"ამ საქმისკენ 90-იან წლებში დაწყებულმა გაჭირვებამ მიბიძგა"
"ამ საქმისკენ 90-იან წლებში დაწყებულმა გაჭირვებამ მიბიძგა"
8 თებერვალი / 2016
"ოსტატობა შევარდნაძემ და იმდროინდელმა გაჭირვებამ მასწავლა - ახლა ხმლით ვარჩენ ოჯახს!"

"მხოლოდ ჯაჭვის პერანგი თვე-ნახევარი იქსოვება. თუ მეტი არა, პერანგს 15-20 ათასი რგოლი სჭირდება, ფარ-მუზარად-სამკლავურების დამზადებასაც დიდი დრო მიაქვს. მთლიანი კომპლექტის მომზადებას ერთი წელი მაინც უნდა"

საქართველოში ბრინჯაოს ხანიდან არაერთი სახეობის საომარი იარაღი მზადდებოდა (გორდა, სატევარი, დავითფერული, გველისპირული, ცხემლაიში, ხალიბური, ორლესული, სათუმახვილა, ჭოლაური, აფთი, ორპირი...), ბევრიც უცხოეთიდან შემოჰქონდათ (ხორასნული, ლეკური, ფრანგული, ბაზალა, ყამა, თილიყამყამი, ხანჯალი, ჯავარდენი...). დღეს ხმალ-ხანჯალი სცენურ სამშვენისადღა დარჩა, თითზე ჩამოსათვლელი გვყავს­ ხმლის ოსტატიც - თხუთმეტიოდე კაცი თუ იქნება. მათ შორის არის არბოშიკელი ზაზა ალადაშვილი, რომელიც მეხმლეც არის, ჯაჭვის პერანგებსაც ქსოვს და ფარებსაც აკეთებს.

ზაზა ალადაშვილის სახლში შესვლისთანავე თვალს ხვდება ოსტატის ხელით ნაშენი ბუხარი, ხის ცერაკიბე და დიდ კოჭებზე გაფიცრული ჭერი. კედლებს ხმალ-ხანჯლები და ჯაჭვის პერანგები ამშვენებს­. კოლექცია მართლაც შთამბეჭდავია - მის ხელს 500-მდე ხმალი და ამდენივე ხანჯალი გამოუჭედავს.

- ეს საქმე როგორ დაიწყეთ?
- ხელობით შემდუღებელი ვარ. 90-იან წლებში დაწყებულმა გაჭირვებამ მიბიძგა ამ საქმისკენ. თბილისის ბაზრობაზე­ ხმალი იყიდებოდა. ხელში დიდხანს ვატ­რიალე,
You must have Flash Player installed in order to see this player.
ყიდვა მინდოდა, მაგრამ ფული არ მქონდა. შინ დავბრუნდი და... ხმლის გამოჭედვა გადავწყვიტე. მას მერე სათქმელად მაქვს - ოსტატობა შევარდნაძემ და იმდროინდელმა გაჭირვებამ მასწავლა-მეთქი - ახლა ხმლით ვარჩენ ოჯახს!

- არ ველოდი ასეთ დიდ კოლექციას...

- ეს რუსული კაზაკური ხმალია, ეს არაბული პირები - შამირი, კახური პირებიც აგერ არის, თურქულიც ინებეთ...გამიკეთებია მონღოლური სატევარი, ქართული ხმლების შეკვეთებიც არაერთი მქონია, აი, ერეკლე მეფის ხმალი დაახლოებით ამგვარი იყო. ამბობენ, ერეკლეს ხმალი 16 კილოგრამს იწონიდაო, ეს ლეგენდაა, ხმალი 7 კილოგრამზე მეტი არ შეიძლება იყოს - სტანდარტს ვერ გადახვალ. მრავალგვარი შეკვეთა მაქვს. ვის სატევარი­ უნდა, ვის - კავკასიური ან ქართლური­ ხმალი. მომიტანენ ნახატს ან ფოტოსურათს - ასეთი გამიკეთეო. გერმანული სატევარიც შეუკვეთიათ. მე და ჩემი მეუღლე­ ჯერ ნახაზს ვადგენთ, ჩემი ვაჟიც მეხმარება. ამის შემდეგ ვიწყებ პირის გამოწრთობას.

