მთავრობა წელს ქვეყნის ეკონომიკის უფრო მაღალ ზრდას მოელის. ამის შესახებ 2022 წლის სახელმწიფო ბიუჯეტის კანონში დაგეგმილი ცვლილებების პროექტშია აღნიშნული.
კერძოდ, დოკუმენტის თანახმად, თუ ბოლო პროგნოზით მთავრობა წელს 8.5%-იან ეკონომიკურ ზრდას ელოდა, განახლებული მოლოდინით, მთავრობა ფიქრობს, რომ 2022 წელს ქვეყნის ეკონომიკა 10%-ით გაიზრდება.
ბიუჯეტში დაგეგმილი ცვლილებით, განახლებული მაკროეკონომიკური პარამეტრების მიხედვით:
- 2022 წლის რეალური ეკონომიკური ზრდის პროგნოზი განისაზღვრა 10%-ის ოდენობით;
- მთლიანი შიდა პროდუქტის დეფლატორის პროგნოზი - 9,5%-ის ოდენობით;
- ნომინალური მთლიანი შიდა პროდუქტის განისაზღვრება 72,3 მლრდ ლარის ოდენობით;
- ნაერთი ბიუჯეტის საგადასახადო შემოსავლები განისაზღვრება 17,350 მლრდ ლარის ოდენობით.