"კავკასუსი" რეალურად, ერთი ჯიბიდან მეორეში გადავა
"კავკასუსი" რეალურად, ერთი ჯიბიდან მეორეში გადავა
11 მარტი / 2016
"ვიმპელკომი" "კავკასუსის" ვალდებულებების დაფარვას საწესდებო კაპიტალში შენატანით აპირებს. სწორედ ეს ახალი წინადადება დააყენა კომპანიამ კომუნიკაციების მარეგულირებელ კომისიის გუშინდელ სხდომაზე. როგორც გაზეთი "რეზონანსი" წერს, მარეგულირებელმა კი აქციონერებთან შეხვედრა და აღნიშნული საკითხის განხილვა მოითხოვა, რის შემდეგაც კომისიაში მორიგი ზეპირი მოსმენა გაიმართება. "კავკასუს-ბილაინის" შესაძლო შერწყმას მარეგულირებელი უკვე 25 მარტს განიხილავს.

უკვე რამდენიმე თვეა "კავკასუს-ონლაინის" გასხვისებასთან დაკავშირებით აჟიოტაჟი არ ცხრება. მას შემდეგ, რაც კომპანიის საცალო სეგმენტის ყიდვის სურვილი რუსულმა "მობიტელმა" ("ვიმპელკომი") გამოთქვა, პოლიტიკოსთა და ექსპერტთა ნაწილმა ეს ფაქტი გააკრიტიკა და ხელისუფლებას ქართულ ინტერნეტ-ბაზარზე რუსული კომპანიის შემოსვლის აღკვეთისკენ მოუწოდა. "კავკასუს-ონლაინსა" და "ვიმპელკომს" შორის კი მოლაპარაკება, პრაქტიკულად, დასრულებულია, გარიგებაც მალე შედგება.

"ვიმპელკომი", იგივე "მობიტელი" ქართული ფიჭური კავშირგაბმულობის ბაზარზე "ბილაინის" ბრენდით 2007 წლიდან ოპერირებს. კომპანიის ბაზარზე შემოსვლას წინა ხელისუფლების ინტერესებს უკავშირებდნენ. როგორც ორიოდე წლის წინ თავდაცვის ყოფილი მინისტრი ირაკლი ოქრუაშვილი აცხადებდა, მიხეილ სააკაშვილი ამ კომპანიაში 40%-იან წილს ფლობდა. ეს ინფორმაცია, მართალია, დღემდე დაუდასტურებელია, თუმცა "რეზონანსის" წყაროს ინფორმაციით, ხელისუფლების შეცვლის შემდეგ სააკაშვილი "ბილაინში" ამ წილს ისევ ინარჩუნებს.

"ეჭვი არ მეპარება, რომ ისეთი სიბინძურე ამოტივტივდება გარკვეული დროის შემდეგ, შეიძლება, თმები ყალყზე დაგვიდგეს. თუნდაც თანხებთან დაკავშირებით. არავისთვის არის უცხო და თუნდაც ბენდუქიძის ინტერვიუ გაიხსენეთ, სადაც ის ჩიოდა იმასთან დაკავშირებით, რომ "მაგთის" და "ჯეოსელს" სიხშირე ჩამოაჭრეს და კომპანია "ბილაინს" გადასცეს. ეს ყველაფერი მოხდა სააკაშვილის დავალებით, იმის სანაცვლოდ, რომ სააკაშვილმა "ბილაინში" 40% მიიღო", - ეს განცხადება ორიოდე წლის წინ ირაკლი ოქრაშვილმა "იმედის" გადაცემა "ღია ეთერში" გააკეთა.

რაც შეეხება "კავკასუს ონლაინს", კომპანია მამია სანადირაძემ დააფუძნა, თუმცა მას წინა ხელისუფლებამ კომპანია "წაართვა". ხელისუფლების შეცვლის შემდეგ სანადირაძემ "ოცნების" დაპირებული "სამართლიანობის" აღდგენის დაიჯერა და "კავკასუსის" დაბრუნებისთვის ბრძოლა დაიწყო, თუმცა "ნაციონალების" მმართველობის წართმეული ქონება სანადირაძეს არავინ დაუბრუნა. მეტიც, როგორც მან "რეზონანსს" რამდენიმე დღის წინ განუცხადა, პროკურატურამ მისი საქმე პრაქტიკულად, "თაროზე შემოდო".

"თუ გავითვალისწინებთ იმას, რომ "კავკასუს ონლაინის" მფლობელები "ნაციონალების" ხელდასმულები არიან, "ბილაინის" 40%-იანი წილი კი სააკაშვილს ეკუთვნის, გამოდის, რომ "ვიმპელკომის" მიერ "კავკასუსის" შეძენით ფული ერთი ჯიბიდან მეორეში გადავა. აქ, პრაქტიკულად, ახალი არაფერი ხდება, მხოლოდ ის, რომ "ნაციონალური" ბიზნესი ერთიანდება", - უთხრა "რეზონანსს" წყარომ.

