ერთიანი ეროვნული გამოცდები დასრულდა

ერთიანი ეროვნული გამოცდები დასრულდა. აბიტურიენტებმა ბოლო გამოცდა დღეს ფიზიკაში ჩააბარეს. ფიზიკის გამოცდაზე დარეგისტრირებული 600-ზე მეტი აბიტურიენტიდან გამოცდაზე 96%-ზე მეტი გამოცხადდა.

გამოცდების შედეგების გამოქვეყნება ივლისის ბოლოდან დაიწყება. თითოეული საგნის შედეგი გასწორების დასრულებისთანავე ეტაპობრივად განთავსდება ვებგვერდზე: online.nace.ge.

აბიტურიენტებს საშუალება აქვთ სააპელაციო განაცხადების მიღების დასრულებამდე შეცვალონ არჩეული საგანმანათლებლო პროგრამები (ფაკულტეტები), მათი რაოდენობა და თანმიმდევრობა.

ერთიან ეროვნულ გამოცდებზე წელს 38 500-ზე მეტი აბიტურიენტი იყო დარეგისტრირებული.