ვინ არის ყველაზე მდიდარი რუსი მსოფლიოში - მილიარდერთა უახლესი სია
რუსეთი მილიონერების რაოდენობით ერთ-ერთ წამყვან ადგილს იკავებს მსოფლიოში.
ცნობილია, რომ მილიონერ ქართველთა უმრავლესობამ საკუთარი კაპიტალის დაგროვება სწორედ რუსეთში მოახერხა. წარმოგიდგენთ მსოფლიოში ყველაზე მდიდარი რუსების რეიტინგს Forbes-ის 2015 წლის მონაცემების მიხედვით.
1. ვლადიმერ პოტანინი
ქონება: 15,4 მილიარდი დოლარი
1993 წელს პოტანინმა პარტნიორთან, მიხაილ პროხოროვთან ერთად შექმნა "ონექსიმბანკი", რომელიც ჰოლდინგ "ინტერროსის" მშენებლობის პლატფორმად იქცა. მილიარდერების ტანდემმა აგრეთვე მოიპოვა კონტროლი მეტალურგიულ გიგანტზე Норильский никель და ნავთობკომპანიაზე "სიდანკო". 2007 წელს მათ ბიზნესის გაყოფა გადაწყვიტეს.
2. მიხაილ ფრიდმანი
ქონება: 14,6 მილიარდი
ფრიდმანი რუსეთის ყველაზე მსხვილ კერძო საფინანსო კომპანიას - ”ალფა გრუპს” აკონტროლებს. 2013 წელს მან ნავთობკომპანია "როსნეფტის" 50%-იანი წილი გაყიდა 28 მილიარდ დოლარად.
3. ალიშერ უსმანოვი
ქონება: 14,4 მილიარდი დოლარი
უსმანოვმა რუსეთის ყველაზე მდიდარი ადამიანის ტიტული სამი წლის წინ დაკარგა, მაგრამ მაინც რჩება საკვანძო ფიგურად რუსეთის ეკონომიკაში. მის აქტივებში შედის მეტალურგიული გიგანტი "მეტალოინვესტი", რუსეთში სიმსხვილით მეორე მობილური ოპერატორი "მეგაფონი", ინტერნეტ ჰოლდინგი "მეილ.რუ" და საგამომცემლო სახლი "კომერსანტი".
4. ვიქტორ ვექსელბერგი
ქონება: 14,2 მილიარდი დოლარი
2013 წელს ბიზნესმენმა მიხაილ ფრიდმანთან და ლეონარდ ბლავატნიკთან ერთად გაყიდა "როსნეფტის" 50%-იანი წილი. ამ გარიგებიდან ვექსელბერგმა 7 მილიარდი დოლარის მოგება ნახა. ფულის ნახევარი მან შვეიცარულ მეტალურგიული კომპანიის "შმოლც + ბიკენბახის" აქციების 25%-ის შესასყიდად დახარჯა. მას აქვს ხელოვნების ნიმუშების დიდი კოლექცია, ფაბერჟეს 9 კვერცხი, რომელიც მილიარდერმა ას მილიონ დოლარად შეიძინა.
5. ალექსეი მორდაშოვი
ქონება: 13 მილიარდი დოლარი
2011 წელს მორდაშოვმა ამერიკაში ცნობილ მილიარდერ აირა რენერტს 1,2 მილიარდ დოლარად მიჰყიდა სამი ქარხანა. თუმცა, ამერიკაში დღემდე აქვს ორი ქარხანა მისისიპის და მიჩიგანის შტატებში. 2013 წელს ბიზნესმენმა პუტინთან დაახლოებულ პირთან, იური კოვალჩუკთან ერთად შეიძინა რუსეთში რიგით მეოთხე მობილური ოპერატორის "ტელე2"-ს აქციების 50%-იანი პაკეტი.
ამბები.გე