საქართველოდან მეზობელ ქვეყნებში რეექსპორტი რეკორდულად გაიზარდა. სტატისტიკის ეროვნული სამსახურის მონაცემებით, წელს 9 თვეში რუსეთში რეექსპორტით 65,081 მლნ აშშ დოლარის პროდუქტი გავიდა, წინა წლის ანალოგიურ პერიოდში - 35,061 მლნ აშშ დოლარის.
ამავე მონაცემების მიხედვით, 2022 წლის იანვარ-სექტემბერში თურქეთთან რეექსპორტის მაჩვენებელმა 26,372 მლნ აშშ დოლარი შეადგინა, 2021 წლის იგივე საანგარიშო პერიოდში - 11,777 მლნ აშშ დოლარი.
წელს საქართველოდან სომხეთში 221,168 მლნ აშშ დოლარის პროდუქტი გავიდა რეექსპორტით, ეს მაშინ, როდესაც, შარშან ანალოგიურ პერიოდში, ეს მაჩვენებელი 78,369 მლნ აშშ დოლარს შეადგენდა.
რაც შეეხება აზერბაიჯანს, წელს 9 თვეში საქართველოდან 338,066 მლნ აშშ დოლარის პროდუქტის რეექსპორტი განხორციელდა, წინა წლის ანალოგიურ პერიოდში კი - 292,399 მლნ აშშ დოლარის.
"ბიზნესპრესნიუსი" გთავაზობთ ტოპ-5 პროდუქტს, რომელიც წელს მეზობელ ქვეყნებში ყველაზე დიდი რაოდენობით გავიდა.
რუსეთი
მსუბუქი ავტომობილები - 44,865 მლნ აშშ დოლარი
ელექტრული წყალგამახურებლები - 7,362 მლნ აშშ დოლარი
სიგარები, სიგარილები და სიგარეტები თამბაქოს ან მისი შემცვლელებისაგან - 3,183 მლნ აშშ დოლარი
ნარევები გამოსაყენებული სასმელების წარმოებაში - 1,133 მლნ აშშ დოლარი
ფეროშენადნობები - 1,011 მლნ აშშ დოლარი
თურქეთი
ფეროშენადნობები - 4,375 მლნ აშშ დოლარი
მადნები და კონცენტრატები მოლიბდენის - 3,981 მლნ აშშ დოლარი
საფრენი აპარატები სხვა - 2,494 მლნ აშშ დოლარი
ტრაქტორები და უნაგირა საწევარები - 2,300 მლნ აშშ დოლარი
მსუბუქი ავტომობილები - 2,108 მლნ აშშ დოლარი
სომხეთი
მსუბუქი ავტომობილები - 68,337 მლნ აშშ დოლარი
ბულდოზერები, ავტოგრეიდერები, ექსკავატორები, სატკეპნი მანქანები და სხვა - 13,717 მლნ აშშ დოლარი
ხორცი ღორის ახალი, გაცივებული ან გაყინული - 5,892 მლნ აშშ დოლარი
კოპტონი და სხვა მყარი ნარჩენები, მიღებული სოიოს ზეთის ექსტრაჰირებისას - 4,915 მლნ აშშ დოლარი
ნართი სინთეზური ბოჭკოებისგან, საცალო გაყიდვისთვის დაუფასოებელი - 4,727 მლნ აშშ დოლარი
აზერბაიჯანი
მსუბუქი ავტომობილები - 200,063 მლნ აშშ დოლარი
სამრეწველო დამზადების სხვა თამბაქო და თამბაქოს სამრეწველო შემცვლელები - 17,274 მლნ აშშ დოლარი
ნავთობი და ნავთობპროდუქტები - 15,994 მლნ აშშ დოლარი
ტარა ქაღალდის, მუყაოს, ცელულოზის ბოჭკოს ბამბის ან ტილოსგან - 14,064 მლნ აშშ დოლარი
სამკურნალო საშუალებები დაფასოებული - 10,685 მლნ აშშ დოლარი