რა ღირს სიგარეტი ევროპის ქვეყნებში
2015 წლისათვის საქართველოში თამბაქოზე აქციზის გადასახადი კიდევ ერთხელ მოიმატებს.
თამბაქოს გაძვირებით სახელმწიფო მწეველთა რაოდენობის შემცირებას გეგმავს. თამბაქოზე აქციზის ეტაპობრივი ზრდა თამბაქოს კონტროლის შესახებ გაერო-ს ჩარჩო კონვენციის ერთ-ერთი რეკომენდაციაა.
ამ ეტაპზე არ დაზუსტებულა, თუ რა ოდენობით შეიძლება გაიზარდოს აქციზის გადასახადი და რა ფასი იქნება თამბაქოს პროდუქციაზე. ამ ყველაფერს უახლოეს მომავალში ფინანსთა სამინისტრო დათვლის.
აქციზის გადასახადის გაზრდის გამო, საქართველოში თამბაქოზე ფასი რამდენიმე თვის წინ ერთხელ უკვე გაიზარდა. Adami.ge დაინტერესდა, თუ რა ღირს თამბაქო ევროპის სხვადასხვა ქვეყანაში.
ევროპა, სიგარეტის ფასის მაჩვენებლით ორ ნაწილად შეიძლება დავყოთ. სამი ქვეყანა, სადაც სიგარეტი განსაკუთრებით ძვირია და დანარჩენი ევროპა, სადაც შედარებით იაფად არის შესაძლებელი თამბაქოს ყიდვა.