Euronews - ევროკომისია უნგრეთისთვის 7.5 მილიარდი ევროს გამოყოფის შეჩერების რეკომენდაციით გამოდის

ევროკომისია უნგრეთისთვის 7.5 მილიარდი ევროს გამოყოფის შეჩერების რეკომენდაციით გამოდის. ინფორმაციას ამის შესახებ Euronews ავრცელებს.

19 ნოემბრამდე ბუდაპეშტს ევროკომისიასთან შეთანხმებული 17 რეფორმა უნდა გაეტარებინა, რათა ევროკავშირის ფონდებიდან სახსრები არ გაყინულიყო, რითაც ბრიუსელი იმუქრებოდა კანონის უზენაესობის საკუთარი მექანიზმის ფარგლებში.

“მიუხედავად იმისა, რომ რიგი რეფორმები გატარდა და გრძელდება, უნგრეთმა ვერ შეძლო ადეკვატურად განეხორციელებინა 17 მაკორექტირებელი ზომისთვის აუცილებელი ძირითადი ასპექტები… რისი ვალდებულებაც მან აიღო”, - განაცხადეს ევროკომისიაში.

"შედეგად, კომისიამ გადაწყვიტა შეენარჩუნებინა 18 სექტემბრის თავდაპირველი წინადადება, შეაჩეროს ვალდებულებების 65% სამი ოპერატიული პროგრამისთვის ერთიანი პოლიტიკის ფარგლებში, რაც შეადგენს 7.5 მილიარდ ევროს”, - აღნიშნეს ევროკომისიაში.

საბიუჯეტო საკითხებში ევროკომისარმა იოჰანეს ჰანმა აღნიშნა, რომ კანონის უზენაესობის ახალი პირობითობის მექანიზმი “გამოსაყენებლად სწორი ინსტრუმენტი” იყო, რადგან ეს რეფორმები “სხვაგვარად არასდროს გატარდებოდა”.