ნოდარ ხადური მსოფლიო ბანკის მისიას შეხვდა

საქართველოს ფინანსთა მინისტრი ნოდარ ხადური მსოფლიო ბანკის მისიას შეხვდა.

როგორც ფინანსთა სამინისტროში აცხადებენ, ნოდარ ხადური მსოფლიო ბანკის მისიას შეხვდა, რომელსაც ენერგეტიკის სექტორის მენეჯერი ევროპასა და ცენტრალურ აზიაში რანჯიტ ლამეში (Ranjit Lamech) ხელმძღვანელობს. შეხვედრაზე ქვეყნის ენერგოსექტორსა და ინფრასტრუქტურაში არსებული პროექტები და მათში მსოფლიო ბანკის შესაძლო მონაწილეობის პერსპექტივები განიხილეს.

როგორც ფინანსთა სამინისტროში აცხადებენ, მხარეები მზად არიან კომპლექსურად განიხილონ ყველა ის წინადადება, რომელიც ხელს შეუწყობს ქვეყნის ეკონომიკის ზრდას, ენერგოდამოუკიდებლობისა და საქართველოს სატრანზიტო ფუნქციის გაძლიერებას.