ახალი ბანკნოტები ადვილად ყალბდება?!
ახალი ბანკნოტები ადვილად ყალბდება?!
30 მარტი / 2016
ლარის ახალი ბანკნოტები მიმოქცევაში გამოსვლისთანავე გააყალბეს. ყალბი 20 და 50-ლარიანები აღმოაჩინეს კახეთში, გურიასა და თბილისში. "რეზონანსი" დაინტერესდა, რამდენად დაცულია ახალი კუპიურები. ეროვნულ ბანკში ამტკიცებენ, რომ გამოყენებულია დაცვის უახლესი საერთაშორისო სტანდარტები. შინაგან საქმეთა სამინისტროში კი აცხადებენ, რომ გამოძიება მიმდინარეობს და დეტალები მოგვიანებით გახდება ცნობილი.

თბილისელი ფარმაცევტი ლანა ხაბაძე ამბობს, ყალბი 20-ლარიანი დაახლოებით ორი კვირის წინ შეატყუეს. რამდენადაც აფთიაქში ბევრი ხალხი იყო, ამიტომ კუპიურას ყურადღება არ მიაქცია.

"მომხმარებელი შემოვიდა და იყიდა წამალი. 20-ლარიანი მომცა, ხურდა დავუბრუნე, ბევრ ადამიანს ვემსახურებოდი და ამ ფულისთვის ყურადღება არ მიმიქცევია. მოგვიანებით ფულს ვახარისხებდი და მაშინვე მივხვდი, რომ ერთი 20-ლარიანი ყალბი იყო. იმდენად უხარისხო ქაღალდი იყო, ხელის მოსმითაც ეტყობოდა", - ამბობს ლანა ხაბაძე.

ცოტა ხნის წინ, თელავის რაიონულმა სასამართლომ ყალბი ფულის გასაღების ბრალდებით რამდენიმე პირი დააკავა. ამავე პერიოდში, შინაგან საქმეთა სამინისტროს გურიის პოლიციის დეპარტამენტის თანამშრომლებმა ორი პირი ყალბი ფულის დამზადება-გასაღების ბრალდებით დააკავეს. ამოღებული კუპიურების ოდენობამ, საერთო ჯამში, 1040 ლარი შეადგინა.

"რეზონანსს" შსს-ს გურიის წარმომადგენლობაში განუცხადეს, რომ ბრალდებულებმა ყალბი კუპიურები თბილისში, საკუთარ საცხოვრებელ სახლებში ლაზერით აღჭურვილი, უცხოური წარმოების სპეციალური აპარატით დაამზადეს. შემდეგ ჩოხატაურის აგრარულ ბაზარში 2 ტომარა თხილი შეიძინეს და საფასური ყალბი ფულით გადაიხადეს.

ამ ფაქტების შემდეგ ვრცელდება სხვადასხვა ინფორმაცია, რომ ახალი ბანკნოტები კლიშეს (საბეჭდი ფორმა, იყენებენ საილუსტრაციო ორიგინალების მაღალი ბეჭდვის ხერხით აღწარმოებისათვის) მეთოდით არ არის დამზადებული და იგი სპეციალური პროგრამით შეიქმნა. ამიტომ ბანკნოტების გაყალბება მარტივია. ეროვნულ ბანკში ამ ინფორმაციას აბსურდულს უწოდებენ და აღნიშნავენ, რომ ფული კომპიუტერული პროგრამებით არ მზადდება. არსებობს კლიშე, რომელიც სპეციალურად დაცულ ადგილას ინახება.

ახალი ეკონომიკური სკოლის პრეზიდენტ პაატა შეშელიძის განცხადებით, ფაქტია ის, რომ ახალი ბანკნოტების მიმოქცევაში გამოსვლისთანავე ფალსიფიცირება მოხდა და თუკი ფულის დაცვის თვალსაზრისით სათანადო ზომები არ არის მიღებული, ამაზე პასუხისმგებელი არის ეროვნული ბანკი.

