რეკლამის ნაცვლად ანონსები - ტელემაყურებელი ისევ უკმაყოფილოა
რეკლამის ნაცვლად ანონსები - ტელემაყურებელი ისევ უკმაყოფილოა
9 თებერვალი / 2016
კანონი, რომელიც მაყურებელს მომაბეზრებელი სარეკლამო-საანონსო "ჭრისგან" დაიცავდა, რეალურად მხოლოდ რეკლამის შემთხვევაში სრულდება.
ზოგიერთი გადაცემის მსვლელობისას ე. წ. "ჭრა" ხშირ შემთხვევაში 15 წუთს გრძელდება, რა დროსაც ძირითადად, თურქულ-ინდურ-რუსული სერიალების ანონსები გადის. მართალია, ამით ტელევიზიები კანონს არ არღვევენ, თუმცა რიგით მაყურებელს ეს დიდ დისკომფორტს უქმნის.

როგორც გაზეთი "რეზონანსი" წერს, სპეციალისტები ამბობენ, რომ ტელეკომპანიების ასეთი გადაწყვეტილებით ხშირ შემთხვევაში არა მარტო მომხმარებლების, არამედ რეკლამის დამკვეთების უფლებებიც ირღვევა, რადგან ეს ხელს უშლის სარეკლამო კამპანიის მიზნებით გათვალისწინებული შედეგების მიღწევას. "ამიტომ, საჭიროების შემთხვევაში, აუცილებელი გახდება, სახელმწიფომ სარეკლამო ჭრის ხანგრძლივობის თაობაზეც დამატებითი რეგულაცია დააწესოს", - განუცხადა "ბიზნეს-რეზონანსს" საზოგადოებრივი კომუნიკაციების მართვის სპეციალისტმა არჩილ გამზარდიამ.

"მაუწყებლობის შესახებ" კანონში შესული ცვლილებები 2015 წლის პირველ აპრილს ამოქმედდა. ახალი კანონით სარეკლამო და სასპონსორო მომსახურების წესები შეიცვალა. სასპონსორო მომსახურება საათში 4 წუთამდე შეიზღუდა (ახალი წესით, საინფორმაციო და საზოგადოებრივ-პოლიტიკური პროგრამების სპონსორობა აკრძალულია).

მანამდე არსებული რეგულაციით, რეკლამას მთლიანი სამაუწყებლო ბადის 20% ეჭირა, რაც დღე-ღამეში 4 საათი და 48 წუთი იყო, ახალი რეგულაციით კი სარეკლამო დრო საეთერო საათის 20%-ს არ უნდა აღემატებოდეს, რაც საათში 12-წუთიან შეზღუდვას აწესებს. რეგულაცია ე. წ. "პრაიმ ტაიმსაც" ეხება, სადაც რეკლამის განთავსება შედარებით მეტი ღირს.

აღსანიშნავია ისიც, რომ ამ პერიოდის განმავლობაში რეკლამის შესახებ კანონი 2-მა ტელეკომპანიამ დაარღვია. კომუნიკაციების ეროვნული კომისიის ინფორმაციით, კომისიამ სარეკლამო დროის ლიმიტის დარღვევის გამო ააიპ "სამოქალაქო განათლების ფონდი" (ბრენდული სახელწოდება "ტაბულა") წერილობით გააფრთხილა. მოგვიანებით კომისიამ ასეთივე გაფრთხილება "რუსთავი 2"-საც მისცა. კომისიაში აცხადებენ, რომ ორივე ტელეკომპანიამ გაფრთხილება რეკლამის განთავსების წესების დარღვევის გამო მიიღო.

