აფხაზეთის მთავრობის წარმომადგენლები ბათუმსა და ქობულეთში დევნილთა განსახლების ადგილებში შექმნილ ბინათმესაკუთრეთა ამხანაგობების თავმჯდომარეებს შეხვნენ
აფხაზეთის ავტონომიური რესპუბლიკის იძულებით გადაადგილებულ პირთა მინისტრი დავით ფაცაცია, სამინისტროსა და ადგილობრივი ხელისუფლების წარმომადგენლებთან ერთად, ბათუმისა და ქობულეთის მუნიციპალიტეტების დევნილთა განსახლების ადგილებში შექმნილ ბინათმესაკუთრეთა ამხანაგობების თავმჯდომარეებს შეხვდა. ინფორმაციას ამის შესახებ აფხაზეთის ავტონომიური რესპუბლიკის მთავრობა ავრცელებს.
მათივე ცნობით, შეხვედრაზე დავით ფაცაციამ აფხაზეთის ავტონომიური რესპუბლიკის მთავრობის ხელშეწყობით და ფინანსური მხარდაჭერით განხორციელებულ, მიმდინარე და დაგეგმილ პროგრამებზე, პროექტებზე ისაუბრა.
სამინისტროსა და ადგილობრივი ხელისუფლების წარმომადგენლებმა დევნილთა საჭიროებები მოისმინეს და მათი მოგვარების გზებზე იმსჯელეს.
დევნილი მოსახლეობის სოციალური მდგომარეობის გაუმჯობესების მიზნით, მსგავსი შეხვედრები მომავალშიც გაგრძელდება.