საკითხი დგას ასე: გამოუშვეს ახალი ბანკნოტები, ეს იყო ძალიან ფარული პროცესი. წესით, უკანასკნელი გამომცდელი უნდა ყოფილიყო გამოყენებული, თუმცა აღმოჩნდა, რომ მისი დაბეჭდვა შეიძლება. ეს, ცოტა არ იყოს, ჩემში ეჭვს ბადებს. ეროვნული ბანკი პასუხისმგებელია პროცესზე. მათ უნდა მიეღოთ ზომები და გაეთვალისწინებინათ, თუ რამდენად შესაძლებელი იქნებოდა ბანკნოტების ფალსიფიცირება", - ამბობს
You must have Flash Player installed in order to see this player.
პაატა შეშელიძე.

ეროვნული ბანკის საბჭოს ყოფილი წევრი მიხეილ თოქმაზიშვილი კი აღნიშნავს, რომ ახალი ბანკნოტები თანამედროვე სტანდარტებით არის გაკეთებული და მასზე საკმაოდ ბევრი დაცვის ელემენტია დატანილი. ამიტომ ახალი ფულის გაყალბება არც ისე მარტივია.

"ამას სჭირდება საკმაოდ მაღალი დონის ტექნოლოგიები. შესაბამისი სამსახურები საქმის კურსში უნდა იყვნენ, თუკი ასეთი ტექნოლოგიები შემოვიდა საქართველოში. შესაძლებელია ეს იყო ცუდი ხარისხის ყალბი ფული, მაგრამ მაინც მოტყუვდნენ ადამიანები. ამაში გამყალბებლის გარდა ვერავის დაადანაშაულებ", - ამბობს თოქმაზიშვილი.

რაც შეეხება ახალი ბანკნოტების დაცვის ხარისხს. ეროვნული ბანკის ინფორმაციით, ლარის განახლებულ ბანკნოტებზე გამოყენებულია საერთაშორისო სტანდარტების შესაბამისი თანამედროვე ტექნოლოგიები და დაცვის მექანიზმები. "თამამად შეიძლება ითქვას, რომ განახლებული ბანკნოტები საკმაოდ საიმედოდ არის დაცული", - ირწმუნებიან ეროვნულ ბანკში.

სებ-ში აღნიშნავენ, რომ ლარის განახლებულ ბანკნოტებზე დატანილია მოსახლეობისათვის განკუთვნილი დამცავი ნიშნები: წყლის ნიშანი, ვერტიკალური დამცავი ძაფი, ჰოლოგრამა, ფარული გამოსახულება, ხილული ბოჭკოები, თანმხვედრი გამოსახულება, რელიეფური ბეჭდვა, ნიშანი სუსტი მხედველობის ადამიანებისათვის, ოპტიკურად ცვალებადი საღებავი, ირისისებური დაცვა.

განახლებული ლარის სპეციალური ხელსაწყოების საშუალებით ამოსაცნობი დამცავი ნიშნებია: ფოსფორესცენციური და ფლუორესცენციური ნათებია, მაგნიტური სერიული ნომერი, ინფრაწითელი დაცვა, მაგნიტური ინტაგლიო, უხილავი დამცავი ბოჭკოები, მიკროსრიქონები. სებ-ში განმარტავენ, რომ თუკი ვინმე ლარის ბანკნოტს საეჭვოდ მიიჩნევს, მან უნდა მიმართოს ნებისმიერ კომერციულ ან ეროვნულ ბანკს.

