ფინანსთა სამინისტრო საგადასახადო შემოსავლების 9 თვის მონაცემებს აქვეყნებს

2016 წლის ბიუჯეტის 9 თვის საგადასახადო შემოსავლების გეგმა გადაჭარბებით შესრულდა. 2016 წლის ნაერთი ბიუჯეტის იანვარ-სექტემბრის საგადასახადო შემოსავლები გეგმასთან მიმართებაში 140 მლნ ლარის გადაჭარბებით შესრულდა და ნომინალურ გამოსახულებაში 6 მილიარდ 475 მილიონი ლარი შეადგინა. ამის შესახებ „ინტერპრესნიუსს“ ფინანსთა სამინისტროდან აცნობეს. მათივე ინფორმაციით, მიმდინარე წლის 9 თვის შესრულების მაჩვენებელი 102,2%-ით განისაზღვრა. აღნიშნული მონაცემები 564,8 მლნ ლარით, 9,6%-ით აღემატება 2015 წლის ანალოგიურ მაჩვენებელს.