აშშ უკრაინას ერთ მილიარდ დოლარს გამოუყოფს

აშშ უკრაინას მორიგ ტრანშს გადასცემს. უკრაინის პრეზიდენტის პეტრო პოროშენკოს ოფიციალურ ვებგვერდზე გამოქვეყნებული ინფორმაციის თანახმად, კიევი ერთ მილიარდ აშშ დოლარს მიიღებს.

კიევისა და ვაშინგტონის თანამშრომლობის საკითხზე უკრაინის პრეზიდენტსა და აშშ-ის ვიცე-პრეზიდენტ ჯო ბაიდენს შორის სატელეფონო საუბარი შედგა.

„პრეზიდენტმა პოროშენკომ აღნიშნა, რომ ახალი ხელისუფლება რეფორმებს გააგრძელებს, აქტიურად ითანამშრომლებს საერთაშორისო სავალუტო ფონდთან და მინსკის შეთანხმებებს შეასრულებს“, - ნათქვამია ინფორმაციაში.