რომელი ქვეყნებიდან უადვილდებათ რუსებს ევროპული ბინადრობის აღება - სიაშია საქართველო

ნაწილობრივი მობილიზაციის გამოცხადების შემდეგ, რუსეთის ბევრი მოქალაქე მეზობელ ქვეყნებში გაემგზავრა. თუმცა უმეტესობა იქ დარჩენას არ აპირებს და ევროპაში გადასვლას გეგმავს. ევროპის ქვეყნებში გრძელვადიანი ყოფნისთვის მათ უნდა მიიღონ ბინადრობის ნებართვა. შეუძლიათ თუ არა რუსებს მიმართონ ევროპულ ბინადრობის ნებართვას მესამე ქვეყნებიდან და რა არის საჭირო ამისათვის, ამის შესახებ რუსული „ფორბსი“ ვრცელ სტატიას გვთავაზობს.

მობილიზაციის გამოცხადების შემდეგ ხალხი გადავადებულ ვარიანტებს აღარ ეძებდა - უმრავლესობის არჩევანი რუსეთთან უვიზო რეჟიმის მქონე ქვეყნებზე შეჩერდა. ისინი ძირითადად საქართველოში, ყაზახეთში, თურქეთსა და სომხეთში წავიდნენ. ახალი ემიგრანტების აბსოლუტური უმრავლესობა არ აპირებს ამ ქვეყნებში დასახლებას და უახლოეს ექვს თვეში ევროპისკენ მოგზაურობის გაგრძელებას გეგმავს.

ირკვევა, რომ ნაჩქარევად წასული რუსები პრობლემის წინაშე დგანან: ევროკავშირში მოგზაურობის გასაგრძელებლად, მათ ახლა მესამე ქვეყანაში ბინადრობის საბუთები უნდა მიიღონ.

თუ თქვენ შეგიძლიათ დარჩეთ ევროპულ ქვეყანაში რეგულარული შენგენის ვიზით 90 დღემდე, მაშინ ბინადრობის ნებართვა გაიცემა ერთიდან ხუთ წლამდე პერიოდით. ის უნდა განახლდეს ყოველ ერთ ან ორ წელიწადში. ხუთი წლის შემდეგ, ადამიანს ჩვეულებრივ ეძლევა მუდმივი საცხოვრებელი, შემდეგ კი მოქალაქეობა. ეს ტერმინები განსხვავდება ქვეყნიდან ქვეყანაში, მაგრამ ზოგადი წესი ერთა.

ვინაიდან, რუსები ახლა ცდილობენ ევროპაში დარჩენის მეტ-ნაკლებად გრძელვადიანი გეგმების შედგენას, ისინი პირველ რიგში დაინტერესებულნი არიან ბინადრობის ნებართვით. ევროკავშირის ქვეყნებს კი უყვართ, როცა ყველაფერი წესების მიხედვით კეთდება – ანუ ადამიანს აქვს მიზეზი, რომ ბინადრობის ნებართვა მოითხოვოს მასპინძელი ქვეყნიდან. ადგილობრივი ბინადრობის ნებართვის გარეშე მესამე ქვეყნიდან ვიზის ან ბინადრობის ნებართვის მოთხოვნის საკმარისი საფუძველი არის მხოლოდ ქვეყანაში დევნის დადასტურებული ფაქტები (მაგალითად, სისხლის სამართლის საქმეები და ა.შ.).

ევროპისკენ მიმავალ გზაზე შუალედური ბინადრობის ნებართვის მოპოვების თვალსაზრისით ყველაზე მოსახერხებელი ვარიანტი არის სომხეთი, საქართველო და ყაზახეთი. მაგალითად, ყაზახეთიდან შეუძლებელი იქნება პორტუგალიაში ბინადრობის ნებართვის მისაღებად განაცხადის შეტანა - თქვენ გაგაგზავნიან რუსეთში. ხოლო საქართველოდან ბინადრობის ნებართვით იგივე პორტუგალიაში მოგიწევთ განაცხადის თურქეთიდან გაკეთება.

ნებისმიერ შემთხვევაში, მესამე ქვეყნის ბინადრობის ნებართვის აღებამდე, გასარკვევია, არის თუ არა მასში ევროკავშირის სასურველი ქვეყნის საკონსულო (თუ არა, მაშინ ვერ შეძლებთ საბუთების წარდგენას) და რა დოკუმენტების პაკეტი გაქვთ. მნიშვნელოვანია გაითვალისწინოთ, რომ ემიგრანტების დიდი ნაკადის გამო, ახლა რუსეთის მეზობელ ქვეყნებში ბევრ საკონსულოში, ბინადრობის ნებართვისა და ვიზაზე განაცხადის რიგი ერთიდან სამ თვემდეა.

იხილეთ ასევე: Forbes - სად წავიდნენ რუსეთის მოქალაქეები მობილიზაციის გამოცხადების შემდეგ

ეკა დარჩიაშვილი