კრიპტოინდუსტრიაში მღელვარება პიკს აღწევს. Binance-მა უარი თქვა თავისი უმთავრესი ოპონენტის, FTX-ის შეძენაზე, რომელიც ახლა 8 მილიარდ დოლარამდე ვალდებულებების ამარა და ბუნდოვანი მომავლის წინაშეა დარჩენილი.
ამ სიახლის გავრცელების შემდეგ უმსხვილესი ციფრული ვალუტა Bitcoin, რომლის ფასიც ჯერ კიდევ გუშინ მკვეთრად შემცირდა, ბოლო 24 საათში კიდევ 10%-ით გაიაფდა და ამჟამად 16,725 დოლარამდე ღირს, რაც 2020 წლის შემდეგ ყველაზე დაბალი მაჩვენებელია.
აქამდე ცნობილი იყო, რომ Binance FTX-ის შეძენას მისი ცუდი ფინანსური მდგომარეობის გამო აპირებდა, თუმცა გადაწყვეტილება შეიცვალა და უმსხვილესი კრიპტობირჟის მფლობელებმა სემ ბენქმენ-ფრიდის FTX-ის შეძენა ბიზნეს საქმიანობასთან დაკავშირებული ეჭვებისა და აშშ-ს საფინანსო მარეგულირებლების მიერ გამოძიების გამო გადაიფიქრეს.
ინვესტორების განწყობასა და კრიპტოვალუტების ფასზე ჯერ FTX-ის კრიზისის სიახლემ იქონია გავლენა, შემდეგ კი Binanace-ის მიერ გადაწყვეტილების შეცვლამ.
ციფრული ვალუტების საერთო საბაზრო კაპიტალიზაცია ამჟამად 836.6 მილიარდ დოლარს შეადგენს, რაც გუშინდელ მაჩვენებელთან შედარებით 7.62%-ით ნაკლებია.
Bitcoin-ის კვალს მიჰყვებიან სხვა კრიპტოვალუტებიც. გთავაზობთ 10 უმსხვილესი კრიპტოვალუტის ფასის ცვლილებას ბოლო 1 კვირაში: