ეროვნულმა ბანკმა 2022 წელს 6 მისო 145.5 ათასი ლარით დააჯარიმა - რა გახდა სანქცირების მიზეზი
საქართველოს ეროვნულმა ბანკმა AML/CFT ზედამხედველობის ფარგლებში 2022 წლის განმავლობაში შვიდი მიკრო საფინანსო ორგანიზაცია დააჯარიმა. საერთო ჯამში, გამოწერილი ჯარიმების მოცულობა 145.5 ათას შეადგენს.
,,ბიზნესპრესნიუსი" გთავაზობთ დაჯარიმებული მისო-ების ჩამონათვალს:
- „კრისტალი“ - 110 500 ლარი
- "მისო მონეტა ექსპრესი" - 12,000 ლარი
- ,,სვის კაპიტალი" - 12 000 ლარი
- „სმარტ ფინანსი“ - 11 000 ლარი
- "მიკრო ბიზნეს კაპიტალი" - 7 000 ლარი
- ,,ბერმელი" - 5 000 ლარი
დაჯარიმების მიზეზებს შორის ყველაზე ხშირი ფულის გათეთრებისა და ტერორიზმის დაფინანსების აღკვეთის ხელშეწყობის კანონმდებლობით გათვალისწინებული სხვადასხვა მუხლების დარღვევაა. ასევე, მიზეზებს შორისაა შემოწმების პროცესში მოთხოვნილი ინფორმაციის/დოკუმენტაციის არასწორად წარდგენა და დოკუმენტაციის წარდგენის ვადების დარღვევა.
ინფორმაციისთვის, 2021 წელს სებ-მა 15 მისო დააჯარიმა, ასევე, 2020 წელსაც 15. რაც შეეხება მიმდინარე წელს, სებ-მა უკვე დააჯარიმა 2 მიკროსაფინანსო ორგანიზაცია. "ნოვა კრედიტი " 32 00 ლარით „ფულის გათეთრებისა და ტერორიზმის დაფინანსების აღკვეთის ხელშეწყობის შესახებ" კანონის დარღვევისთვის დაჯარიმდა. მიკროსაფინანსო ორგანიზაცია „გირო კრედიტი" კი 2 ათასი ლარით. დაჯარიმების მიზეზი გახდა, შემოწმების პერიოდში საქართველოს ეროვნული ბანკისთვის არასწორი ინფორმაციის წარდგენა.
