კომერციულ ბანკებსა და ონლაინსაკრედიტოებს შორის კონკურენცია მძაფრდება?
კომერციულ ბანკებსა და ონლაინსაკრედიტოებს შორის კონკურენცია მძაფრდება?
11 თებერვალი / 2016
ონლაინსაკრედიტო ორგანიზაციები ქართულ ბაზარზე პირველად 2013 წელს გამოჩნდნენ და მას შემდეგ საუბრები მათ მიერ მიღებულ ყოველწლიურ კოლოსალურ მოგებებზე არ წყდება.
ბოლო პერიოდში მცირე მოცულობის ექსპრეს სესხების გაცემის სეგმენტში ბანკების ნაწილიც შევიდა. მართალია, ექსპერტთა მოსაზრებით, ბანკები და ონლაინსაკრედიტო ორგანიზაციები სხვადასხვა პლატფორმაზე "იბრძვიან“, მაგრამ ფაქტია, რომ მოკლევადიანი და სწრაფი სესხების ეფექტურობა ბანკებსაც არ დარჩენიათ ყურადღების მიღმა.
მომხმარებლებს ე.წ. ექპრეს-სესხებს კომერციული ბანკები სულ უფრო აქტიურად სთავაზობენ. 2015 წლის ნოემბერ-დეკემბრის მონაცემებით, ბანკების მიერ ეროვნულ ვალუტაში გაცემულია 2 281 554 რაოდენობის 1000 ლარამდე სესხი.
1 წუთში, მხოლოდ პირადობის მოწმობის საფუძველზე 300 ლარამდე სესხს გასცემს "ლიბერთი ბანკი". ლიბერთი ექსპრეს სესხის აღება მომხმარებელს როგორც ბანკში, ასევე ონლაინ ან დისტანციური არხების გამოყენებით შეუძლია. ექსპრეს სესხს მაქსიმალური, 700 ლარის ოდენობით გასცემს "საქართველოს ბანკიც“.
ექსპერტი ეკონომიკის საკითხებში ვაჟა კაპანაძე მიიჩნევს, რომ კონკურენცია კომერციულ ბანკებსა და ონლაინსაკრედიტო ორგანიზაციებს შორის ამ უკანასკნელს დააზარალებს. ექსპერტი არ გამორიცხავს, რომ ონლაინსაკრედიტოები კიდევ უფრო ეფექტური ხერხების გამოყენებით ეცდებიან სამომხმარებლო სეგმენტის შენარჩუნებას, რაც მათ საბოლოოდ გარკვეულ მაქინაციურ სქემამდე მიიყვანს.
"ონლაინ საკრედიტო ორგანიზაციები გაღარიბებულ მოსახლეობას ნერვზე შეეხნენ. მათ დაიმკვიდრეს ნიშა, რომელიც ბანკებს აუთვისებელი ჰქონდათ. მცირე და საშუალო ოპერატიული სესხებისთვის კომერციული ბანკები მოუქნელები იყვნენ, მაგრამ დარწმუნებული ვარ, ისინი თანდათან მოახერხებენ ადაპტირებას“, - აცხადებს ვაჟა კაპანაძე.
არასამთავრობო ორგანიზაცია ,,საზოგადოება და ბანკების“ ხელმძღვანელის გიორგი კეპულაძის განცხადებით, საქართველოში მცირე და მოკლევადიან სესხებზე ძალიან დიდი მოთხოვნაა და ონლაინსაკრედიტო ორგანიზაციების მიერ გაცემული სესხების ასეულათასობით ჩანაწერი ყოველწლიურად ჩნდება კრედიტინფოში.
