მთავრობა კიდევ ერთხელ აფიქსირებს, რომ გადასახადების გაზრდასთან დაკავშირებით სავალუტო ფონდის შემოთავაზებული რეკომენდაციის გაზიარებას და გადასახადების გაზრდას არ აპირებს.
როგორც ეკონომიკის მინისტრმა გიორგი კვირიკაშვილმა გუშინ პარლამენტის დარგობრივი ეკონომიკისა და საფინანსო-საბიუჯეტო კომიტეტების გაერთიანებულ სხდომაზე განაცხადა, გადასახადების გაზრდა სავალუტო კრიზისიდან გამოსვლის ერთ-ერთი საშუალებაა. თუმცა ხელისუფლება ამის განხორციელებას არ გეგმავს.
კვირიკაშვილის თქმით, საქართველოს მთავრობა ფისკალური ექსპანსიისა და მეტი ლიბერალიზაციის მომხრე და მხარდამჭერია. "ჩვენ ვფიქრობთ, რომ გადასახადები არ უნდა გაიზარდოს", - განაცხადა გიორგი კვირიკაშვილმა კომიტეტების გაერთიანებულ სხდომაზე. ეკონომიკის მინისტრი პირველ ეტაპზე ბიუჯეტში შემოსავლების მობილიზებას საპრივატიზაციო გეგმის განხორციელებით გეგმავს.