ნახევრიდან იწყება ჭიათურის მარგანეცის წარმოება, რამაც დააჩქარა დასავლეთ ევროპის კაპიტალისტური ქვეყნების მრეწველობისათვის უცხოეთის ბაზარზე ამ ნედლეულის მოთხოვნილების ზრდა.
სატერმინალო და ლოგისტიკური მომსახურების კომპანიები კვლავ "კორპორაცია ფოთის პორტის" წინააღმდეგ გამოდიან.
ეს არის უნიჭოდ დადგმული შურისძიება, რომელიც ადამიანების საკეთილდღეოდ არ არის შექმნილი
თურქეთსა და საქართველოს შორის მიღწეული შეთანხმებით, მტკვარზე ელექტროსადგურის მშენებლობის ადგილი ხელახალი მოლაპარაკების შედეგად შეირჩევა.
დღეს, საქართველოს ეკონომიკისა და მდგრადი განვითარების სამინისტროში, შშმ პირებისთვის ბორჯომში დღის ცენტრის მშენებლობის პრეზენტაცია გაიმართება.
დღეს საქართველოში უამრავი ადამიანი ცხოვრობს, რომელმაც თავისი დანაზოგი მშენებლობაში ჩადო, კუთვნილი ბინა ვერ მიიღო და უსახლკაროდ დარჩა.
ბოლო დღეებში "ცენტრ პოინტის" ირგვლივ განვითარებულმა მოვლენებმა და კომპანიის წარმომადგენლების დაკავებამ სამშენებლო კომპანიების მიერ კლიენტების დაზარალების საკითხი გაააქტიურა.
ქუთაისის მერიაში დღეს მუნიციპალიტეტის ადმინისტრაციულ საზღვრებში სოციალური საცხოვრისის მშენებლობის კონკურსი ჩატარდა.
სახეზეა გამოძალვა სახელმწიფოს მონაწილეობით, რათა საკუთარი მადა დაიკმაყოფილონ, - ამის შესახებ „ცენტრ-პოინტის“ ერთ-ერთმა დამფუძნებელმა ვახტანგ რჩეულიშვილმა თბილისის პროკურატურაში მაია რჩეულიშვილისთვის ბრალის წაყენების შემდეგ განაცხადა.
რუბრიკის სხვა სიახლეები
27.07.2016
აჭარის ტურიზმისა და კურორტების დეპარტამენტმა აჭარის მთავრობის ახალ თავმჯდომარეს, ზურაბ პატარაძეს ტურიზმის ინდუსტრიაში არსებული მიზნები და გამოწვევები გააცნო.
სრულად
27.07.2016
ეროვნული ბანკის მიერ გამოქვეყნებული ლარის ოფიციალური გაცვლითი კურსის მიხედვით, ეროვნული ვალუტა დოლართან მიმართებაში მცირედით გაუფასურდა.
სრულად
27.07.2016
ეროვნული ბანკის პრეზიდენტი კობა გვენეტაძე მიიჩნევს, რომ გაზაფხულზე ლარის კურსი ზედმეტად გამყარდა, ამიტომ შემდეგ მოხდა კურსის კორექტირება იმ დონეზე, რაც დღეს გვაქვს.
სრულად
27.07.2016
ეროვნული ბანკის პრეზიდენტის, კობა გვენეტაძის განცხადებით, დედოლარიზაციის პროცესი ახალი არ არის და ეს ეროვნულმა ბანკმა ჯერ კიდევ 2010 წელს დაიწყო.
სრულად
27.07.2016
ეროვნული ბანკის მიერ მონეტარული პოლიტიკის განაკვეთის 25 საბაზიო პუნქტით - 6,75%-მდე შემცირების შედეგად,  რეფინანსირების განაკვეთზე მიბმული სესხები 17 392 მსესხებელს შეუმცირდება.
სრულად
TOP
რეკომენდებული
მნიშვნელოვანი
ოფიციალური კურსი
კონვერტორი
ბირჟა
27.07.2016
28.07.2016
USD
1
USD
2.3450
2.3453
EUR
1
EUR
2.5816
2.5794
GBP
1
GBP
3.0788
3.0716
RUB
100
RUB
3.5517
3.5513