მსოფლიოში ყველაზე „ბინძური“ ქვანახშირის ელექტროსადგურს დახურავენ

ფრანგული ენერგეტიკული კომპანია Engie ავსტრალიაში მოქმედ, ნახშირზე მომუშავე ელექტროსადგურს დახურავს.

აღნიშნული ელექტროსადგური გარემოსდამცველთა აზრით, გარემოს ყველაზე დამაბინძურებელი ქვანახშირზე მომუშავე თბოელექტროსადგურია მთელს მსოფლიოში. გამოცემა Les Echos-ის ინფორმაციით, ამ მიზნით ფრანგული კომპანია მილიარდ ევროს დახარჯავს.

გამოცემის ცნობით, სადგურის დახურვის შესახებ გადაწყვეტილება Engie-ს დირექტორთა საბჭომ მიიღო. ელექტროსადგური 2017 წლის გაზაფხულზე დაიხურება და მისი დემონტაჟი განხორციელდება.

სადგურის სიმძლავრე 1500-მეგავატია. სადგური ავსტრალიის ვიქტორიას შტატის 25%-ს უზრუნველყოფს ელექტროენერგიით. თბოელექტროსადგურში 1000 ადამიანია დასაქმებული.

2015 წლის მონაცემებით, კომპანია „ენჯი“ მსოფლიოს მასშტაბით მსგავსი ტიპის 28 თბოელექტროსადგურს ფლობს.

იხილეთ ვიდეო PALITRATV-ზე

კოკა კვირკველია