ახალ კანონმდებლობას მაშინ სპეციალისტები დადებითად აფასებდნენ და მიაჩნდათ, რომ ამით, ერთი მხრივ, გაფართოვდებოდა რეკლამის განთავსების არეალი და მეორე მხრივ კი, სარეკლამო ჭრის პერიოდში გაშვებული რეკლამის აღქმა უფრო თვალსაჩინო და ეფექტური გახდებოდა. თუმცა ეს ასე არ მოხდა, რადგან ტელეკომპანიები ამა თუ იმ გადაცემის 13-15-წუთიანი სარეკლამო ჭრისას რეკლამას კანონით გათვალისწინებულ 3-4 წუთს უთმობენ, დანარჩენ დროს კი მათივე პროდუქციის ანონსი გადის. ამ დროს კი რეკლამის აღქმა, პრაქტიკულად, აღარ ხდება.

"სარეკლამო ჭრასთან სიახლეები დაკავშირებული იყო იმასთან, რომ მთელი ბაზარი არ ყოფილიყო მხოლოდ ორი ტელევიზიისათვის განკუთვნილი და მომხმარებლის უფლებებიც
You must have Flash Player installed in order to see this player.
ყოფილიყო დაცული. თუკი ტელეკომპანიები დაიწყებენ სხვადასხვა რანგით, ფორმატით თუ სახელდებით იმას, რომ სარეკლამო ჭრა "გაწელონ", ეს ცხადია, მომხმარებელზე უარყოფითად იმოქმედებს.

გარდა ამისა, ასეთი მიდგომა შელახავს რეკლამის დამკვეთთა უფლებებსაც, რადგან ზედმეტად ხანგრძლივ სარეკლამო ჭრაში რეკლამები კიდევ უფრო ნაკლებად აღქმადი გახდება. მაყურებელი გადართავს სხვა არხზე და სარეკლამო ჭრისას გადაცემის რეიტინგი იქნება ბევრად მცირე, ვიდრე თავად ის გადაცემა, რომლის რეიტინგის გამოც ჩადებულია მასში რეკლამა. ეს კი ხელს შეუშლის სარეკლამო კამპანიის მიზნებით გათვალისწინებული შედეგის მიღწევას. ამიტომ, საჭიროების შემთხვევაში აუცილებელი იქნება სახელმწიფომ სარეკლამო ჭრის ხანგრძლივობის თაობაზეც დამატებითი რეგულაცია დააწესოს", - განაცხადა არჩილ გამზარდიამ.

საგულისხმოა ისიც, რომ სარეკლამო კანონმდებლობაში შესატან ცვლილებებს იმთავითვე აკრიტიკებდნენ სამაუწყებლო კომპანიის წარმომადგენლები და აცხადებდნენ, რომ ახალი შეზღუდვა მათ ფინანსურ დამოუკიდებლობას დააკარგვინებდა. გარდა ამისა, კანონი სარეკლამო ბაზრის ცვლილებასაც გამოიწვევდა.

ტელევიზიის მფლობელთა შიში, ფაქტობრივად, გამართლდა. კომუნიკაციების ეროვნული კომისიის მიერ გამოქვეყნებული ანგარიშის მიხედვით, 2015 წლის მეოთხე კვარტალში სარეკლამო და სასპონსორო შემოსავალი თითქმის ყველა წამყვან ტელევიზიას შეუმცირდა.

2015 წლის მეოთხე კვარტალში ტელეკომპანია "რუსთავი 2"-ის მიერ მიღებულმა სარეკლამო შემოსავალმა 8 723 051 ლარი შეადგინა, რაც თითქმის 5 მილიონით ნაკლებია 2014 წლის ანალოგიურ პერიოდზე. მაშინ ტელეკომპანიამ რეკლამის სახით 13 536 969 ლარი მიიღო. რაც შეეხება სასპონსორო შემოსავალს, "რუსთავი 2"-ს თითქმის 100%-ით შეუმცირდა. თუ 2014 წლის მეოთხე კვარტალში ტელეკომპანიამ სპონსორობიდან 4 094 180 ლარი მიიღო, 2015 წლის მეოთხე კვარტალში ამ შემოსავალმა 8 475 ლარი შეადგინა.