გიორგი კეპულაძის თქმით, გაზრდილი მოთხოვნა შეუმჩნეველი არც ბანკებს დარჩენიათ და სწორედ ამიტომ, მათაც დაიწყეს ექსპრეს სესხების შეთავაზება თავიანთი მომხმარებლისთვის. თუმცა ,,საზოგადოება და ბანკების“ ხელმძღვანელი მიიჩნევს, რომ ონლაინსაკრედიტო კომპანიების ბანკების კონკურენტად განხილვა არ არის მართებული, რადგან ონლაინსაკრედიტო ორგანიზაციებს გაცილებით ნაკლები შესაძლებლობები, კაპიტალი და პორტფელი აქვთ.
"ბანკების მთავარი შემოსავალი, რა თქმა უნდა, არ არის მცირე ტიპის სესხები. ბანკების შემთხვევაში საქმე გვაქვს მცირე, არაუზრუნველყოფილ სესხებთან. ეს არ არის პირდაპირი გაგებით ონლაინ სესხები. იმ სეგმენტზე, რაზეც დღესდღეობით მუშაობენ ონლაინსესხების კომპანიები, თანდათან ბანკებიც შედიან, თუმცა მთავარი განსხვავება მათ შორის არის ის, რომ ბანკები არ გასცემენ მცირე სესხსაც კი, თუ საკრედიტო ისტორიაში მომხმარებელს ნეგატიური ჩანაწერი აქვს. ონლაინსაკრედიტო ორგანიზაციები კი პირიქით, სესხებს იმ სეგმენტზე გასცემენ, რომელთა გადახდისუნარიანობაც საკმაოდ დიდი კითხვის ნიშნის ქვეშ დგას. რეალურად ონლაინსესხს ირჩევს ის, ვისაც ბანკი სესხს არ აძლევს. გადახდის გამო პრობლემები ონლაინ კომპანიებთან გაციელებით უფრო ბევრ ადამიანს ექმნება, ვიდრე ბანკებთან“, - აცხადებს კეპულაძე.
ექსპერტი საბანკო საკითხებში ლია ელიავა კი მიიჩნევს, რომ ონლაინ გამსესხებლებსა და კომერციულ ბანკებს შორის კონკურენციის დონე ნულოვანია.
"მათ შორის კონკურენცია არ არსებობს, ისინი სხვადასხვა სიბრტყეში საქმიანობენ, ონლაინ საკრედიტო ორგანიზაციები იმ კატეგორიასთან თანამშრომლობენ, რომელთაც ბანკთან არ მიესვლებათ, სეგმენტთან, რომელსაც არ გააჩნია მუდმივი შემოსავალი.“
კომერციული ბანკების საქმიანობაში მიკრონული სესხის გაცემის ტენდენციას ლია ელიავა ორ ძირითად ფაქტორს, მოსახლეობის გაღარიბების ტენდენციასა და კომერციული ბანკების მხრიდან გრძელვადიანი სესხების გაცემის შეზღუდვას უკავშირებს.

ქრისტინე გამთენაძე
კომენტარები (14)
13.02.2016
პაატა
რა გარანტია, ან რა მექანიზმები აქვთ ანხის ამოღების,ავსებ ონლაინ განაცხადს პირადობის მოწმობის საფუძველზე,და გირიცხავენ ბარათზე ფულს,
12.02.2016
ჯუმბერა
თქვე ჩემისებო ადამიანს რომ უჭირს იმიტომ იღებს სესხს, რა კაზინო და.. აბა დასაქმებული იყოს ხალხი და შემოსავალი ქონდეს, რომელი ერთი აიღებს სესხს? მაგრამ როცა სახში ბავშვი მყავს ავად და არანაირი გასაქანი არ მაქვს, Bანკი კიდე თუ ჩემტან გერიცხება ხელფასიო( ხელფასი რომ მკონდეს და ბანკში მერიცხებოდეს) აქეტ დაგირეკავდა ცაიღე სესხიო, ასერომ როცა შვილის გადარჩენაზეა საქმე, სესხს კიარა სახლს გაყიდი ასერომ ტრაკი დააყენეთ რა
მსგავსი სიახლეები
”ჰანიველ პარტნერსის"  ხელმძღვანელი ირაკლი რუხაძე „ლიბერთი ბანკის“ საკონტროლო პაკეტის ყიდვას ადასტურებს და აღნიშნავს, რომ მიმდინარე მოლაპარაკებები ამ წლის ბოლომდე დასრულდება.
