ქვეყნები მსოფლიოში, სადაც 2023 წელს ათასობით დოლარის/ევროს გამომუშავებას რამდენიმე თვეში შეძლებთ

მსოფლიო დღითიდღე უფრო ერთიანი, ხოლო ქვეყნები ერთმანეთთან დაკავშირებული ხდება. თუ დაახლოებით 20 წლის წინ, სხვა ქვეყანაში წასვლა და საზღვრის გადაკვეთა ზოგიერთისთვის წარმოუდგენელი იყო, დღეს ბევრად მარტივია ლოკაციის შეცვლა და მსოფლიოს ნებისმიერ წერტილში სამუშაოდ ან დასასვენებლად გამგზავრება.

არსებობს სხვა ქვეყნებში სეზონურად მუშაობის გამოცდილებაც. საინტერესოა, რომელ ქვეყნებში არის შესაძლებელი რამდენიმე თვეში საკმაოდ მსუყე გასამრჯელოს მოგროვება? დასავლური მედია რამდენიმე ქვეყანას გამოარჩევს:

არაბეთის გაერთიანებული საემიროები

არაბეთის გაერთიანებული საემიროები და მსოფლიოს საემიგრაციო დედაქალაქი - დუბაი, სიის აშკარა გამარჯვებულია. ემირატებში საშემოსავლო გადასახადი არ არსებობს. თუ მაღალ თანამდებობაზე მუშაობთ, საშუალო შემოსავალი წელიწადში 285 000 ევროა.

თუ თქვენ კონტრაქტორი ან დამოუკიდებელი სამუშაოს მაძიებელი ხართ, ამ შემთხვევაში, არაბეთის გაერთიანებული საემიროები შესანიშნავი ადგილია სიმდიდრისა და კარიერის შესაქმნელად. ინჟინერია (IT, ენერგეტიკა, მშენებლობა, მეცნიერება და ა.შ.), გაყიდვები, ფინანსები და ჯანდაცვა არის წამყვანი ინდუსტრიები, რომლებიც ემიგრანტებში უამრავ ადამიანს ასაქმებს.

მაგალითად, უფროს კონსულტანტ ექიმს შეუძლია თვეში 26 000 ევროზე მეტი გამოიმუშავოს. ამას ემატება სხვა შეღავათები.

შვეიცარია

შვეიცარიაში დასაქმებულების საშუალო ანაზღაურება წელიწადში დაახლოებით 119,000-დან 120 000 ევრომდე მერყეობს.

პროგრამული უზრუნველყოფის ინჟინერიის სფეროებში დასაქმებამ შეიძლება წელიწადში დაახლოებით 100,000 ევრო ანაზღაურება მოგცეთ. ხელფასი ასევე დამოკიდებულია იმაზე, თუ ქვეყნის რომელ ტერიტორიაზე ცხოვრობთ. თუ ციურიხში ცხოვრობთ, გადასახადის შემდეგ წელიწადში დაახლოებით 76,000 ევროს მიიღებთ.

ოთხწლიანი გამოცდილების მქონე საშუალო დონის დეველოპერს შეუძლია დღეში 500-800 ევროს გამომუშავება. საშუალო დონის მენეჯერული და საკონსულტაციო კონტრაქტების დღიური ტარიფებია 300-500 ევრო.

საუდის არაბეთი

ისევე, როგორც არაბეთის გაერთიანებულ საემიროებში, ამ ქვეყანაში საშემოსავლო გადასახადი არ არის. საშუალო ემიგრანტის უმაღლესი დონის ხელფასი წელიწადში დაახლოებით 280,000 ევროა.

უმაღლესი დონის დამოუკიდებელი სამუშაოს მაძიებლებს, რომლებსაც აქვთ ინჟინერიის გამოცდილება, შეუძლიათ მიიღონ 150,000 ევროდან 200,000 ევროზე მეტი წელიწადში.

თუ იურიდიულ განყოფილებაში ხართ, შეგიძლიათ საშუალოდ 150,000 ევრო გამოიმუშავოთ. გაყიდვებისა და ბიზნესის განვითარების აღმასრულებლები წელიწადში საშუალოდ 125,000 ევროს, ხოლო აღმასრულებელი მენეჯერები - 120,000 ევროს იღებენ. ქვეყანაში ასევე დიდი მოთხოვნილებაა საერთაშორისო იურისტებზე და HR -ზე.