სარეკლამო კანონმდებლობამ სარეკლამო შემოსავალი გაუზარდა ტელეკომპანია "იმედს". მარეგულირებელი კომისიის ინფორმაციით, 2014 წლის მეოთხე კვარტალში "იმედმა" რეკლამიდან მიიღო 5 666 432 ლარი, სასპონსორო შემოსავალმა კი შეადგინა 2 474 125 ლარი. 2015 წლის მეოთხე კვარტალში "იმედს" სასპონსორო შემოსავალი არ ჰქონია, თუმცა რეკლამიდან მიღებულმა თანხამ წინა წლის შემოსავალს გადააჭარბა. შარშან მეოთხე კვარტალში "იმედმა" რეკლამიდან 9 267 680 ლარი მიიღო.

2014 წელთან შედარებით სარეკლამო თანხა დაკარგა "კავკასიამ". კომუნიკაციების მარეგულირებელი კომისიის ანგარიშში ვნახულობთ, რომ 2015 წლის მეოთხე კვარტალში ტელეკომპანიის შემოსავალმა რეკლამიდან 102 869 ლარი შეადგინა, სასპონსორო შემოსავალმა კი 8 235 ლარი. რაც შეეხება 2014 წლის მეოთხე კვარტალს, მაშინ "კავკასიის" სარეკლამო შემოსავალი 203 224 ლარი იყო, სასპონსორო შემოსავალი კი არ ჰქონდა, ყოველ შემთხვევაში, ასეა აღნიშნული მარეგულირებელი კომისიის ვებ-გვერდზე.

მაუწყებლობის შესახებ კანონმდებლობამ "მაესტროც" დააზარალა. როგორც კომუნიკაციების ეროვნული სააგენტოს ანგარიშში აღნიშნულია, 2015 წლის მეოთხე კვარტალის მონაცემებით, "მაესტროს" სარეკლამო შემოსავალმა შეადგინა 1 225 177 ლარი, სასპონსორო შემოსავალმა კი 45 579 ლარი. 2014 წლის ანალოგიურ პერიოდში აღნიშნული მაუწყებლის სარეკლამო შემოსავალი იყო 3 287 448 ლარი, სასპონსორო კი 1 257 312 ლარი.

ელზა წიკლაური
გაზეთი "რეზონანსი"

