ნიგერიაში საპენსიო დანაზოგის გამოყენება იპოთეკური სესხის დასაფარად შეეძლებათ

ახალი რეგულაციების შემდეგ, ნიგერიაში მოსახლეობას საკუთარი საპენსიო დანაზოგების გამოყენება იპოთეკის გადასახდელად შეეძლებათ. ამ სვლით ქვეყნის მთავრობა ეძებს გზებს, რომლებიც ხალხს სახლების შეძენაში დაეხმარება.

ეროვნული საპენსიო კომისიის თანახმად, საპენსიო ფონდით მოსარგებლემ ფონდში თანხა 5 წლის განმავლობაში უნდა გადაიხადოს და მხოლოდ ამის შემდეგ ექნება შესაძლებლობა გამოიყენოს დანაზოგის 25%.

აფრიკის ყველაზე მჭიდროდ დასახლებული ქვეყანა, რომლის მოსახლეობაც 200 მილიონ ადამიანზე მეტს შეადგენს, ცდილობს რაც შეიძლება მეტი მოქალაქე აქციოს სახლის მესაკუთრედ.

2019 წელს ნიგერიის ცენტრალური ბანკის მიერ გამოქვეყნებული ანგარიშის თანახმად, ქვეყანაში 20 მილიონამდე საცხოვრებელი ერთეულის დეფიციტია, რომლის დასაფინანსებლადაც 21 ტრილიონი ნაირა (48.2 მილიონი დოლარი) იქნებოდა საჭირო.

ქვეყნის მოქალაქეებისთვის უძრავი ქონების შესაძენად დაფინანსებაზე წვდომა სირთულეს წარმოადგენს, რადგან არსებული სახსრების უმეტესობა მოკლევადიანია, იპოთეკა კი გრძელვადიან პერიოდზეა გათვლილი.

კახი ჩაკვეტაძე