მაკა ხარაზიშვილი
გაზეთი "რეზონანსი"

კომენტარები (11)
05.04.2016
ლუხო
ხომ არ ჩამოგვეყალიბებინა ლარის გაყალბის ფასიანი კურსები, ბიუჯეტში რაღაც თანხა შევიდოდა.
01.04.2016
Lasha
დამცავი ნიშნები, რომც არ შეამოწმო ისედაც მიხვდები, რომ ყალბია იმდენად უხარისხოა
მსგავსი სიახლეები
ერთი ამერიკული დოლარის ოფიციალური ღირებულება 2.3479 ლარი გახდა.
დიდი დიღომში ახალი მუნიციპალური ავტობუსებისთვის ავტობაზის მშენებლობა დაიწყო.
ფინანსთა მინისტრი ნოდარ ხადური ფიქრობს, რომ ამ პერიოდის განმავლობაშიც და მომავალშიც ლარი შეინარჩუნებს სტაბილურობას და გამყარების ტენდენციას.
ეროვნული ბანკის მიერ გამოქვეყნებული ლარის ოფიციალური გაცვლითი კურსის მიხედვით, ეროვნული ვალუტა დოლართან მიმართებაში მცირედით გაუფასურდა.
2030-ის ეკონომიკური ექსპერტი მიხეილ დუნდუა პოლიტიკური პარტიების მიერ პენსიის გაზრდის თემას "ფეისბუქის" საკუთარ გვერდზე ეხმაურება.
საპრეზიდენტო ფონდის დანიშნულება სწორედ ეს არის: ხელი შეუწყოს საგანმანათლებლო პროექტებს
მიუხედავად იმისა, რომ საქართველოში დაზღვევის სისტემა ბოლო წლებში საკმაოდ განვითარდა, ზოგიერთი სადაზღვევო კომპანია ცდილობს თავი აარიდოს დაკისრებულ მოვალეობებს.
ეროვნული ბანკის მიერ გამოქვეყნებული ლარის ოფიციალური გაცვლითი კურსის მიხედვით, ეროვნული ვალუტა დოლართან მიმართებაში მცირედით გაუფასურდა.
ეროვნული ბანკის პრეზიდენტის, კობა გვენეტაძის განცხადებით, დედოლარიზაციის პროცესი ახალი არ არის და ეს ეროვნულმა ბანკმა ჯერ კიდევ 2010 წელს დაიწყო.
მიმდინარე წლის ბოლოს, თბილისში ლილოს დასახლებაში ახალი, მინა-პლასტიკის საწარმო აშენდება.
რუბრიკის სხვა სიახლეები
29.07.2016
ერთი ამერიკული დოლარის ოფიციალური ღირებულება 2.3479 ლარი გახდა.
სრულად
29.07.2016
საქართველოში კაპიტალის მოზიდვის ერთ-ერთმა უმსხვილესმა საინვესტიციო ჯგუფმა ”ბიჯეო” 350 მილიონი აშშ დოლარის მოცულობის ობლიგაციები განათავსა.
სრულად
29.07.2016
შოტლანდიის ქალაქ ინვერურის ერთ-ერთ რესტორანში სადილობის შემდეგ კლიენტმა 100 ფუნტის ნაცვლად, შეცდომით 1 მილიონი ფუნტი გადარიცხა რესტორნის ანგარიშზე.
სრულად
29.07.2016
თბილისის საქალაქო სასამართლოში „ამხანაგობა 88“-ის ეპიზოდზე „ცენტრ-პოინტის“ საქმის განხილვა გაიმართა. დღევანდელ პროცესზე დაიკითხა ბრალდების მხარის ხუთი მოწმე.
სრულად
29.07.2016
დიდი დიღომში ახალი მუნიციპალური ავტობუსებისთვის ავტობაზის მშენებლობა დაიწყო.
სრულად
TOP
რეკომენდებული
მნიშვნელოვანი
ოფიციალური კურსი
კონვერტორი
ბირჟა
29.07.2016
30.07.2016
USD
1
USD
2.3460
2.3479
EUR
1
EUR
2.6008
2.6083
GBP
1
GBP
3.0885
3.0898
RUB
100
RUB
3.5353
3.5119