კომენტარები (2)
09.02.2016
ეკონომისტი
აარჩილ გამზარდიას რომ კითხო, ყველაფერი სახელმწიფომ უნდა დაარეგულირეოს. ეგ კაცი ყოველთვის მაკვირვებდა თავისი უნიჭობით, და "საზოგადოებრივი კომუნიკაციების სპეციალისტი' (ეს საკმაოდ გაურკვეველი პროფესიის მქონე კაცი) რა არგუმენტებით ადასტურებს რომ სახელმწიფო შეზრუდვები გაზრდის მომხმარებლის სარგებლიანობას???? ნამუსიც კარგი საქონელია არჩილ. გეუბნებოდნენ რომ რეკლამასთან დაკავშირებით სისულელეს აკეთებთო, არ დაიჯერეთ და ხომ აგიხდათ?? ახლა გეუბრნებით დამატებით შეზღუდვებით უფრო დიდი სისულელეს და სირეგვენეს აკეთებთ, ახლა მაინც დაიჯერეთ!!!
09.02.2016
ნინო
მე ვფიქრობ, რომ ხელისფულებამ ერთხელ და სამუდამოდ უნდა დაანებოს ბიზნესს თავი ამ გაუმართლებელი რეგულაციებით, მითუმეტეს ტელევიზიებს რომელთა შემოსავალი ხელფასებსაც არ ჰყოფნის.. ვისაც აქვს პოლიტიკური ამბიციები ჰქონდეთ და თუ უნდათ ყველამ გააკეთოს თავთავიანთი ტელევიზიები რა პრობლემაა ხალხო..ჩვენ არჩევნებზე გადავწყვიტოთ ვის ვანდობთ ქვეყნის მართვის სადავეებს..
მსგავსი სიახლეები
2017 წელს გლობალურ სარეკლამო ბაზარზე რეკლამასა და მარკეტინგზე დანახარჯები 1 ტრილიონ დოლარს გადააჭარბებს.
დედაქალაქის მერის დავით ნარმანიას განცხადებით, თბილისში ხეების ჭრასთან დაკავშირებული გადაწყვეტილებების მიღების წესი გადაიხედება.
ბრიტანულმა გამოცემა Financial Times ბრენდებს რეკლამის ნახვის დროის მიხედვით გადახდას სთავაზობს და არა - ნახვების რაოდენობის მხრივ.
კომპანია Nike-მა კამპანიის „შეუზღუდავი“ ფარგლებში, ახალ რეკლამაში 86 წლის მონაზონი და ტრიატლონისტი მადონა ბადერი გადაიღო.
გამოცემა Digiday-მ რეკლამის წამყვანი კოპირაიტერის მარკ დაფის მიერ შედგენილი რეიტინგი გამოაქვეყნა, რომელშიც 2016 წლის პირველი კვარტლის ყველაზე ცუდ რეკლამებს წარმოადგენს.
პარტიებმა რომ რეკლამის ღირებულება წინასწარ გადაიხადონ საკმაოდ მძიმე ტვირთი შეიძლება იყოს მათთვის
პარტიებს შორის ყველაზე მეტი თანხა რეკლამაზე ამ დროისთვის პაატა ბურჭულაძის მოძრაობას „სახელმწიფო ხალხისთვის“ აქვს დახარჯული.
კომპანია IAB-ის ანგარიშის თანახმად, ევროპაში ინტერნეტ რეკლამზე დახარჯულმა თანხებმა პირველად გადაუსწრო სატელევიზიო რეკლამაზე დანახარჯებს.
ამერიკული მედიაჰოლდინგი NBC რიოს ოლიმპიური თამაშების ტრანსლირებისას რეკლამის გაშვების სანაცვლოდ 1,2 მილიარდ დოლარს მიიღებს, რაც ტელეკომპანიისთვის რეკორდული მაჩვენებელია.
აჭარის ტურიზმის დეპარტამენტი რეგიონში ტურისტების მოზიდვის მიზნით აგრძელებს პიარკამპანიის წარმოებას სამიზნე ქვეყნებში.
რუბრიკის სხვა სიახლეები
24.08.2016
სოფლის მეურნეობის მინისტრის მოადგილე იური ნოზაძე ინდოეთის მძიმე მრეწველობისა და სახელმწიფო საწარმოების სამინისტროს წარმომადგენლებს შეხვდა.
სრულად
24.08.2016
ერთი ამერიკული დოლარის ოფიციალური ღირებულება 2.2976 ლარი გახდა.
სრულად
24.08.2016
თსუ-ს მაღლივი კორპუსის მიმდებარე ტერიტორიაზე შიდსის ცენტრი აშენდება, - ამის შესახებ შიდსის ცენტრის ხელმძღვანელმა თენგიზ ცერცვაძემ ჟურნალისტებთან შეხვედრისას განაცხადა.
სრულად
24.08.2016
”საერთაშორისო გამჭვირვალობა-საქართველოში” მიიჩნევენ, რომ სახელმწიფო კომპანიის ხელმძღვანელად დეპუტატ სოსო ჯაჭვლიანის წარდგენა კორუფციის ნიშნებს შეიცავს.
სრულად
24.08.2016
„ერთიანი ნაციონალური მოძრაობის“ წარმომადგენელი ირაკლი აბესაძე პრემიერის გადაწყვეტილებას ეხმაურება, რომელიც სოსო ჯაჭვლიანის საზოგადოებისთვის ახალი პოზიციით წარდგენას შეეხება.
სრულად
TOP
რეკომენდებული
მნიშვნელოვანი
ოფიციალური კურსი
კონვერტორი
ბირჟა
24.08.2016
25.08.2016
USD
1
USD
2.2789
2.2976
EUR
1
EUR
2.5824
2.5915
GBP
1
GBP
3.0038
3.0418
RUB
100
RUB
3.5175
3.5471