სტუდენტი გოგონას წარმატებული ბიზნესი
სტუდენტი გოგონას წარმატებული ბიზნესი
9 მარტი / 2016
სოფელთან ურთიერთობის შენარჩუნების მოტივით დაწყებული სოკოს წარმოება - თელავში, სოფელ კურდღელაურში დაიწყო. იყო ჩავარდნებიც, წარუმატებლობებიც, მაგრამ დღეს სოკოს წარმოება ვითარდება და პროდუქცია ადგილობრივ ბაზარზე - თელავში იყიდება. ამ ყველაფრის სათავეში კი ილიას სახელმწიფო უნივერსიტეტის სტუდენტი, მელანო დადალაური დგას. როგორი იყო წარმოების დაწყების პირველი ცდები და რა სამომავლო გეგმები აქვს მელანო დადალაურს? - ამის შესახებ თავად ახალგაზრდა მეწარმე მოგვითხრობს.

პირველი ნაბიჯები: “დაახლოებით 2 წლის წინ დავიწყეთ სოკოს მოყვანა, იდეა მამას ეკუთვნოდა, რომელსაც სურვილი ჰქონდა, რომ შვილებს სოფელთან ურთიერთობა არ გაეწყვიტათ. მშობლები ყოველთვის გვერდით გვიდგანან და ეს ჩვენი წარმატების ფორმულაა. მოგეხსენებათ, ბევრი ახალგაზრდა ტოვებს სოფელს, ეს ლოგიკურიცაა, ისინი უკეთეს მომავალზე ფიქრობენ და ზრუნავენ თვითგანვითარებაზე, თუმცა სასურველია, შემდეგ ისინი სოფლებში თუ არ დაბრუნდებიან, მცირედი წვლილი მაინც შეიტანონ რეგიონულ განვითარებაში.

თავიდან სულ მცირე რაოდენობით დავიწყეთ სოკოს მოყვანა, რადგან გამოცდილება არ გვქონდა და ყველა არსებულ რისკს თავიდანვე ვერ გავთვლიდით. იყო ჩავარდნებიც, თუმცა დაუღალავი შრომისა და ბევრი ინფორმაციის მოპოვების წყალობით ნელ-ნელა ყველაფერი ავაწყეთ”.

საწყისი კაპიტალი: ”შენობა-ნაგებობა, რომელშიც სოკო მოგვყავს, ჩვენვე ავაშენეთ დიდი ხნის წინ, თუმცა მისი დანიშნულებისამებრ გამოყენება არ ხდებოდა. წლების შემდეგ მოხდა მისი ფუნქციის შეცვლა და შესაბამისად მოწყობა, რათა სოკოს წარმოებისთვის მაქსიმალურად ხელსაყრელი პირობები შეგვექმნა. საბრუნავი თანხა მოვიძიეთ და ხელსაწყოები ჩვენივე ხარჯებით შევიძინეთ. დაახლოებით 500 ლარზეა საუბარი, რომელიც საქმიანობის დასაწყებად გამოვიყენეთ”.

წარმოება და მისი მასშტაბები: ”სოკო თელავში, სოფელ კურდღელაურში მოგვყავს. ნამჯის დამუშავება ხდება სპეციალური მეთოდებით და შემდეგ მიცელიუმის დათესვა. ჯერ ინკუბატორში გამოგვყავს ტომრები, სიბნელეში და შემდეგ გამოსაყვან ოთახში გადაგვაქვს, სადაც უკვე 10-12 საათის განმავლობაში განათება ესაჭიროება. საჭიროა ტემპერატურისა და ტენიანობის დაბალანსება. ამ ეტაპზე დიდი რაოდენობით არ მოგვყავს, რადგან ტექნიკური დეტალების გაუმჯობესება მიმდინარეობს.

სოკოს მოსაყვანად აუცილებელია ოთხი ძირითადი ფაქტორის გათვალისწინება, ესენია: ტემპერატურა - 18-24 გრადუსი, ტენიანობა - 80-90%, განათება - 10-12 საათი და ჰაერის სწორი ცვლა.

სოკოს რეალიზება ადგილობრივ, თელავის ბაზარზე ხდება. ამ ეტაპზე წონით იყიდება. იყო დაფასოების იდეაც, მაგრამ მოსახლეობა ჯერ ამისთვის მზად არ არის. ისინი ფასის ცვლილების მიმართ სენსიტიურები არიან და
You must have Flash Player installed in order to see this player.
ურჩევნიათ უფრო იაფად იყიდონ წონით სოკო, ვიდრე მაღაზიაში დაფასოებული და, შესაბამისად, დამატებითი თანხა გადაიხადონ ამისთვის.”

