არასამთავრობო ორგანიზაცია „საზოგადოება და ბანკებმა“ კრედიტორების მიერ დასაკუთრებული უძრავი ქონების შესახებ არსებული მონაცემები წარმოადგინა.
2015 წელს აღსრულების ეროვნული ბიუროს მიერ 1410 სხვადასხვა სახის უძრავი ქონება იყო რეალიზებული. აქედან 387 (27.4%) კომერციულ ბანკებზე მოდიოდა. 225 შემთხვევაში კრედიტორი მიკროსაფინანსო ორგანიზაცია იყო, აღნიშნული მონაცემი საერთო რაოდენობის 16%-ს უდრის. უმრავლეს შემთხვევაში კი კრედიტორებს მევახშეები წარმოადგენენ, მთლიანი რაოდენობის 51.1% ანუ 720 ერთეული სწორედ მათზე მოდიოდა. სხვა იურიდიულ პირებზე კი 78 (5,5%) რეალიზებული უძრავი ქონება ფიქსირდებოდა.
კვლევის შედეგად გამოკვეთილი პრობლემების მოსაგვარებლად არასამთავრობო ორგანიზაცია სხვადასხვა სახის რეკომენდაციას იძლევა.
,,საზოგადოება და ბანკები” მიიჩნევს, რომ აუცილებელია: საზოგადოებაში ფინანსური განათლების დონის ამაღლება; რისკების მართვის გაუმჯობესება და სესხის გაცემის პარამეტრების სრულყოფა; ქვეყანაში აქტივების მართვის კომპანიების სრულყოფა; კერძო მევახშეების სეგმენტის სააღრიცხვო სისტემის ჩამოყალიბება; რესტრუქტურიზაციის პირობების გაუმჯობესება; ფინანსური კანონმდებლობის გამარტივება და მომხმარებლის ინტერესებზე მაქსიმალურად მორგება; ქვეყანაში არსებული ეკონომიკური მდგომარეობის (მაღალი ეკონომიკური ზრდის მიღწევა) გაუმჯობესება.
აღსანიშნავია, რომ 2011 წლიდან 2015 წლის ჩათვლით, სსიპ „აღსრულების ეროვნული ბიუროს“ მიერ სულ 9378 უძრავი ქონებაა რეალიზებული.
იხილეთ ვიდეო PALITRANEWS-ზე