როგორ შექმნა ადამ სენდლერმა თავისი 440 მილიონი დოლარის ღირებულების იმპერია

ამერიკელი მსახიობი და პროდიუსერი ადამ სენდლერი ჰოლივუდის ერთ-ერთი უმდიდრესი კომიკოსია. ის ერთ-ერთ ყველაზე მაღალანაზღაურებად ადამიანად ითვლება. მსახიობი, რომელმაც კარიერა გასართობ ინდუსტრიაში დაიწყო, როგორც Saturday Night Live-ის წევრმა, 2022 წლის მდგომარეობით მე-3 უმდიდრესი კომიკოსია.

გავრცელებული ინფორმაციით, ის დღეს ერთი კონცერტიდან სულ მცირე 20 მილიონ დოლარს გამოიმუშავებს.

საინტერესოა, როგორ დაიწყო ადამ სენდლერმა მისი კარიერა?

ადამ რიჩარდ სენდლერი, დაიბადა 1966 წლის 9 სექტემბერს ბრუკლინში.

დედამისი ჯუდით ლევინი საბავშვო ბაღის მასწავლებელი იყო, ხოლო მისი მამა სტენლი სენდლერი ელექტრო ინჟინერი. თავის დროზე სენდლერების ებრაული ოჯახი, რუსეთიდან ამერიკაში ემიგრანტებად გადავიდნენ. ადამი მხოლოდ 6 წლის იყო, როდესაც ამერიკაში დაიწყო ცხოვრება.

ადამმა მანჩესტერ ცენტრალური საშუალო სკოლა დაამთავრა. როდესაც ის ჯერ კიდევ მოზარდი იყო, სენდლერს ებრაულ ახალგაზრდულ ჯგუფში სახელწოდებით BBYO იცნობდნენ. აღსანიშნავია, რომ ის საოცრად კარგად სწავლობდა თუმცა, კომედიური ხრიკების გამო, ბევრ შენიშვნასაც აძლევდნენ.

საშუალო სკოლის დასრულების შემდეგ ადამმა ნიუ-იორკში, ლი სტრასბერგის თეატრისა და კინოს ინსტიტუტში გააგრძელა სწავლა. შემდეგ კი ნიუ-იორკის უნივერსიტეტის ტიშის ხელოვნების სკოლაში.

კინოდებიუტამდე ის სხვადასხვა კომედიურ კლუბებში გამოდიოდა, რამაც მის კარიერაზე დიდი გავლენა მოახდინა. ერთ-ერთ კომედიურ კლუბში ამოსვლის დროს, ის კომიკოსმა დენის მილერმა შეამჩნია. მილერმა სენდლერი Saturday Night Live-ის პროდიუსერს, ლორნ მაიკლს ურჩია.

1987 წელს სენდლერმა ითამაშა The Cosby Show-ში. იმავე წელს ასევე გამოჩნდა MTV შოუში, სახელწოდებით Remote Control. უნივერსიტეტის დამთავრებიდან ერთი წლის შემდეგ კი მისი დებიუტი შედგა ფილმში სახელწოდებით Going Overboard.

მისი ნიჭის წყალობით სენდლერი დღითი დღე პოპულარული ხდებოდა. მან შოუში SNL შოუში თავისი ორიგინალური სიმღერების შესრულება დაიწყო.

გარღვევა ჰოლივუდში

მიუხედავად სხვადასხვა კომედიურ ფილმებში მონაწილეობისა, სენდლერმა თავისი სახელი ინდუსტრიაში მხოლოდ მას შემდეგ გაითქვა, რაც 1995 წელს ბილი მედისონში ითამაშა.

1998 წელს კი დრიუ ბერიმორთან ერთად შესრულებულმა როლმა ნამდვილ ვარსკვლავად აქცია. 1999 წელს ადამმა მისი საკუთარი საპროდიუსერო კომპანია შექმნა.

მიუხედავად იმისა, რომ ჯერ კიდევ კომედიურ ფილმებში თამაშობდა, კომიკოსმა ფილმებში Punch-Drunk Love და Spanglish, დრამატული როლებიც შეასრულა. 2004 წელს კი ისევ გაერთიანდა დრიუ ბერიმორთან ფილმში - 50 პირველი პაემანი.

მსახიობიმა მომდევნო ხუთ წელიწადში შვიდ ფილმში ითამაშა, მათ შორის: The Longest Yard, Click, Reign Over Me and I Now Pro Pronoce You Chuck and Larry და სხვები.

Celebrity Net Worth-ის მიხედვით, მსახიობი თითოეული ფილმიდან საშუალოდ 20 მლნ. დოლარს იღებდა. რაც საშუალებას აძლევდა წელიწადში 50-დან 60 მილიონ დოლარამდე გამოემუშავებინა. დღეს კი მისი ქონება 440 მლნ. დოლარს შეადგენს.

წყარო: therichest.com

თეონა რამაზაშვილი