კალმახა სოკოს ღირსებები და მცირე მეწარმის დამოკიდებულება პროდუქტთან: ”ბევრმა არ იცის, რომ კულტივირებული ხის სოკო (კალმახა) არის განსაკუთრებით უსაფრთხო, ბიოლოგიურად სუფთა პროდუქტი და იგი არ შეიცავს არანაირ შხამ-ქიმიკატებს.
საჭმელად ვარგისი სოკო საკმაოდ ნოყიერი და მდიდარია უჯრედისით, ცილებით, მინერალებითა და ვიტამინებით. დაახლოებით 2 000 სახეობას სამკურნალო თვისება აქვს. მედიცინაში სოკოს აქტიური გამოყენება აქვს. მას იყენებენ კიბოსთან, ჰეპატიტთან, შიდს-თან, ალცჰეიმერის დაავადებასთან საბრძოლველად და ქოლესტერინის დონის დასაწევად. მოსახლეობას არ აქვს ინფორმაცია, რომ ხის სოკო არეგულირებს შაქრიან დიაბეტს. რეგულარულად მისი საკვებად მიღება ადამიანს კიბოსგან იცავს. ცნობილია, რომ სოკო ხორცსაც ცვლის, რადგან ცილებით მდიდარია. კალმახა სოკო კარგია დიეტისთვისაც, მისი მონელების პროცესი დიდხანს გრძელდება და ადამიანს მალე არ შივდება. არის დაბალკალორიული პროდუქტი. იგი არის თუთიის მაღალი შემცველობის მქონე სოკო, რომელიც იმუნური სისტემის ნორმალური ფუნქციონირებისთვის აუცილებელია. კალმახა სოკო შეიცავს კალიუმს, რომელიც გულისა და თირკმელებისთვის აუცილებელი მიკროელემენტია.

სასიამოვნოა, როცა სასარგებლო და ბიოლოგიურად სუფთა პროდუქტი მომყავს, რომელიც აუცილებელია ადამიანების ჯანმრთელობისთვის და თან ეს ბიზნეს საქმიანობაცაა”

პერსპექტივა: ცოტა ხნის წინ მელანო დადალაური საერთაშორისო გლობალური გაერთიანების „ახალგაზრდა პროფესიონალები სოფლის მეურნეობის განვითარებისათვის“ YPARD წევრი გახდა. YPARD აერთიანებს ახალგაზრდა ფერმერებს, მკვლევარებს, პოლიტიკის შემუშავებაში ჩართულ პირებს, აგრომეწარმეებს და ა.შ. მსოფლიოს მაშტაბით.

”აღნიშნული გაერთიანების წარმომადგენლის დავით გოგილაშვილის ინიციატივით და თანადგომით, როგორც ამ გაერთიანების წევრი, ვიღებ მონაწილოებას საერთაშორისო ბიზნეს იდეების კონკურსში (YAP) the Youth Agripreneures Project. ეს პროექტი ინიცირებულია “Third Global Conference on Agricultural Research for Development“ (GCARD3) ფარგლებში, რომელიც ჩატარდება სამხრეთ აფრიკაში 2016 წლის 5-8 აპრილს და სადაც გამარჯვებული კანდიდატები იქნებიან მიწვეულნი. გამარჯვებულ მონაწილეებს გადაეცემათ 5 000 დოლარი საკუთარი ბიზნესის განვითარებისთვის. გამარჯვებული 15 მარტს გამოვლინდება”, - აღნიშნავს მელანო დადალაური და დასძენს, რომ ამ პროექტში მონაწილეობა მის ბიზნესსაქმიანობაზე მნიშვნელოვნად აისახება.

მელანო დადალაური აქტიურად ეწევა სოკოს პოპულარიზაციას, რაშიც სოცილურ ქსელ ”ფეისბუქის” გვერდი ეხმარება. Facebook.com/kalmaxasoko - ამ გვერდზე აქტიურად თავსდება სოკოსგან მომზადებული კერძების რეცეპტებსაც, რომლებიც მარტივად მოსამზადებელი და, ამავე დროს, გემრიელი, სასარგებლო და დაბალკალორიულია.
სწავლა და ბიზნესი: ”ამ ეტაპზე ჩემთვის ყველაზე დიდი პრობლემა არასაკმარისი დროა. პარალელურად ვსწავლობ ილიას სახელმწიფო უნივერსიტეტში საჯარო პოლიტიკის ადმინისტრირებას. ბიზნეს საქმიანობის გარდა, მინდა, ჩემს პროფესიასაც დიდი დრო დავუთმო და ამ კუთხით მაქსიმალურად განვავითარო საკუთარი პოტენციალი”.