ჰონგ კონგი

ჰონგ კონგში, აღმასრულებელ თანამდებობებზე მომუშავე ადამიანები წელიწადში დაახლოებით 270,000 ევროს გამოიმუშავებენ.

სამუშაოს დამოუკიდებლად მაძიებლებისთვის, ხელფასის განაკვეთი წელიწადში 232,000 -დან 250,000 ევრომდე მერყეობს. საბოლოო შედეგი დამოკიდებულია სამუშაოს პოზიციაზე.

ჰონგ კონგში ემიგრანტებისთვის ერთ-ერთი უდიდესი დასაქმების სექტორი არის ფინანსები. ყველაზე მაღალანაზღაურებადი დამსაქმებელი არის ბანკები და ფინანსური ინსტიტუტები, როგორიცაა Brookfield Investment Management, Goldman Sacks Capital Partners, Jefferies, CIMB, Commerzbank და Takeda.

IT სექტორში უფროსი ინჟინერიის მენეჯერს შეუძლია წელიწადში 215 000 ევრომდე გამოიმუშაოს (201 000 ევრო გადასახადის შემდეგ).

ერთ-ერთი ყველაზე მაღალანაზღაურებადი თანამდებობა არის ინფორმაციული უსაფრთხოების მთავარი ოფიცერი, მაღალკვალიფიციური და გამოცდილი უფროსი CISO-ს შეუძლია წელიწადში 300,000 ევროზე მეტის გამომუშავება (275,000 ევრო გადასახადის შემდეგ).

აშშ

აშშ-ში, გადასახადების გადახდის შემდეგ, ემიგრანტებს, რომლებიც საშუალო ფენას წარმოადგენენ წელიწადში დაახლოებით 97,000 ევროს გამომუშავება შეუძლიათ.

შეერთებულ შტატებში ყველაზე მეტ ემიგრანტს შემდეგი სფეროები ასაქმებს: ჯანდაცვა, IT, მონაცემების ანალიზი და ფინანსები. საშუალო დონის სპეციალისტებს კონკრეტული უნარ-ჩვევებით შეუძლიათ 90 000-120 000 დოლარის გამომუშავება.

აღსანიშნავია ისიც, რომ დამოუკიდებელი კონტრაქტორების განაკვეთები განსხვავდება საჭირო უნარების, კომპანიებისა და სამუშაო ადგილის მიხედვით. ნიუ-იორკსა და სან-ფრანცისკოში ანაზღაურება სხვა შტატებთან შედარებით მაღალია.

ლუქსემბურგი

თუ თქვენ ეძებთ სამუშაოს ფინანსურ სერვისებში, დაზღვევაში ან სამეცნიერო სექტორში და გაქვთ უნარებისა და გამოცდილების საჭირო კვალიფიკაცია, ლუქსემბურგში წელიწადში დაახლოებით 80 000 ევროს გამომუშავება შეგიძლიათ.

პროგრამული უზრუნველყოფის არქიტექტორს, რომელსაც აქვს მინიმუმ 5- წლიანი გამოცდილება, შეუძლია გამოიმუშავოს 65,000 ევროდან 85,000 ევრომდე წელიწადში.

ინფრასტრუქტურისა და უსაფრთხოების არქიტექტორი – 80 000-95 000 ევრო.

საშუალო დონის IT მენეჯერებს და CISO-ებს შეუძლიათ წელიწადში 80,000-დან 100,000 ევრომდე გამოიმუშავონ.

კანადა

მაგალითად, ჩრდილოეთ კანადაში სამთო მოპოვების სფეროში ბევრი ემიგრანტია დასაქმებული. კალგარიში, საშუალო დონის დაქირავებულს თვეში დაახლოებით 5000 კანადური დოლარის გამომუშავება შეუძლია.

მაგრამ კანადაში ხელფასების პროცენტი, რომელიც რჩება მშრომელთა ჯიბეში, გაცილებით მაღალია.

არიან კომპანიებიც, რომლებიც სექტორში მომუშავეებს უზრუნველყოფენ საცხოვრებლით და კვებით.

წყარო: msn.com; expatra.com