სახელმწიფო სამსახურში დასაქმებულთა ხელფასებზე 6 თვეში 890,9 მლნ ლარზე მეტი გაიცა - რომელ უწყებებზე მოდის ყველაზე მეტი
სახელმწიფო სამსახურში დასაქმებულთა ხელფასებზე, 6 თვეში, 890,9 მლნ ლარზე მეტი გაიცა. რაც 62,3 მლნ-ით მეტია წინა წლის ანალოგიური პერიოდის მაჩვენებელზე. 2021 წლის 6 თვეში შრომის ანაზღაურებამ 828,6 მლნ ლარი შეადგინა. ამის შესახებ ინფორმაცია აუდიტის სამსახურის ბიუჯეტის მონიტორზეა გამოქვეყნებული.
უწყებებს შორის, ყველაზე მეტი შინაგან საქმეთა სამინისტროზე მოდის, სადაც 6 თვეში, დასაქმებულთა ხელფასებზე 257,2 მლნ ლარი გაიცა.
უფრო კონკრეტულად:
- პარლამენტი და მასთან არსებული ორგანიზაციები - 14 მლნ ლარი
- პრეზიდენტის ადმინისტრაცია - 1,2 მლნ ლარი
- მთავრობის ადმინისტრაცია - 3,1 მლნ ლარი
- შერიგებისა და სამოქალაქო თანასწორობის საკითხებში საქართველოს სახელმწიფო მინისტრის აპარატი - 559 986 ლარი
- ფინანსთა სამინისტრო - 31,5 მლნ ლარი
- ეკონომიკისა და მდგრადი განვითარების სამინისტრო - 5,8 მლნ ლარი
- რეგიონალური განვითარებისა და ინფრასტრუქტურის სამინისტრო - 4,5 მლნ ლარი
- იუსტიციის სამინისტრო - 37,2 მლნ ლარი
- ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტრო - 20,9 მლნ ლარი
- საგარეო საქმეთა სამინისტრო - 4,7 მლნ ლარი
- თავდაცვის სამინისტრო - 42,1 მლნ ლარი
- შინაგან საქმეთა სამინისტრო - 257,2 მლნ ლარი
- გარემოს დაცვისა და სოფლის მეურნეობის სამინისტრო - 27 მლნ ლარი
- განათლებისა და მეცნიერების ასევე, კულტურის, სპორტისა და ახალგაზრდულ საქმეთა სამინისტროს აუდიტის სამსახურისთვის ინფორმაცია არ აქვს მიწოდებული.
შენიშვნა, დანარჩენი თანხა სხვა უწყებებზე, მათ შორის, რეგიონების გუბერნატორებისა და რწმუნებულების ადმინისტრაციებზე ნაწილდება.
