დიდ ბრიტანეთში რუსეთის სახელმწიფო არხის Russia Today-ს საბანკო ანგარიშები დაბლოკეს.
ინფორმაციას ამის შესახებ არხის მთავარი რედაქტორი მარგარიტა სიმონიანი ავრცელებს.
„დიდ ბრიტანეთში ჩვენი ყველა ანგარიში დახურეს. გადაწყვეტილება გასაჩივრებას არ ექვემდებარება. გაუმარჯოს სიტყვის თავისუფლებას!“, - დაწერა მარგარიტა სიმონიანმა „ტვიტერზე“.
უკრაინასა და სირიაში მიმდინარე კონფლიქტების არაობიექტურად გაშუქების გამო რამდენიმე ხნის წინ Russia Today-ს Ofcom-მა სანქციები დაუწესა.