ეროვნული ბანკის მიერ გამოქვეყნებული ლარის ოფიციალური გაცვლითი კურსის მიხედვით, ეროვნული ვალუტა დოლართან მიმართებაში მცირედით გაუფასურდა.
2016 წლის პირველი ნოემბრიდან, საქართველოს მთელ ტერიტორიაზე მიმოქცევაში 100 ლარის ნომინალის განახლებული ბანკნოტები გამოვა და მიმოქცევაში ძველი ემისიების ბანკნოტებთან ერთად იქნება.
ეროვნული ბანკის მიერ გამოქვეყნებული ლარის ოფიციალური გაცვლითი კურსის მიხედვით, ეროვნული ვალუტა დოლართან მიმართებაში მცირედით გამყარდა.
საქართველოს ეროვნულმა ბანკმა დღეს გამართულ სავალუტო აუქციონზე 20 მილიონი აშშ დოლარი გაყიდა.
პირველი ვიცე-პრემიერი, ეკონომიკისა და მდგრადი განვითარების მინისტრი დიმიტრი ქუმსიშვილი ხვალ გაერთიანებულ სამეფოს ეწვევა.
სებ-ის მცდელობა დოლარიზაციის შემცირებასთან დაკავშირებით მოკლევადიანი აღმოჩნდა.
ეროვნული ბანკის მიერ გამოქვეყნებული ლარის ოფიციალური გაცვლითი კურსის მიხედვით, ეროვნული ვალუტა დოლართან მიმართებაში მცირედით გაუფასურდა.
თბილისში, ლესელიძის ქუჩაზე ვალუტის გადამცვლელი ჯიხურები ბოლო ხანებში მრავლად გამოჩნდა.
22-25 სექტემბერს ბათუმი წელს უკვე მეორედ უმასპინძლებს საერთაშორისო სარეკლამო ფესტივალს Ad Black Sea. პაშა ბანკი ფესტივალის სპეციალური პარტნიორია.
რუბრიკის სხვა სიახლეები
25.09.2016
ცნობილი ჰოლივუდელი მსახიობი ანჯელინა ჯოლი ბრედ პიტთან განშორების შემდეგ, ექვს შვილთან ერთად, მალიბუში მდებარე სახლში ცხოვრობს.
სრულად
25.09.2016
იტალიელმა ადვოკატმა ავიაკომპანია Emirates სასამართლოში უჩივლა.
სრულად
25.09.2016
25 სექტემბრის მონაცემებით, კახეთის რეგიონში 71,3 ათასი ტონა ყურძენი გადამუშავდა.
სრულად
25.09.2016
გამოკითხული ამერიკელების 28% საპრეზიდენტო არჩევნებში მხარს დაუჭერდა პლანეტის ყველაზე მდიდარ ადამიანს ბილ გეითსს, ეს უკანასკნელი კენჭს რომ იყრიდეს.
სრულად
25.09.2016
თბილისის მერიის პროექტ „ახალი ტფილისის“ ფარგლებში, დავით აღმაშენებლის გამზირზე, მარჯანიშვილის მოედნიდან - ზაარბრიუკენის მოედნამდე მონაკვეთში სრული რეაბილიტაცია განხორციელდა.
სრულად
TOP
რეკომენდებული
მნიშვნელოვანი
ოფიციალური კურსი
კონვერტორი
ბირჟა
25.09.2016
26.09.2016
USD
1
USD
2.3132
2.3132
EUR
1
EUR
2.5947
2.5947
GBP
1
GBP
3.0032
3.0032
RUB
100
RUB
3.6418
3.6418