თამარ კორკოტაშვილი
წაიკითხეთ ინგლისურ ენაზე Georgian Journal-ზე
კომენტარები (8)
12.03.2016
დათო
მელანო ძალიან ლამაზი გოგო ხარ და ამავე დროს მისაბაძუ ბევრისთვის.ყოჩაღ ჩემო კარგო წარმატებებს გისუერვებ ,მეც კახელი ვარ,თელავის რაიონიდან და მიხარია რომ ამდენი წარმატებული და განათლებული ახალგაზრდა ცხოვრობს ჩემს მხარეში.გისურვებ წარმატებებს ცხოვრებაში
10.03.2016
jaba
შენ გაიხარე ლამაზო
მსგავსი სიახლეები
,,სილიკონ ველი თბილისის’’ სივრცეში არსებული ბიზნესისა და ტექნოლოგიების უნივერსიტეტი დასაქმების უპრეცედენტო პროექტს იწყებს.
ჯანსაღი კვება და ჯანმრთელი ცხოვრების წესი ოცდამეერთე საუკუნის ნამდვილი გამოწვევაა. სარესტორნო ბიზნესი ამ გამოწვევას საქართველოშიც თანდათან ფეხს უწყობს.
სახელმწიფო შესყიდვების სააგენტოს თავმჯდომარე ლევან რაზმაძე დღეს ტანსაცმლის ბიზნესში დასაქმებულ მიმწოდებლებს შეხვდა.
ბიზნესასოციაციებთან ერთად განვიხილეთ რეგიონებში მცირე და საშუალო ბიზნესისთვის DCFTA-ის შესახებ უფრო მეტი ინფორმაციის მიწოდების შესაძლებლობები
პრემიერ-მინისტრ გიორგი კვირიკაშვილის ხელმძღვანელობით მთავრობის ადმინისტრაციაში ბიზნესსექტორთან მრგვალი მაგიდა მიმდინარეობს. შეხვედრას მინისტრთა კაბინეტის წარმომადგენლებიც ესწრებიან.
ბიზნესისა და ტექნოლოგიების უნივერსიტეტსა და კომპანია ”სილქნეტს” შორის ურთიერთთანამშრომლობის მემორანდუმი გაფორმდა.
საქართველოს ყოფილი პრემიერ-მინისტრის, ბიძინა ივანიშვილის შეფასებით, შევარდნაძის პერიოდში ბიზნესგარემო უფრო თავისუფალი იყო, ვიდრე სააკაშვილის დროს.
აბასთუმნის მაღალმთიანი სოფლის, კლდის მკვიდრი თამარ წიქარიშვილი არა მხოლოდ კარგი მეურნეა, არამედ იმის სიმბოლოც, რომ წარმატების მიღწევა მხოლოდ საკუთარი ძალითაც შეიძლება
ბიძინა ივანიშვილს ბიზნესმენებისთვის პოლიტიკური განცხადების გაკეთება არ უთხოვია და ეს რამდენჯერმე დააზუსტა კიდეც
”სილიკონ ველი თბილისის” სივრცეში არსებული ბიზნესისა და ტექნოლოგიების უნივერსიტეტის BTU Kids- ის შაბათ-კვირის სკოლამ სწავლის მსურველთათვის მიღება გამოაცხადა.
რუბრიკის სხვა სიახლეები
28.09.2016
თამარის და დავითის უძვირფასესი ხატები, დამწვარ ხეზე შესრულებული მადონა, ბრინჯაოთი მოხატული ალვის ხის ფესვი, სხვადასხვა ზომის ქანდაკებები, ფერწერული ნამუშევრები
სრულად
27.09.2016
მსოფლიოს უმსხვილესი ინტერნეტ საძიებო გიგანტი დღეს იუბილარია - Google 18 წლის გახდა.
სრულად
23.09.2016
დიდი ბრიტანეთის პრემიერ-მინისტრი ტერეზა მეი ფინანსების სამყაროში ყველაზე გავლენიან ადამიანად დასახელდა.
სრულად
21.09.2016
„ფეისბუქის“ მომხმარებელთა რაოდენობა ყოველთვიურად 1,71 მილიარდს აღწევს, კომპანიის ღირებულება კი 364 მილიარდი დოლარია.
სრულად
15.09.2016
23 წლის ირანელი პეჯმან ნოზადი წლების წინ იძულებული გახდა, სამშობლო მიეტოვებინა და ახალი ცხოვრება დაეწყო.
სრულად
TOP
რეკომენდებული
მნიშვნელოვანი
ოფიციალური კურსი
კონვერტორი
ბირჟა
29.09.2016
30.09.2016
USD
1
USD
2.3286
2.3297
EUR
1
EUR
2.6113
2.6132
GBP
1
GBP
3.0283
3.0284
RUB
100
RUB
3.6481
3.6850