ახალ სეზონზე მსოფლიოს ბაზარზე შაქრის დეფიციტი შესაძლოა, გაიზარდოს.
შაქრის საერთაშორისო ორგანიზაციის (ISO) ანგარიშის თანახმად, ახალი სეზონიდან, რომელიც მიმდინარე წლის ოქტომბერსა და 2017 წელის სექტემბრის ჩათვლით პერიოდს მოიცავს, შაქრის წარმოება 1,31%-ით გაიზარდა. თუმცა, ამის პარალელურად 2,02%-ით გაიზრდება შაქარზე მოთხოვნა.
„იქიდან გამომდინარე, რომ შაქრის წარმოება ნელი ტემპებით გაიზრდება, ვიდრე მოთხოვნა პროდუქტზე, შაქრის ბაზარზე დეფიციტი 5,744 მილიონი ტონიდან 7,048 მილიონ ტონამდე გაიზრდება. მარაგები კი 8,43%-ით - 75,598 მილიონ ტონამდე შემცირდება“, - ნათქვამია ISO-ს ანგარიშში.
ორგანიზაციის პროგნოზით, მიმდინარე წელს შაქრის მსოფლიო ექსპორტი 3,23%-ით, 56,61 მილიონ ტონამდე, იმპორტზე მოთხოვნა კი 2,86%-ით შემცირდება.