ბრიტანული სანავთობო კომპანია BP Plc განახლებადი გაზის მწარმოებელ ამერიკულ კომპანიას Archaea Energy Inc. 4,1 მლრდ დოლარად ყიდულობს. ამის შესახებ კომპანიების ერთობლივ განცხადებაშია აღნიშნული.
BP-მ Archaea-ს ერთ აქციაში 26 დოლარის გადახდის მზაობა გამოთქვა, რაც რეალურად კომპანიის აქციების ბოლო ერთი თვის საშუალო ფასზე 38%-ით მეტია - წერს MarketWatch.
ინფორმაციაში აღნიშნულია, რომ მოხდება Archaea-ს ინტეგრირება BP-ის ბიოენერგეტიკულ ბიზნესში, რომელმაც ამ დარგში პოზიციები მნიშვნელოვნად გაიმყარა - წერია განცხადებაში.
მხარეები მოელიან, რომ კონტრაქტის საბოლოო გაფორმება წლის ბოლომდე მოხდება.
Archaea Energy - ეს არის ამერიკის ერთ-ერთი უმსხვილესი განახლებადი ბუნებრივი აირის კომპანია და ამ ინფორმაციის გავრცელების ფონზე მისი აქციები მკვეთრად - 52,6%-ით გაძვირდა.