რა გადაწყვეტილებას მიიღებს ჯერ მარეგულირებელი კომისია და შემდგომ კი "კავკასუსი" და "მობიტელი", ეს უახლოეს პერიოდში გაირკვევა. კომუნიკაციების მარეგულირებელ კომისიაში აღნიშნულ საკითხთან დაკავშირებით ზეპირი მოსმენა 25 მარტს გაიმართება. ამასობაში კი კომპანიებს შორის შეთანხმება უკვე შედგა და ოფიციალურ გარიგებასაც ხელი მალე მოეწერება.

გუშინდელ სხდომაზე კი, როგორც კომუნიკაციების მარეგულირებელ კომისიაში განაცხადეს, "ბილაინმა" განაცხადა, რომ "კავკასუს ონლაინის" ვალდებულებებს საწესდებო კაპიტალში შენატანებით დაფარავს და ასევე შეიძენს კომპანიასაც.

"კომისიამ კომპანიას აქციონერების თანხმობა მოსთხოვა, რადგან გაარკვიოს, არიან თუ არა ისინიც თანახმანი, რომ კაპიტალური შენატანი განახორციელონ. საჯარო მოსმენამდე კომპანიასთან რამდენიმე შეხვედრა გაიმართება, სადაც კომპანიასთან ერთად მარეგულირებელი კომისია ამ დეტალებს განიხილავს. ამ განხილვების შემდეგ კი გაიმართება ზეპირი მოსმენა 25 მარტს", - განუცხადეს "რეზონანსს" კომუნიკაციების მარეგულირებელ კომისიაში.

ამ დროისთვის "ბილაინის" აბონენტთა რაოდენობა 1 205 201-ს შეადგენს, რაც მთლიანი აბონენტების დაახლოებით 25%-ია. იმ შემთხვევშაი, თუ "კავკასუსის" საცალო სეგმენტის მფლობელიც ის გახდა, რუსული "მობიტელი" საქართველოს ინტერნეტ და სატელეკომუნიკაციო ბაზრის საკმაოდ დიდ ნაწილს გააკონტროლებს. "ვიმპელკომი" გახდება ინტერნეტის 32,4%-ის, მაუწყებლობის ტრანზიტის - 14%-ის და ფიქსირებული კავშირგაბმულობის 0,4%-ის მფლობელი. ეს კი, ფაქტობრივად, იმას ნიშნავს, რომ რუსები საქართველოში კიდევ ერთ სტრატეგიულ ბიზნესს ჩაიგდებენ ხელში.

კომუნიკაციების მარეგულირებელი ეროვნული კომისიის ოფიციალური მონაცემებით, დღეს "კავკასუსის" ინტერნეტ-მომხმარებელთა რაოდენობა 158 146 აბონენტს შეადგენს, რაც მთლიანი აბონენტების 32,4%-ია. სამაუწყებლო სივრცეში "კავკასუს ონლაინის" წილი დაახლოებით 13,8%-ია, ანუ "კავკასუსის" ტელევიზიით 53 361 აბონენტი სარგებლობს, მთლიანად ინტერნეტ-ტელევიზიას 384 268 აბონენტი ჰყავს.

ელზა წიკლაური
გაზეთი "რეზონანსი"

