14 ოქტომბერს, სიმინდითა და ხორბლით დატვირთულმა სამმა გემმა უკრაინის პორტები დატოვა.
როგორც ოფიციალურ განცხადებაშია ნათქვამი, მათზე სულ 84 500 ტონა მარცვლეული და სხვა სასოფლო-სამეურნეო პროდუქტებია. ერთი მათგანი ესპანეთისკენ მიემართება, ერთი ალჟირისკენ, ხოლო ერთი - ტუნისისკენ.
შეგახსენებთ, რომ 22 ივლისს სტამბოლში გაეროს, რუსეთის, თურქეთისა და უკრაინის მონაწილეობით ხელი მოეწერა დოკუმენტს უკრაინის სამი პორტიდან - ჩერნომორსკიდან, ოდესიდან და იუჟნიდან მარცვლეულის ექსპორტისთვის დერეფნის შექმნის შესახებ. ჯამში პორტებიდან 7 448 204 ტონა მარცვლეული გავიდა.