გორის მუნიციპალიტეტის მერი „სოფლის მხარდაჭერის პროგრამის“ ფარგლებში მოსახლეობას ხვდება
გორის მუნიციპალიტეტის მერი ვლადიმერ ხინჩეგაშვილი, „სოფლის მხარდაჭერის პროგრამის“ ფარგლებში, მოსახლეობას ხვდება.
გორის მერიის ინფორმაციით, შეხვედრები 16 იანვარს დაიწყო და 2 თებერვალს დასრულდება.
მათივე ცნობით, პროგრამით განსახორციელებელი პროექტები შეხვედრებზე სოფლის მოსახლეობის ხმათა უმრავლესობით წყდება. „სოფლის მხარდაჭერის პროგრამის“ ფარგლებში მოსახლეობა ძირითადად გარე განათების დასრულებას, შიდა საუბნო გზებისა და სანიაღვრეების მოწესრიგებას, სპორტული სივრცეების მოწყობას, სკვერებისა და სასაფლაოების შემოღობვას ირჩევს. პროგრამის ფარგლებში თითოეულ სოფელში 10 ათასიდან 20 ათას ლარამდე ღირებულების მცირე ინფრასტრუქტურული პროექტები დაფინანსდება. შეხვედრები 16 იანვარს დაიწყო და 2 თებერვალს დასრულდება. ვლადიმერ ხინჩეგაშვილი შეხვედრებზე „სოფლის მხარდაჭერის პროგრამის“ ფარგლებში ინიცირებული პროექტების გარდა, ადგილობრივებისგან პირადად ისმენს იმ საჭიროებებს, რაც მოსახლეობას გააჩნია. ადგილობრივი მოსახლეობის მიერ მერთან შეხვედრებზე გაჟღერებული საკითხების გადასაჭრელად, პროექტებს გორის მუნიციპალიტეტის მერია ეტაპობრივად განახორციელებს”, - ნათქვამია გავრცელებულ ინფორმაციაში.