You must have Flash Player installed in order to see this player.
კომენტარები (2)
11.03.2016
მერა
კავკასუსი მიშიკოს მიერ ხელდასმული ხვიჩა მაქაცარიას საკუთრებაა,რომელიც საქართველოში ჩამოსვლამდე მოსკოვში ცხოვრობდა და მოღვაწეობდა.სწორედ მისი ჩამოყვანილია ბილაინიც და მისი შუამდგომლობით დათანხმდა მიშა ბილაინის შემოსვლაზე,თან რა თქმა უნდა წილიც მიიღო.რუსული ფულით იყიდა მაქაცარიამ საქართველოში ბიზნესები მიშას ხელშეწყობით და ეხლა ყველანაირად ცდილობს ეს სტრატეგიული დარგი რუსებს ჩააგდებინოს ხელში.ძირითადად რუსულ ფულში ბანაობდა მიშიკო,სხვას კი ამისთვის აკრიტიკებდა.
11.03.2016
გივი
1. ამ დროისთვის "ბილაინის" აბონენტთა რაოდენობა 1 205 201-ს შეადგენს, რაც მთლიანი აბონენტების დაახლოებით 25%-ია. იმ შემთხვევშაი, თუ "კავკასუსის" საცალო სეგმენტის მფლობელიც ის გახდა, რუსული "მობიტელი" საქართველოს ინტერნეტ და სატელეკომუნიკაციო ბაზრის საკმაოდ დიდ ნაწილს გააკონტროლებს. "ვიმპელკომი" გახდება ინტერნეტის 32,4%-ის, მაუწყებლობის ტრანზიტის - 14%-ის და ფიქსირებული კავშირგაბმულობის 0,4%-ის მფლობელი. ეს კი, ფაქტობრივად, იმას ნიშნავს, რომ რუსები საქართველოში კიდევ ერთ სტრატეგიულ ბიზნესს ჩაიგდებენ ხელში. 2. "კავკასუსი" რეალურად, ერთი ჯიბიდან მეორეში გადავა დასკვნა რუსებს ეს ბიზნესი უკვე ჩაგგდებული აქვთ ხელში და ჯიბეშიც უდევთ (ახლა არ იგდებენ).
მსგავსი სიახლეები
საქართველოს კომუნიკაციების ეროვნულმა კომისიამ დააკმაყოფილა შპს „კავკასუს ონლაინის“ და შპს „მაგთიკომის“ ერთობლივი მოთხოვნა შპს „კავკასუს ონლაინის“ მფლობელობაში არსებული ნუმერაციის რესურსით სარგებლობის ნებართვების შპს „მაგთიკომის“ სასარგებლოდ დათმობის შესახებ.
საქართველოს კომუნიკაციების ეროვნულმა კომისიამ მაუწყებლობის ტრანზიტზე ავტორიზებული პირები შპს „ჯეო-ტივი“, შპს „ალიანსი ტი-ვი“ და შპს „TV ERA“ გარკვეული სამაუწყებლო არხების შესაბამისი ნებართვისა და ლიცენზიის გარეშე გადაცემის გამო წერილობით გააფრთხილა.
კომუნიკაციების ეროვნულმა კომისიამ „ჯეოსელი“ გააფრთხილა.
საქართველოს ენერგეტიკისა და წყალმომარაგების მარეგულირებელმა ეროვნულმა კომისიამ მიმდინარე კვირაში გამართულ საჯარო სხდომებზე მოქალაქეებს 124 779.5 ლარი ჩამოაწერა.
სახელმწიფო შესყიდვების სააგენტო სახელმწიფო შესყიდვების სფეროში არსებული დარღვევების გამოვლენის მიზნით განხორციელებული მონიტორინგის შედეგებს აქვეყნებს.
საგზაო უსაფრთხოების გრძელვადიანი სამოქმედო გეგმის შემუშავების მიზნით უწყებათაშორისი კომისია შეიქმნება.
თბილისის მუნიციპალიტეტის საკრებულოში ადამიანის უფლებათა დაცვისა და სამოქალაქო ინტეგრაციის კომისიის სხდომა გაიმართა.
საქართველოს კომუნიკაციების ეროვნული კომისიის გადაწყვეტილებით, რადიოსიხშირული სპექტრით სარგებლობის ლიცენზიის მისაღებად აუქციონი გამოცხადდა.
ბოლო დროს თვალშისაცემად გაძვირებული მობილურის კავშირგაბმულობის ტარიფები, შესაძლოა, შემცირდეს.
თბილისის საკრებულოს თავმჯდომარე გიორგი ალიბეგაშვილი ბაგა-ბაღების გათავისუფლებულ დირექტორებს შეხვდა.
რუბრიკის სხვა სიახლეები
25.08.2016
შპს “რუსთველი ფროფერთი”, Hyatt Regency Tbilisi-სთან დაკავშირებით, “საერთაშორისო გამჭვირვალობა-საქართველოს” მიერ გავრცელებულ ინფორმაციას უარყოფს და მზადყოფნას გამოთქვამს, ყველა დასმულ კითხვაზე პასუხი გასცეს.
სრულად
25.08.2016
სებ-ი ეროვნული ბანკის სავალუტო აუქციონის შედეგის შესახებ ინფორმაციას აქვეყნებს.
სრულად
25.08.2016
აჭარის ტურიზმის დეპარტამენტმა უცხოელ ვიზიტორთა კვლევის მესამე ეტაპის შედეგები გამოაქვეყნა.
სრულად
25.08.2016
ერთი ამერიკული დოლარის ოფიციალური ღირებულება 2.2857 ლარი გახდა.
სრულად
25.08.2016
საბაჟო გამშვებ პუნქტში ’’სადახლო-საავტომობილო’’, მებაჟე ოფიცრებმა, ეჭვის საფუძველზე, სომხეთიდან შემოსული საქართველოს მოქალაქის მართვის ქვეშ არსებული ავტომობილის დათვალიერების შედეგად, ძრავის განყოფილებაში და სავარძლების ქვეშ არადეკლარირებული პარფიუმერული ნაწარმი (28 კგ) აღმოაჩინეს.
სრულად
TOP
რეკომენდებული
მნიშვნელოვანი
ოფიციალური კურსი
კონვერტორი
ბირჟა
25.08.2016
26.08.2016
USD
1
USD
2.2976
2.2857
EUR
1
EUR
2.5915
2.5817
GBP
1
GBP
3.0418
3.0228
RUB
100
RUB
3.5471
3.5239