თევდორე მღვდლის ქუჩაზე განხორციელებულ სამუშაოებზე 107 022 ლარი დაიხარჯა
თევდორე მღვდლის ქუჩა N13-ში მცხოვრებ დევნილებს მალე გამართული წყალ-კანალიზაციის სისტემა ექნებათ
, - ამის შესახებ თბილისის მერიაში განაცხადეს. მათივე ინფორმაციით, დიდუბის რაიონის გამგეობის თანადაფინანსებული პროექტების პროგრამით განხორციელდა არსებული, დაზიანებული საკანალიზაციო ქსელის დემონტაჟი, რომელიც აღნიშნულ მისამართზე არასდროს შეცვლილა და მოსახლეობას წლების განმავლობაში პრობლემას უქმნიდა.
პროექტის მიხედვით, სრულად მოწესრიგდება წყალ-კანალიზაციის სისტემა, მოეწყობა საკანალიზაციო და სანიაღვრე ჭა, გაიწმინდება ცენტრალური ჭის მაგისტრალი და დამონტაჟდება ცენტრალური წყლის მილი.
მერიის ინფორმაციით, თანადაფინანსებული პროექტების განყოფილების მიერ, თევდორე მღვდლის N13-ში 1400 კვმ ფართობზე შეიცვალა დაზიანებული სახურავი, ხოლო საერთო სარგებლობის სადარბაზოებში შიდა სარემონტო სამუშაოები განხორციელდა.
თევდორე მღვდლის ქუჩა N13-ში განხორციელებული სამუშაოებისთვის დიდუბის რაიონის გამგეობის ბიუჯეტიდან 107 022 ლარი დაიხარჯა.