ლალი მეხრიშვილი

წაიკითხეთ ვრცლად "კვირის პალიტრის" 8 თებერვლის ნომერში
ან გახდით გაზეთის ონლაინ-ვერსიის ხელმომწერი და წაიკითხეთ სტატია სრულად
კომენტარები (3)
09.02.2016
თენგო
ქართულ საქმეს აკეთებ. ღმერთმა დაგლოცოს და გახაროს! ნეტავ საქართველოს მოსახლეობის მცირე ნაწილი მაინც, შენსავით მსჯელობდნენ და მოშაობდნენ, მაშინ საქართველოს რაღა უჭირს...
08.02.2016
გივი
გაიხარე, ძმაო!
მსგავსი სიახლეები
კომპანია ,,აია ინტერტაიმენტი” ქუთაისის პარლამენტის მომიჯნავე ტერიტორიაზე არსებულ 75 ჰექტარ მიწის ნაკვეთზე მულტიფუნქციური კომპლექსის მშენებლობას გეგმავს.
დუშეთის რაიონში მცირე გრანტების კონკურსში გამარჯვებული ორი სახელოსნო იხსნება.
"მოზელილი თიხისგან სორსალას ვამზადებთ - თიხას მაგიდაზე მანამდე ვაგორებთ, სანამ იმ ფორმას მიიღებს, რომ ქვევრს მორიგი რკალი შემოვალესოთ"
"თავდაპირველად ნაკეთობები რომ ვნახე, გავოგნდი. მაშინვე მივხვდი, რომ იმ წუთიდან სხვა აღარაფერი მაინტერესებდა"
"რამდენიმე ჯგუფი პირდაპირ დაძრწის საქართველოს მთიანეთში... ჩვენ­ი ანტიკვარული იარაღიც საქართველოდან გაიტანეს და თურქეთში გაყიდეს!"
EBRD-ის ყოველწლიური შეხვედრისა და ბიზნეს ფორუმში მონაწილეობის მიღების მიზნით, თბილისს 60-ზე მეტი ქვეყნის დელეგაცია და 1500-მდე ბიზნესმენი ეწვევა.
რუბრიკის სხვა სიახლეები
29.06.2016
„არ არსებობს ბიზნესი, რომელსაც ერთი წარმატების წილ 30 წარუმატებლობა არ აქვს“.
სრულად
21.06.2016
ქეთი ბერიშვილი 27 წლის მეღვინეა. მისი ოჯახი წლებია, მეღვინეობით არის დაკავებული.
სრულად
16.06.2016
„მივხვდი, რომ ჩემს ქვეყანას ავღანეთსა და ერაყში ვეღარ გამოვადგებოდი. ამიტომ გადავწყვიტე, ხელი ყველაზე უფრო ქართული საქმისთვის მომეკიდა“.
სრულად
15.06.2016
ნიგერიელმა ქალმა, რომელმაც ლატარეაში შთამბეჭდავი თანხა მოიგო, ფული ჩეკის გადაცემიდან 1 საათში ქუჩის მაწანწალას გადასცა.
სრულად
14.06.2016
20 წლის გრაფიკული დიზაინერი სანდრო ლალიაშვილი კანის ლომების ფესტივალის კონკურსის გამარჯვებულია.
სრულად
TOP
რეკომენდებული
მნიშვნელოვანი
ოფიციალური კურსი
კონვერტორი
ბირჟა
01.07.2016
02.07.2016
USD
1
USD
2.3200
2.3093
EUR
1
EUR
2.5861
2.5661
GBP
1
GBP
3.1232
3.0737
RUB
100
RUB
3.6156
3.5989